Saaduqa Gaaffii

◼ Lallabuu akka dhaabdan yoo ajajamtan maal gochuu qabdu?

Yeroo tokko tokko babal’istoonni bifa tajaajilaa tokko tokkorratti hirmaachaa utuu jiranii, poolisiin seera cabsaa akka jiran itti himuudhaan lallabuusaanii akka dhaaban isaan ajaja. Haalli akkasii yoo isin mudate, yeruma sana kabajaan naannoo sana dhiistanii deemuu qabdu. (Mat. 5:41; Filp. 4:5) Karaa seeraa mirga akka qabnu ibsuudhaan ofuma keessanii dhimma sanaaf furmaata argamsiisuuf yaalii hin godhinaa. Danda’amnaan lakkoofsa waraqaa eenyummaa poolisichaafi lakkoofsa ganda inni itti ramadamee malaan qabachuuf yaalaa. Isa booda dhimma kana waajjira dameetti akka beeksisaniif utuu hin turin jaarsoliitti himaa. Haaluma wal fakkaatuunis itti gaafatamaan gamoo tokkoo ykn namni bakka bu’aa ta’e kamiyyuu gamoo sana keessaa akka baatan yoo isin ajaje yeruma sana gamoo sana dhiisa deemaa, dhimmasaas yeruma sana jaarsoliitti himuu qabdu. Namoota aboo qaban biratti amala garraamummaafi gad of deebisuu argisiisuun, utuu hin barbaachisin rakkinni akka hin uumamne gochuurratti gumaacha guddaa qaba.—Fak. 15:1; Rom. 12:18.