Чи амард, уыдон райгас уыдзысты?

БИБЛИЙЫ ФЫСТ ИС

Чи амард, уыдон «райгас уыдзысты» (Хъуыддӕгтӕ 24:15, «Библи – Ног дунейы тӕлмац»).

УЫЙ ДЫН ЦӔУЫЛ ДЗУРӔГ У

Бирӕ кӕй уарзыс, уыцы адӕмӕй исчи куы амӕла, уӕд афтӕ тынг нӕ маст кӕндзынӕ (2 Коринфӕгтӕм 1:3, 4).

Мӕлӕтӕй нӕ тӕрсдзынӕ (Дзуттӕгтӕм 2:15).

Фидар ныфс дӕ уыдзӕн, чи дын амард, уыдонимӕ та ногӕй зӕххыл кӕй цӕрдзынӕ (Иоанны 5:28, 29).

БИБЛИЙЫ ЦЫ ФЫСТ ИС, УУЫЛ ӔЦӔГДӔР ИС ӔУУӔНДӔН?

О, ӕппынкъаддӕр, ӕртӕ хъуыддаджы тыххӕй.

• Хуыцау у Царддӕттӕг. Библийы Йегъовӕ Хуыцауы тыххӕй фыст ис: «Дӕумӕ ис царды суадон» (Псалом 36:9; Хъуыддӕгтӕ 17:24, 25). Удӕгасӕй цыдӕриддӕр ис, уыдонӕн цард чи балӕвар кодта, уымӕн йӕ бон у, чи амард, уыдоны райгас кӕнын дӕр.

• Хуыцау-иу раздӕр дӕр мӕрдты райгас кодта. Библийы фыст ис, Хуыцау зӕххыл цӕрынӕн кӕй райгас кодта, аст ахӕм адӕймаджы тыххӕй. Уыди дзы ӕрыгӕттӕ, ацӕргӕтӕ, нӕлгоймӕгтӕ ӕмӕ сылгоймӕгтӕ. Чидӕртӕ дзы мард уыдысты цыбыр рӕстӕг, сӕ иу та зӕппадзы мардӕй фӕци цыппар боны! (Иоанны 11:39–44).

• Хуыцауы тынг фӕнды, чи амард, уыдоны райгас кӕнын. Йегъовӕ мӕлӕтӕй йе сӕфт уыны, знагыл ӕй нымайы (1 Коринфӕгтӕм 15:26). Уый «бӕллы», цӕмӕй уыцы знагыл фӕуӕлахиз уа, мӕрдты кӕй райгас кӕндзӕн, уый фӕрцы. Тынг ӕй фӕнды, йӕ хъуыдыйы кӕй дары, уыдоны райгас кӕнын, цӕмӕй та ногӕй зӕххыл цӕрой (Иов 14:14, 15).