AKKA KIRISTIYAANA TOKKOOTTI JIRAACHUU
Kiristiyaanota Ariʼatamni Isaan Irra Gaʼaa Jiruuf Kadhachuu hin Dagatinaa
Kitaabni Qulqulluun, Seexanni tajaajila keenya dhaabsisuuf jecha, ariʼatama akka nu irraan geessisu raajii dubbateera. (Yoh 15:20; Mul 12:17) Kiristiyaanota biyyoota kan biraa jiranii fi ariʼatamni isaan irra gaʼaa jiru gargaaruu kan dandeenyu akkamitti? Isaaniif kadhachuu dandeenya. “Wawwaannaan nama qajeelaa humna qaba, namoota gargaaruus ni dandaʼa.”—Yaq 5:16.
Waaʼee maalii kadhachuu dandeenya? Yihowaan obbolootaa fi obboleettota keenyaaf ija jabina akka kennu, akkasumas akka hin sodaanne akka isaan gargaaru kadhachuu dandeenya. (Isa 41:10-13) “Jireenya tasgabbii fi gabii qabu akka jiraannuuf,” abbootiin taayitaa hojii lallabaa keenyaaf ilaalcha gaarii akka qabataan kadhachuus ni dandeenya.—1Xi 2:1, 2.
Phaawulosii fi Pheexiros yommuu ariʼatamni isaan irra gaʼetti, Kiristiyaanonni jaarraa jalqabaa maqaa isaanii waamanii isaaniif kadhataniiru. (HoE 12:5; Rom 15:30, 31) Maqaa obboloota yeroo ammaatti ariʼatamni isaan irra gaʼu hunda beekuu baannus, gumii, biyya ykn naannoo isaanii caqasuudhaan isaaniif kadhachuu ni dandeenyaa?