Weeb Saayitii Keenya—Qayyabannaa Dhuunfaafi Qayyabannaa Maatiidhaaf Itti Fayyadamaa
Barruu Dhihootti Baʼeefi Toora Intarneetiirra Jiru Dubbisi: Barruulee Masaraa Eegumsaafi Dammaqaa! haaraa, karaa gumii utuu nu hin gaʼin torban hedduu dura toora Intarneetiirratti baʼan dubbisi. Barruulee sagaleedhaan waraabaman dhaggeeffadhu.—Mataduree, “Barreeffamoota/Barruulee” jedhu ilaali.
Mataduree Weeb Saayitii Qofarratti Argamu Dubbisi: Matadureewwan kanneen akka “Dargaggootaaf,” “Macaafa Qulqulluurraa Baradhu,” “Mataduree Maatiin Irratti Mariʼatu,” akkasumas “Gaaffii Dargaggootaa” jedhaman, Weeb saayitii keenya qofarratti argamu. Yeroo qayyabannaa maatii ykn qayyabannaa dhuunfaa gootan, Intarneetii banuudhaan matadureewwan kana keessaa tokko tokko dubbisaa.—Mataduree “Barumsa Macaafa Qulqulluu/Ijoollee” ykn “Barumsa Macaafa Qulqulluu/Dargaggoota” jedhu ilaalaa.
Oduuwwan Haaraa Dubbisi: Gabaasaafi muuxannoowwan nama jajjabeessan akkasumas viidiyoowwan guddina hojiin keenya addunyaa maratti gochaa jiru argisiisan ilaali. Gabaasawwan waaʼee balaawwan uumamaafi ariʼatama obboloota keenyarra gaʼan caqasan, kadhannaa keenya keessatti isaan yaadachuuf nu gargaaruu dandaʼa. (Yaq. 5:16)—Mataduree “Oduu” jedhu ilaali.
Laayibirarii Toorarraatti Fayyadamuudhaan Qorannoo Godhi: Laayibirariin toorarraa afaan keetiin qophaaʼeera yoo taʼe, kompiitara ykn moobaayiliitti fayyadamuudhaan caqasa guyyaa guyyaa dubbisuu ykn barreeffamoota dhiheenyatti baʼanitti fayyadamuudhaan qorannoo gochuu dandeessa.—Mataduree “Barreeffamoota/Laayibirarii Toorarraa” ykn Weeb saayitii www.wol.jw.org jedhamu baafata teessoorratti barreessi.
[Diyaagraamii fuula 4rra jiru]
(Odeeffannoo guutuu argachuuf, barruu kana ilaali)
Yaali
1 Fakkicharratti ykn jecha “Garagalfadhu” jedhutti buʼi. Fakkichi bifa PDFtiin iskiriiniirratti mulʼata. Achiis fakkicha maxxanfachuudhaan ijoollee keessanii wajjin irratti mariʼadhaa.
2 Viidiyoo ilaaluuf, jecha “Bani” jedhutti buʼi.