Ма тӕрс куыстуӕтты хъусын кӕнын
1. Нӕ ныфс цӕуылнӕ хъуамӕ сӕтта, куыстуӕтты хъусын кӕнын куы нӕ уӕндӕм, уӕд?
1 Уӕндыс куыстуӕтты хъусын кӕнын? Кӕд нӕ, уӕд дӕ ныфс ма асӕттӕд, суанг ма Павелӕн дӕр, кӕд уӕндон хъусынгӕнӕг уыди, уӕддӕр ын Хуыцау хъарутӕ лӕвӕрдта, цӕмӕй хорз хабар ныфсджынӕй дзырдтаид (1 Фес. 2:2). Мах равзардзыстӕм, арӕхдӕр цы фарстатӕ сӕвзӕры, уыдон ӕмӕ иу цалдӕр уынаффӕмӕ ӕркӕсдзыстӕм.
2. Афтӕ хъуыды кӕнын цӕуылнӕ хъӕуы, зӕгъгӕ, адӕмы кусын хъыгдарӕм?
2 Адӕмы кусын фӕхъыгдарӕм? Бирӕ куыстуӕтты кусджытӕн сӕ куыст уый у, цӕмӕй сӕм чи бацӕуы, уыдонӕн сӕ къух аразой ӕмӕ сын сӕ фарстатӕн дзуапп дӕттой. Уымӕ гӕсгӕ кусджытӕ арӕх вӕййынц уӕздан. Нӕ дарӕс аив куы уа ӕмӕ семӕ уӕзданӕй куы ныхас кӕнӕм, уӕд уыдон дӕр немӕ сӕхи афтӕ дардзысты.
3. Цы саразӕм, цӕмӕй ӕлхӕнджыты ма тыхсын кӕнӕм?
3 Мӕ бон бирӕ ӕлхӕнджыты ’хсӕн дзурын бауыдзӕн? Кӕд гӕнӕн ис, уӕд-иу дуканиты хъусын кӕн, бирӕ адӕм дзы куы нӕ уа, уӕд, зӕгъӕм, кусын куы райдайынц. Уӕйгӕнӕг куы ссӕрибар уа, уӕд-иу ӕм бацу. Цӕмӕн ӕрбацыдтӕ, уый-иу ын цыбыртӕй бамбарын кӕн.
4. Нӕ бон цы у зӕгъын, куыстмӕ кӕмӕ бацӕуӕм, уыдонӕн?
4 Цы ис зӕгъӕн? Куыстуаты цалдӕр кусӕджы куы уа, уӕд хуыздӕр у раздӕр администраторимӕ аныхас кӕнын. Дӕ бон ын у зӕгъын: «Кусгӕ чи кӕны, уыдоны хӕдзары баййафын тынг зын у, ӕмӕ уӕм куыстмӕ уымӕн ӕрбацыдтӕн. Зонын ӕй, кӕй дӕ не ’вдӕлы, ӕмӕ дӕ бирӕ нӕ бафӕстиат кӕндзынӕн». Литературӕ уадзынӕн нӕм ӕхца кӕцӕй цӕуы, уымӕй нӕ куы нӕ фӕрсой, уӕд хуыздӕр уыдзӕн, цӕмӕй мысайнӕгты кой ма скӕнӕм, кӕннод нӕ уӕйгӕнджытӕ фенхъӕлдзысты. Бирӕ куыстуӕтты администратортӕй фӕхъӕуы бар ракурын, цӕмӕй кусджытимӕ цыбыртӕй аныхас кӕнай. Де ’рбацыды сӕр та сын ногӕй зӕгъ. Кусӕджы куы не ’вдӕла, уӕд дӕ ныхас фӕцыбырдӕр кӕн ӕмӕ йын трактат ныууадз. Кусджытимӕ аныхас кӕнынӕн фадат куы нӕ уа, уӕд дын чи зоны бар радтой, кусджытӕ кӕм фӕулӕфынц ӕмӕ кӕм фӕхӕрынц, уым литературӕ ныууадзын.
5. Куыстуӕтты хъусын кӕнынӕй тӕрсын цӕуылнӕ хъӕуы?
5 Йесо ӕмӕ Павел ныфсджынӕй хъусын кодтой адӕмӕн сӕ куысты бынӕтты, ӕмӕ дӕуӕн дӕр дӕ бон у (Матф. 4:18–21; 9:9; Хъуыд. 17:17). Йегъовӕмӕ кув, цӕмӕй дӕ зӕрдӕ сабыр уа ӕмӕ мацӕмӕй тӕрсай (Хъуыд. 4:29). Куыстуӕтты алы хатт дӕр адӕм кӕй вӕййы, уымӕ гӕсгӕ хорз нӕ уаид, уырдӕм нӕ хъарутӕ куы саразиккам?