Уацамынды нӕ ныхас куыд райдайӕм
Июлы фыццаг сабаты куыд ис искӕимӕ Библи ахуыр кӕнын райдайӕн.
«Алы адӕймаджы дӕр фӕнды, цӕмӕй бирӕ фӕцӕра ӕмӕ амондджын уа. Ӕмӕ нӕ фӕнды дӕ хъуыды дӕр базонын. Цымӕ искуы ахӕм рӕстӕг уыдзӕн, ӕмӕ адӕм наукӕ ӕмӕ медицинӕйы фӕрцы ӕнустӕм цӕрдзысты? [Бауадз ӕй йӕ хъуыды зӕгъын.] Дӕ хъус-ма ӕрдар, ам цы фыст ис, уымӕ». Уый фӕстӕ йын равдис брошюрӕйы «Динтӕй искӕцыйыл ӕууӕндӕн ис?» фӕстаг фарс. Аныхас кӕнут фыццаг фарстайыл ӕмӕ дзы цы стихтӕ ис, уыдонӕй йын, ӕппынкъаддӕр, иу бакӕс. Брошюрӕ йӕм ратт ӕмӕ йын зӕгъ, ӕндӕр хатт ӕм кӕй бацӕудзынӕ, цӕмӕй иннӕ фарстайыл аныхас кӕнат.
Фиппаинаг: ацы равдыст хъӕудзӕн равдисын, 6 июлы цы уацамындон фембӕлд уыдзӕн, уым.
Брошюрӕ «Динтӕй искӕцыйыл ӕууӕндӕн ис?».
«Кӕимӕ фӕныхас кӕнӕм, уыдонӕй бирӕтӕ фӕзӕгъынц, зӕгъгӕ, мӕнӕн ис мӕхи дин. Иннӕтӕ та фӕзӕгъынц, иу диныл дӕр нал ӕууӕндын, зӕгъгӕ. Ды та динтӕм цы цӕстӕй кӕсыс? [Бауадз ӕй йӕ хъуыды зӕгъын.] Йесо нын бацамыдта, раст дин куыд базонӕн ис, уый. [Бакӕс Лукайы 6:44а]. Ацы брошюрӕйы дзырд цӕуы, динтӕ цы зиан хӕссынц, уый тыххӕй. Стӕй ма дзы дзуапп базондзынӕ ахӕм фарстайӕн: «Цымӕ ӕууӕндӕн кӕуыл ис, ахӕм дин ис?»
Брошюрӕ «Хорз хабар Хуыцауӕй».
«Абон Библийӕ дзурӕм ныфсы ныхӕстӕ. Бирӕтӕ фӕзӕгъынц, кӕд нӕ Хуыцау уарзы, уӕд нын нӕ хъизӕмӕрттӕм ӕнцад цӕмӕн кӕсы. Куыд хъуыды кӕныс, Хуыцау адӕмы хъизӕмар кӕнынӕн сфӕлдыста?» Бауадз ӕй йӕ хъуыды зӕгъын. Уый фӕстӕ байгом кӕн 5 сӕргонд. Бакӕсут ӕмӕ аныхас кӕнут фыццаг дыууӕ абзацыл ӕмӕ зулфыст чи у, уыцы стихтыл. Брошюрӕ йӕм ратт ӕмӕ йын зӕгъ, иннӕ хатт ӕм кӕй бацӕудзынӕ, цӕмӕй иннӕ фарстайыл аныхас кӕнат.