Dandeettii Tajaajila Irratti Qabnu Fooyyeffachuu—Naannoo Daldalaatti Dhugaa Baʼuu

Barbaachisaa Kan Taʼe Maaliifi? Namoonni hedduun saʼaatii dheeraa waan hojjetaniif, yeroo baayʼee karaa gaariin ergaa Mootummichaa isaaniin gaʼuun itti dandaʼamu bakka hojii isaaniitti isaaniif lallabuu dha. Iddoowwan daldalaa hundatti nama waan argannuuf, akkasumas hojjettoonni akka nuyi maamiltoota isaanii haaraa taaneetti nu ilaaluudhaan akka gaariitti waan nu simataniif, naannoowwan daldalaatti lallabuun gammachiisaa fi buʼa qabeessa taʼuu dandaʼa. Buʼa qabeeyyii taʼuuf, babalʼistoonni mala qabeeyyii fi hubatoo, akkasumas akkaataa uffannaa fi filannaa isaaniitiin fakkeenya gaarii kan taʼan taʼuu qabu. (2 Qor. 6:3) Kanaaf, ilaaltuu ol aanaan tajaajilaa akkaataa naannoon daldalaa itti hojjetamuu fi obboloonni achitti tajaajilan eenyufaa akka taʼan of eeggannoodhaan toʼachuu qaba.