Цин кӕнӕм, цы сусӕг хабар базыдтам, ууыл

Искуы дын исчи исты сусӕг хабар радзырдта? ~a Библийы фыст ис, Хуыцауӕй чи у, ахӕм «сусӕгдзинады» тыххӕй. Афтӕ йӕ уымӕн схуыдтой, ӕмӕ йӕ адӕмӕй ничи зыдта. Суанг ма зӕдты дӕр фӕндыд уый тыххӕй фылдӕр базонын. Уый цавӕр сусӕг хабар у, уый базонын дӕ фӕнды? ~

Раджы заман Хуыцау сфӕлдыста фыццаг нӕлгоймаг ӕмӕ сылгоймаджы. Сӕ нӕмттӕ хуындысты Адам ӕмӕ Евӕ. Хуыцау сӕ ӕрцӕрын кодта рӕсугъд хӕдзары – Едемы. Адам ӕмӕ Евӕ Хуыцаумӕ куы хъуыстаиккой, уӕд сӕ сывӕллӕттимӕ ӕнӕхъӕн зӕххӕй дӕр рӕсугъд цӕхӕрадон скодтаиккой ӕмӕ дзы ӕнустӕм цардаиккой. Фӕлӕ Адам ӕмӕ Евӕ цы бакуыстой, уый ма хъуыды кӕныс? ~

Адам ӕмӕ Евӕ Хуыцаумӕ нӕ байхъуыстой, ӕмӕ уый тыххӕй абон дзӕнӕты нӕ цӕрӕм. Фӕлӕ Хуыцау загъта, ӕнӕхъӕн зӕхх кӕй срӕсугъд кӕндзӕн ӕмӕ йыл адӕм се ’ппӕт дӕр амондджынӕй ӕнустӕм кӕй цӕрдзысты. Фӕлӕ цымӕ Хуыцау уый куыд сараздзӕн? Бирӕ азты дӕргъы адӕм уый нӕ зыдтой. Уый уыд сусӕг хабар.

Йесо Чырысти зӕхмӕ куы ’рцыд, уӕд уыцы сусӕг хабары тыххӕй адӕмӕн фылдӕр радзырдта. Уыцы сусӕг хабар Хуыцауы Паддзахады тыххӕй уыд. Йесо Чырысти адӕмӕн дзырдта, зӕгъгӕ, дам, Хуыцаумӕ кувут, цӕмӕй йӕ Паддзахад зӕххӕн разамынд дӕттын райдайа. Хуыцауы Паддзахад зӕххӕй дзӕнӕт сараздзӕн.

Уыцы сусӕг хабар кӕй базыдтай, ууыл нӕ цин кӕныс? ~ Ма дӕ ферох уӕд, Йегъовӕйы коммӕ чи кӕсы, ӕрмӕстдӕр уыдон кӕй цӕрдзысты Дзӕнӕты. Библийы фыст ис, Йегъовӕйы коммӕ чи каст, бирӕ ахӕм нӕлгоймӕгты ӕмӕ сылгоймӕгты тыххӕй. Фӕнды дӕ уыдоны тыххӕй фылдӕр базонын? ~ Цӕй ӕмӕ базонӕм, уыдонӕй иуӕй-иутӕ чи уыдысты ӕмӕ цы хъуамӕ аразӕм, цӕмӕй мах дӕр уыдоны хуызӕн уӕм.