Adaba Yihowaa Deggeruudhaan Jaalala Argisiisna

Qophiin gumiidhaa baasuu gumichaaf eegumsa godha; namni balleessaa isaa irraa hin deebine immoo adaba akka argatu godha. (1Qo 5:6, 11) Adaba Yihowaa kana yommuu deggerru jaalala akka qabnu argisiisna. Gumiidhaa baasuun firoota nama sanaa fi obboloota koree murtii keessatti hirmaatan dabalatee warra kaan irratti karaa miiraa miidhaa kan geessisu taʼuun isaa kun dhugaa akka taʼe kan argisiisu akkamitti?

Hundumaa caalaa, maqaa Yihowaa fi ulaagaa inni qulqullummaadhaaf baaseef jaalala akka qabnu argisiisna. (1Ph 1:14-16) Nama gumiidhaa baafameefis jaalala akka qabnu argisiisna. Adabni cimaan kan nama dhukkubsu taʼus, “firii qajeelummaa isa nagaa” argamsiisuu dandaʼa. (Ibr 12:5, 6, 11) Nama gumiidhaa baafame ykn gumii irraa of fageessee wajjin walitti dhufeenya yoo qabaanne, adaba Yihowaa gidduu lixaa jirra jechuu dha. Yihowaan kan nu adabu ‘hamma nuuf malu’ akka taʼe yaadachuu qabna. (Er 30:11) Adaba Yihowaa kan deggerruu fi karaa hafuuraa sochii gaarii kan goonu yoo taʼe, namni sun gara Abbaa keenya isa gara laafessa taʼeetti akka deebiʼu abdachuu keenya itti fufuu dandeenya.—Isa 1:16-18; 55:7.

VIIDIYOO BIFA DIRAAMAATIIN QOPHAAʼEE FI GARAA TOKKOON AMANAMUMMAA KEESSAN EEGGADHAA JEDHAMU ERGA ILAALTANII BOODA, GAAFFIIWWAN ARMAAN GADII DEEBISUUF YAALAA:

• 

  Maatiin kun yeroo mucaan isaanii Yihowaa waaqeffachuu dhiisu miira akkamiitu isaanitti dhagaʼame?

• 

  Gumichi miseensota maatii amanamoo taʼan deggeruu kan dandaʼu akkamitti?

• 

  Seenaan Kitaaba Qulqulluu maatii keenya caalaa Yihowaadhaaf amanamoo taʼuu akka qabnu argisiisu isa kami?

• 

  Maatii keenya caalaa Yihowaadhaaf amanamoo akka taane argisiisuu kan dandeenyu akkamitti?