Qajeelchaa Taʼuudhaan Yihowaa Jajadhaa

Israaʼeloonni Yihowaa jajachuuf sababa guddaa qabu turan. Inni Gibxii keessaa isaan baaseera, raayyaa waraanaa Faraʼoon jalaas isaan oolcheera! (Bau 15:1, 2) Yihowaan saba isaatti gaarummaa argisiisuu isaa itti fufeera. Maarree wanta nuu godheef akka isa galateeffannu argisiisuu kan dandeenyu akkamitti?—Far 116:12.

Karaan kana gochuu itti dandeenyu inni tokko qajeelchaa gargaaraa ykn qajeelchaa yeroo hundaa taʼuudhaan tajaajiluu dha. Yihowaan fedhii fi humna qajeelchaa taatanii tajaajiluuf isin dandeessisu akka isiniif kennu kadhachuu dandeessu. (Flp 2:13) Obboloonni baayʼeen qajeelchaa gargaaraa taʼuudhaan jalqabu. Jiʼoota Bitootessaa fi Eblaatti, akkasumas jiʼa ilaaltuun ol aanaa aanaa gumii keessan daawwatutti saʼaatii 30 ykn 50 tajaajiluuf filachuu dandeessu. Qajeelchaa gargaaraa taʼuun keessan gammachuu hammamii akka isiniif argamsiise yeroo argitan, qajeelchaa yeroo hundaa taʼuuf carraaqqii gochuuf fedhii qabaachuu dandeessu. Namoonni guyyaa guutuu hojjetan ykn haalli fayyaa isaanii gaarii hin taane tokko tokko illee qajeelchaa yeroo hundaa taʼanii tajaajiluu dandaʼaniiru. (mwb16.07 8) Yihowaan jajannaan kan isaaf malu waan taʼeef, isa jajachuuf carraaqqii cimaa gochuun keenya barbaachisaa dha.—1Se 16:25.

VIIDIYOO OBBOLEETTOTA MONGOOLIYAATTI ARGAMAN SADI JEDHAMU ERGA ILAALTANII BOODA, GAAFFIIWWAN ARMAAN GADII DEEBISUUF YAALAA:

• 

  Obboleettonni sadan kun qajeelchitoota taʼuuf haala rakkisaa akkamii moʼuun isaan barbaachiseera?

• 

  Eebbawwan akkamii argatan?

• 

  Qajeelchitoota taʼuun isaanii carraawwan akkamii isaaniif bane?

• 

  Fakkeenyummaan isaanii warra kaan irratti dhiibbaa akkamii godhe?