Фидӕны нӕм цы ӕнхъӕлмӕ кӕсы?

БИБЛИЙЫ ФЫСТ ИС

«Хуыцау... сын ныссӕрфдзӕн сӕ цӕссыгтӕ, ӕмӕ нал уыдзӕн нӕдӕр мӕлӕт, нӕдӕр маст, нӕдӕр хъарӕг, нӕдӕр рыст. Раздӕр цы уыд, уый аивгъуыдта» (Раргомад 21:3, 4, «Библи – Ног дунейы тӕлмац»).

УЫЙ ДЫН ЦӔУЫЛ ДЗУРӔГ У

Дӕ зӕрдӕмӕ чи цӕуы, ахӕм куыст дын уыдзӕн (Исай 65:21–23).

Низтӕ ӕмӕ хъизӕмӕрттӕ нал уыдзӕн (Исай 25:8; 33:24).

Дӕ бинонтӕ ӕмӕ де ’мбӕлттимӕ ӕнустӕм амондджынӕй цӕрдзынӕ (Псалом 37:11, 29).

БИБЛИЙЫ ЦЫ ФЫСТ ИС, УУЫЛ ӔЦӔГДӔР ИС ӔУУӔНДӔН?

О, ӕппынкъаддӕр, дыууӕ хъуыддаджы тыххӕй.

• Хуыцауӕн йӕ бон у, зӕрдӕ цӕмӕй бавӕрдта, уый сӕххӕст кӕнын. Библи ӕрмӕстдӕр Йегъовӕйы хоны «Ӕппӕтхъомысджын Хуыцау», уымӕн ӕмӕ йӕ тыхӕн кӕрон дӕр нӕй (Раргомад 15:3). Уымӕ гӕсгӕ йын зын нӕу йӕ ныхас сӕххӕст кӕнын – цард хуыздӕрырдӕм фӕивын. Библийы куыд фыст ис, афтӕмӕй «Хуыцауӕн алцыдӕр у йӕ бон» (Матфейы 19:26).

• Хуыцауы тынг фӕнды, зӕрдӕ цӕмӕй бавӕрдта, уый сӕххӕст кӕнын. Зӕгъӕм, Йегъовӕ «бӕллы», цӕмӕй райгас кӕна, чи амард, уыдоны (Иов 14:14, 15).

  Библийы ма фыст ис, Хуыцауы Фырт, Йесо, рынчынты кӕй дзӕбӕх кодта. Цӕмӕн? Уымӕн ӕмӕ йӕхи дӕр афтӕ фӕндыди (Марчы 1:40, 41). Чырыстийы дӕр йӕ Фыдау тынг фӕндыд мӕгуыр ӕмӕ рынчын адӕмӕн ӕххуыс кӕнын (Иоанны 5:19).

  Уымӕ гӕсгӕ нӕ бон у фидарӕй зӕгъын, Йегъовӕйы ӕмӕ Йесойы кӕй фӕнды, цӕмӕй фидӕны амондджын уӕм! (Псалом 72:12–14; 145:16; 2 Петры 3:9).