Ацы брошюрӕ куыд арӕзт у

Ацы брошюрӕйы алы бонӕн дӕр ис Библийӕ стих ӕмӕ комментарий. Стих ӕмӕ йӕм цы комментарий ис, уый боны мидӕг кӕдфӕнды дӕр ис бакӕсӕн. Фӕлӕ бирӕтӕ зӕгъынц, уый хуыздӕр кӕй у райсомӕй аразын. Афтӕмӕй сын фадат вӕййы, цӕмӕй сыл боны дӕргъы хъуыды кӕной. Ӕппӕты хуыздӕр вӕййы, бинонтӕ стихыл иумӕ куы фӕныхас кӕнынц. Ӕгас зӕххыл дӕр Вефилы бинонтӕ стих иумӕ февзарынц райсомӕй, аходӕны рӕстӕг.

Комментаритӕ ист сты, 2017 азы апрелӕй 2018 азы мартъимӕ уагъд брошюрӕты цы ахуыргӕнӕн статьятӕ ис, уыдонӕй. Аз ӕмӕ мӕйы фӕстӕ цы нымӕцтӕ ис, уыдон амонынц, ахуыргӕнӕн статья кӕцы фарсыл ис, уымӕ. Уый фӕстӕ цы нымӕцтӕ ис, уыдон та амонынц абзацтӕм. (Кӕс, дӕлдӕр цы цӕвиттон ис, уымӕ.) Уыцы статьяты ма ссарӕн ис фылдӕр хъуыдытӕ.