Deebii Gaarii Deebisuun kan Dandaʼamu Akkamitti?

Deebii gaariin gumii ni ijaara. (Rom 14:19) Warra deebii deebisanis ni fayyada. (Fak 15:23, 28) Kanaaf, walgaʼii hunda irratti yoo xinnaate deebii tokko deebisuuf carraaquu qabna. Yeroo harka baasnu hundatti carraa argachuu akka hin dandeenye beekamaa dha. Kanaaf, deebii garaa garaa qophaaʼuun gaarii dha.

Deebii gaariin . . .

• salphaa, ifa kan taʼee fi gabaabaa dha. Yeroo baayʼee sekoondii 30 ykn isaa gad keessatti deebisamuu dandaʼa

• jecha mataa keessaniin isa deebistani dha

• isa duraan deebisame irra kan deebiʼame miti

Akka deebistuuf jalqaba irratti yoo gaafatamte . . .

• gaaffii gaafatameef kallattiidhaan deebii salphaa kenni

Gaaffichi erga deebifamee booda, . . .

• caqasni caqasame barumsa qoʼatamaa jiru akkamitti akka deggeru ibsi

• dhimmichi jireenya keenya kan tuqu akkamitti akka taʼe ibsi

• barumsichatti akkamitti fayyadamuu akka dandeenyu ibsi

• muuxannoo gabaabaa yaada ijoo isaa addeessu dubbadhu