Фарстыты асыкк

◼ Лӕггаддзинады фембӕлды чи хъуамӕ дзура хъусинӕгтӕ?

Лӕггаддзинады фембӕлды ацы хайы нысан у лӕмбынӕг бамбарын кӕнын ӕмбырдӕн, нӕ бӕрны цы лӕггаддзинад ис, уый ӕххӕст кӕнынӕн ахсджиаг цы хъуыддӕгтӕ сты, уыдон. Иуӕй-иу хъусинӕгтӕ вӕййынц зӕрдылдарынӕн ӕмӕ фӕлхат цӕуынц алы къуыри дӕр. Хъусинӕгтӕ иууылдӕр хъуамӕ ӕнцонӕмбарӕн уой. Уыдонмӕ куыдфӕндыйы ахаст ма хъуамӕ дарӕм, ӕмӕ сӕ ма хъуамӕ нымайӕм, нысаниуӕг кӕмӕн нӕй, ахӕм цӕуылдӕртыл.

Иуӕй-иу хъусинӕгтӕ сӕ мидисмӕ гӕсгӕ хъуамӕ дзура хистӕр нӕлгоймаг. Ахӕм уавӕры сӕ хъуамӕ радзура сӕрдариуӕггӕнӕг цӕстдарӕг кӕй снысан кӕна, ахӕм ӕфсымӕр, кӕд иннӕ хъусинӕгтӕ ӕндӕр ӕфсымӕр дзурдзӕн, уӕддӕр.

Ӕмбырдмӕ фыстӕг куы ӕрцӕуа, ӕмӕ дзы куы уа, ӕрмӕстдӕр хистӕр нӕлгоймӕгтӕм чи хауы, ахӕм информаци, уӕд ӕмбырдмӕ цы информаци хауа, уый хъуамӕ радзура хистӕр нӕлгоймаг. Ӕхсӕнады ӕрвыст фыстӕджыты сӕрмагонд амындтӕ куы уа, уӕд хорз уаид, хистӕр нӕлгоймаг сӕ куы бакӕсид. Ахӕм фыстӕджытӕ гӕнӕн ис уой специалон кампанитӕ ауадзынӕн, цӕмӕй фыст ӕрцӕуой фыстӕджытӕ, не ’фсымӕртӕй фӕдылзылд чи ӕййафы, уыдонӕн баххуыс кӕныны тыххӕй. Иуӕй-иу фыстӕджыты гӕнӕн ис уа бӕлвырд ӕрмӕг, цы теократон хъуыддӕгтӕ нӕм ӕнхъӕлмӕ кӕсы, уыдон тыххӕй, зӕгъӕм, районон цӕстдарӕджы ӕрцыд кӕнӕ та конгрестӕ.

Иуӕй-иу хатт фӕхъӕуы бӕлвырд бамбарын кӕнын, ӕмбырды хорздзинадӕн ахъаз чи у, ахӕм хъусинаг. Хуыздӕр уаид, хистӕр нӕлгоймаг ӕй куы радзурид. Хъусинӕгтӕ чифӕнды ма дзура, хистӕр нӕлгоймаг уа ӕви службӕйон ӕххуысгӕнӕг, уӕддӕр хъуамӕ уой ӕнцонӕмбарӕн ӕмӕ цыбыр. Хъусинӕгтӕ ахӕм разамындмӕ гӕсгӕ куы дзурой, уӕд куыд ӕмбӕлы афтӕ уыдзысты, ӕмӕ уый та ахъаз уыдзӕн ӕмбырды уырнындзинадӕн ӕмӕ иудзинадӕн (Пс. 132:1; 1 Кор. 14:8, 9, 40).