Архайӕм арӕхстджындӕрӕй хъусын кӕныныл. Нӕ ахуыргӕнинӕгтӕн амонӕм, Библи ӕнтыстджынӕй куыд ис иртасӕн, уый

Уый ахсджиаг цӕмӕн у. Цӕмӕй ахуыргӕнинаг уырнындзинады рӕза, уый тыххӕй ӕрмӕст Библийы сӕйраг ахуырӕдтӕй зонд ӕмӕ зӕрдӕ дзаг кӕнын фаг нӕу (Дзут. 5:12–6:1). Библи иртасынӕн хъӕуы ӕппӕт хъарутӕй архайын. Хъуамӕ-иу, ногӕй цы базонӕм, уый, уӕдмӕ цы зыдтам, уыимӕ сбӕттӕм ӕмӕ-иу ахъуыды кӕнӕм, уыцы зонындзинӕдтӕ нын цы пайда ӕрхӕсдзысты, ууыл (Ӕмб. 2:1–6). Ахуыргӕнинӕгтӕ Библи иртасын сӕхӕдӕг куы сахуыр уой, уӕд сӕ бон уыдзӕн, фарстатӕ сӕм чи дӕтта, уыдонӕн нӕ публикациты фӕрцы дзуапп дӕттын. Цы базонынц, уымӕ гӕсгӕ ӕппӕт тыхтӕй куы архайой, уӕд сӕ бон уыдзӕн, рӕстдзинады фӕндагыл цӕугӕйӕ цы фӕлварӕнтыл ӕмбӕлдзысты, уыдоны фидар лӕууын (Лук. 6:47, 48).