Искуы адӕмы хъизӕмӕрттӕн кӕрон уыдзӕн?

БИБЛИЙЫ ФЫСТ ИС

«Хуыцау... сын ныссӕрфдзӕн сӕ цӕссыгтӕ, ӕмӕ нал уыдзӕн нӕдӕр мӕлӕт, нӕдӕр маст, нӕдӕр хъарӕг, нӕдӕр рыст» (Раргомад 21:3, 4, «Библи – Ног дунейы тӕлмац»).

УЫЙ ДЫН ЦӔУЫЛ ДЗУРӔГ У

Зондзынӕ, бӕллӕхтӕ Хуыцауы аххосӕй кӕй нӕ цӕуынц (Иаковы 1:13).

Зондзынӕ, нӕ хъизӕмӕрттӕм кӕсгӕйӕ Хуыцауы зӕрдӕ кӕй фӕриссы, ӕмӕ дын уый удӕнцой хӕсдзӕн (Захари 2:8).

Ныфс дӕ уыдзӕн, адӕмы хъизӕмӕрттӕн кӕрон кӕй уыдзӕн (Псалом 37:9–11).

БИБЛИЙЫ ЦЫ ФЫСТ ИС, УУЫЛ ӔЦӔГДӔР ИС ӔУУӔНДӔН?

О, ӕппынкъаддӕр, дыууӕ хъуыддаджы тыххӕй.

• Хуыцауӕн зын у хъизӕмӕрттӕм ӕмӕ ӕнӕраст хъуыддӕгтӕм кӕсын. Ӕркӕс-ма, Йегъовӕ Хуыцауӕн куыд зын уыди, раджы заманты-иу ын йӕ адӕмы карзӕй куы ӕфхӕрдтой, уӕд. Библи зӕгъы, Хуыцауӕн йӕ зӕрдӕ кӕй фӕрыст, уымӕн ӕмӕ сӕ «алырдыгӕй... ссӕстой» (Тӕрхонгӕнджыты 2:18).

  Хуыцауӕн йӕ маст судзы, фыдхъуыддӕгтӕ чи аразы, уыдонмӕ. Зӕгъӕм, Библийы фыст ис, йе сӕфт кӕй уыны, «ӕнаххос туг чи калы», ахӕм адӕмӕй (Ӕмбисӕндтӕ 6:16, 17).

• Махӕй алчидӕр Хуыцауӕн зынаргъ у. Йегъовӕ нын дзуры, цӕмӕй йын не ’ппӕт сагъӕстӕ дӕр йӕ бар бакӕнӕм, уымӕн ӕмӕ ныл тыхсы (1 Петры 5:7).

  Тагъд Йегъовӕ йӕ Паддзахады фӕрцы адӕмы хъизӕмӕрттӕн кӕрон скӕндзӕн (Матфейы 6:9, 10). Ныр та уал удӕнцой дӕтты, зӕрдиагӕй йӕ чи агуры, уыдонӕн (Хъуыддӕгтӕ 17:27; 2 Коринфӕгтӕм 1:3, 4).