Haala Akkamiirratti Argama?

Barreeffama raabsuuf yaanne kamiyyuu ilaalchisee gaaffii kana kaasuun barbaachisaadha. Barreeffamni fiixeensaa dachaʼe, bifasaa dhabe, xuraaʼee ykn moofaʼe kamiyyuu waaʼee jaarmiyaa keenyaa ergaa gadhee kan dabarsu yommuu taʼu, namni haasofsiisnu ergaa miidhagaafi lubbuu namaa baraaru isa barreeffamoota keenya keessatti argamurratti akka hin xiyyeeffanne gochuu dandaʼa.

Barreeffamoota keenya qulqullinaan qabuu kan dandeenyu akkamitti? Babalʼistoonni hedduun barreeffamoota wal fakkaatan bakka tokko kaaʼuu akka dandaʼan, korojoo tajaajilaasaanii qindeessaniiru. Fakkeenyaaf, korojoonsaanii kitaabotaaf, barruuleedhaaf, birooshurootaaf, tiraaktotaafi wantoota kaaniif kutaa addaddaa qaba. Akka barreeffamoonni hin hubamne, Macaafa Qulqulluusaaniis taʼe barreeffama kaan gara korojoo tajaajilaasaanii of eeggannoodhaan deebisu. Babalʼistoonni tokko tokko barreeffamootasaanii doosee ykn korojoo laastikii barreeffamicha mulʼisuun qabatu. Kan fayyadamnu maalittiyyuu yoo taʼe, namootaaf barreeffama hubame kennuudhaan tajaajila keenya komachuuf sababii akka argatan gochuu hin barbaannu.—2 Qor. 6:3.