Wantoota Sagantaa Dubbisa Kitaaba Qulqulluu Kee Hordofuuf Si Gargaaran

Hojiin waan sitti baayʼatuuf sagantaa guyyaa guyyaadhaan Kitaaba Qulqulluu dubbisuuf baafatte hordofuun sitti ulfaataa? (Iya. 1:8) Taanaan, yaadawwan armaan gadii hojiirra oolchuuf yaali:

• Guyyaa guyyaadhaan wanta si yaadachiisu qopheeffadhu. Kitaaba Qulqulluu dubbisuu akka si yaadachiisuuf bilbila keerratti alaarmii guuttadhu.

• Kitaaba Qulqulluu kee iddoo salphaatti mulʼatu kaaʼi. Isa waraqaadhaan maxxanfamerraa dubbista taanaan bakka yeroo hunda argitu kaaʼadhu.—Kes. 11:18.

• Isa sagaleedhaan waraabame dhaggeeffadhu. Wantoota tokko tokko yeroo hojjettu dhaggeeffadhu. Taaraan qajeelchituu fi haadha siʼa taatu dabaree halkanii hojjetti; akkas jetteetti: “Yeroon hojii mana keessaa hojjedhutti Kitaaba Qulqulluu isa sagaleedhaan waraabame dhaggeeffachuun koo sagantaa dubbisaa koo dhaabbataa gochuuf na gargaareera.”

• Abdii hin kutatin. Wanti hin yaadamne sagantaa kee yoo si jalaa jeeqe, yoo xinnaate rafuu kee dura caqasoota muraasa dubbisi. Xinnoo xinnoo yoo dubbistellee fayyadamuu dandeessa.—1 Phe. 2:2.