Namoota Siyaasaa Ofittoo Taʼan—Mootummaan Waaqayyoo Maal Raawwata?

Namoonni bulchitoota amanamoo taʼan qabaachuu barbaadu; namoota siyaasaa ofittoo taʼaniin buluu nuffaniiru. Qorannaan addunyaa maratti godhamee fi bara 2023​tti maxxanfame tokko, namoonni hundumaa caalaa geggeessitoota siyaasaa amanuun akka isaanitti ulfaatu gabaaseera.a

Kitaabni Qulqulluun bulchiinsi, Geggeessaa amanamaa malaanmaltummaa irraa guutummaatti walaba taʼe qabu tokko akka jiru nutti hima. Bulchiinsi kun Mootummaa Waaqayyoo yeroo taʼu, Geggeessaan isaa immoo Yesuus Kiristoosi.—Isaayyaas 9:7.

Yesuus namootaaf garaadhaa akka yaadu argisiiseera. (Maatewos 9:35, 36) Mootii Mootummaa Waaqayyoo waan taʼeef, namoota bulchiinsa isaa fudhatan hundaaf haqaa fi nagaa argamsiisa.—Faarfannaa 72:12-14.