Дӕ бон у дӕ ныхас фарстайӕ нӕ, фӕлӕ исты хъуыдыйӕ райдайын?
Йесо цъайы цур сылгоймагимӕ йӕ ныхас райдыдта хуымӕтӕг ныхасӕй: «Дон-ма мын авӕр» (Иоан. 4:7). Фӕстӕдӕр уыцы сылгоймаг Йесойыл баууӕндыд. Апостол Павел Ареопаджы йӕ ныхас райдыдта, цы федта, уымӕй ӕмӕ йӕм афинӕгтӕ байхъуыстой. Уымӕ гӕсгӕ хорз уаид, мах дӕр-иу нӕ ныхас алы хатт фарстайӕ куы нӕ райдаиккам. Хатт фарста куы раттӕм, уӕд адӕймаг фефсӕрмы вӕййы кӕнӕ та смӕсты вӕййы. Бирӕтӕн адӕмимӕ ныхас ӕнцонтӕй бацайдагъ вӕййы, ӕнӕуи исты хъуыды куы фӕзӕгъынц йе та цы федтой, уый куы радзурынц, уӕд. Хорз цӕвиттонтӕ ссарӕн ис чиныджы «Рассуждение», 9–15 фф. Дӕ бон у дӕ ныхасы райдианы цавӕрдӕр хъуыды зӕгъын, ӕмӕ уый фӕстӕ фарста раттыны бӕсты бакӕсын стих Библийӕ ӕмӕ нӕ публикацийӕ исты хъуыды? Мӕнӕ уымӕн цалдӕр цӕвиттоны:
«Абон бинонтӕ скӕнын ӕнцондӕр у иумӕ цӕрынӕй. Зӕгъӕм, нӕ бӕстӕйы бинонтӕ чи скӕны, уыдонӕй алы дыккаг къай дӕр ахицӕн вӕййы. Ӕркӕс-ма, афтӕ цӕмӕн у, уымӕн йӕ аххосӕгтӕй иумӕ. [Бакӕс 1 Коринфӕгтӕм 13:5ӕ.] Библи куыд дзуры, афтӕмӕй бинонты цард гӕнӕн ис, ӕмӕ фехӕла, лӕг ӕмӕ ус кӕрӕдзийӕн хатыр кӕнын кӕй нӕ зонынц, уый тыххӕй».
«Никӕй зӕрдӕмӕ цӕуы, цӕмӕй йӕ сайой, фӕлӕ куыд уынӕм, афтӕмӕй сайгӕ чи кӕны, уыдон фылдӕр кӕнынц. Мах ӕй зонӕм, адӕм абон гӕдыныхӕстӕ кӕнынӕй цӕуылнӕ тӕрсынц. [Бакӕс Екклесиасты 8:11.] Библи куыд ӕмбарын кӕны, афтӕмӕй адӕймаг йӕ гӕдыныхӕсты тыххӕй уыцы тӕккӕ ӕфхӕрд кӕй нӕ баййафы, сайын дӕр уымӕн сахуыр вӕййы».
Цӕмӕй дӕ ныхас адарддӕр кӕнай, уый тыххӕй дӕ бон у зӕгъын: «Библийы ма ис бирӕ ӕндӕр цымыдисаг темӕтӕ дӕр». Уый фӕстӕ дӕ бон у бакӕнын, уыцы мӕй цы брошюрӕ парахат кӕнӕм, уым рубрикӕ «Хуыцауы Ныхас хуыздӕр базон». Стӕй адӕймаджы бафӕрс, кӕцы дӕлсӕргонд ӕй цымыдис кӕны, уымӕй ӕмӕ дзы иу кӕнӕ цалдӕр абзацы равзар.