Humna Yihowaan Oolchuuf Qaburratti Amantii Qabdu Cimsadhu

Israaʼelonni Yihowaa irratti amantii kan dhaban akkamitti akka taʼe hubachuuf Lakkoofsa 13:25–14:4 dubbisi.

Yaada naannoosaa jiru ilaali. Israaʼelonni yeroo Gibxiidhaa baʼanitti humna Yihowaan isaan oolchuuf qaburratti amantii qabaachuu kan qaban maaliif ture? (Far. 78:12-16, 43-53) Yihowaa irratti amantii akka dhaban wanti isaan taasise maal ture? (Kes. 1:26-28) Iyyaasuu fi Kaaleb Yihowaa irratti amantii akkamii qabu turan?—Lak. 14:6-9.

Gadi fageenyaan qori. Israaʼelonni amantii Yihowaa irratti qaban guddifachuuf maal gochuu dandaʼu turan? (Far. 9:10; 22:4; 78:11) Yihowaa irratti amantii qabaachuu fi isa kabajuu gidduu hariiroo akkamiitu jira?—Lak. 14:11.

Barumsa argattu adda baafadhu. Akkana jedhii of gaafadhu:

• ‘Guutummaatti Yihowaatti amanamuun natti ulfaachuu kan dandaʼu haalawwan akkamii keessattidha?’

• ‘Ammas taʼe gara fuulduraatti Yihowaatti amanamuuf maal gochuun dandaʼa?’

• ‘Rakkina guddaa sodaachuu kanan hin qabne maaliifi?’—Luq. 21:25-28.