Waaqayyo Iddoo Murtaaʼe Tokko Qofa Jiraataa?

Deebii Kitaaba Qulqulluu

Eeyyee. Waaqayyo iddoo murtaaʼaa, jechuunis samiiwwan keessa jiraata. Mee caqasawwan Kitaaba Qulqulluu kana ilaali:

Solomoon Mootichi yommuu kadhannaa dhiheessu, “Waaqa irraa, iddoo jireenya keetiitii isaaf dhagaʼi!” jedheera.—1 Mootota 8:43.

Yesuus Kiristoos barattoonni isaa akkamitti kadhannaa dhiheessuu akka qaban yommuu barsiisu, “Abbaa keenya isa samii irra jiraattuu” jedheera.—Maatewos 6:9.

Yesuus erga duʼaa kaafamee booda, “Waaqayyo duratti mulʼachuuf kallattiidhaan gara samiitti seene.”—Ibroota 9:24.

Caqasawwan kun Yihowaan Waaqa dhugumaan jiru akka taʼee fi bakka hunda kan jiraatu utuu hin taʼin samii keessa qofa akka jiraatu ifatti ibsu.