Ӕмбырды чиныгахуыркӕнынад ахъаз у ахуыр кӕнынӕн
1 Иегъовӕйы организацийы ахуырадон программӕйы ахсджиаг бынат ахсы ӕмбырды чиныгахуыркӕнынад. Чиныгахуыркӕнынады къордтӕ ӕмбырды территорийы вӕййынц алы рӕтты, ӕмӕ уый руаджы алкӕмӕндӕр йӕ бон у уыцы фембӕлдмӕ цӕуын. Цымыдисгӕнаг адӕмӕн дӕр ӕнцондӕр уыдзӕн цӕуын, чиныгахуыркӕнынад сӕм хӕстӕг куы уа, уӕд.
2 Ӕфсымӕртӕ архайынц, цӕмӕй къорды бирӕ адӕм ма уа. Уый чиныгахуыркӕнынады разамонӕгӕн дӕтты фадат, цӕмӕй алкӕмӕндӕр ӕххуыс кӕна. Иууылдӕр алцы хорз нӕ бамбарынц. Адӕймаг рагацау куы бацӕттӕ кӕна ӕмӕ ма уӕддӕр цыдӕр куы нӕ бамбара, уӕд разамонӕгӕн йӕ бон у уыцы фарстыл ахуыры фӕстӕ аныхас кӕнын. Уымӕй уӕлдай ма къорд гыццыл куы уа, уӕд уыдзӕн фылдӕр фадӕттӕ дзуапп дӕттынӕн ӕмӕ Библийӕ стихтӕ кӕсынӕн. Ӕдзухдӕр дзуапп фӕдӕттыс? Дӕхи ныхӕстӕй дзуапп дӕттыныл фӕархайыс? Хайад исынмӕ цӕттӕ куы уай, уӕд уый ахъаз уыдзӕн дӕхицӕн дӕр ӕмӕ иннӕтӕн дӕр. Фембӕлдмӕ цӕттӕгӕнгӕйӕ хъуыды кӕн, цы ахуыр кӕныс, уымӕй куыд ис царды спайда кӕнӕн, ууыл (Дзут. 5:14).
3 Чиныгахуыркӕнынады разамонӕг фембӕлды рӕстӕджы куыд амоны, уымӕ кӕсгӕйӕ ды дӕр ахуыр кӕндзынӕ адӕмимӕ хӕдзары Библи афтӕ ахуыр кӕнын, цӕмӕй сӕ зӕрдӕмӕ хъара ӕмӕ фылдӕр зонындзинӕдтӕ исой. Фӕлтӕрдджын ӕфсымӕр абзацтӕ куы бакӕсы, уӕд ӕвзӕрст фӕцӕуынц фарстытӕ. Чиныгахуыркӕнынады разамонӕг алкӕйдӕр фӕразӕнгард кӕны дзуапп дӕттынмӕ. Рӕстӕг ма куы вӕййы, уӕд къорды фӕразӕнгард кӕны стихтыл ӕрныхас кӕнынмӕ, цӕмӕй хуыздӕр бамбарой, ӕрмӕгимӕ куыд баст сты, уый. (Абар Нееми 8:8.) Иуӕй-иу хатт йӕ бон у йӕхи хъуыдытӕ зӕгъын кӕнӕ ма уӕлӕмхасӕн фарстытӕ дӕр радтын, цӕмӕй сӕйраг хъуыды хуыздӕр бамбарой. Цӕстуынгӕ цӕвиттон нын, гӕнӕн ис, баххуыс кӕна, ӕрмӕгӕй нӕ царды куыд ис спайда кӕнӕн, уый бамбарынӕн.
4 Иуӕй-иу чиныгахуыркӕнынӕдты бирӕ адӕм нӕ вӕййы. Ды дзы алыхатт дӕр вӕййыс? Кӕд нӕ, уӕд дӕхи цух кӕныс ахсджиаг фӕрӕзӕй. Чиныгахуыркӕнынад у, Иегъовӕ ныл кӕй ауды, уый цы мадзӕлтты уылты ӕвдисы, уыдонӕй сӕ иу (1 Пет. 5:7). Уый фӕнды, цӕмӕй нӕ зонындзинӕдтӕ фылдӕр кӕной ӕмӕ зондджындӕр уӕм, уымӕн ӕмӕ афтӕмӕй нӕ уырнындзинад фидардӕр кӕндзӕн. Сайтаны та фӕнды, цӕмӕй нӕ уырнындзинад афтӕ ӕрлӕмӕгъ уа, ӕмӕ Иегъовӕйӕн ӕмӕ йӕ организацийӕн къаддӕр ӕххуыс уӕм. Ма бауадз, цӕмӕй дыл уый ӕрцӕуа! Уыцы ӕмуд къорды цы хӕларзӕрдӕдзинад ӕмӕ уарзондзинад ис, уый дӕ зӕрдӕйыл бандавӕд ӕмӕ дӕ разӕнгард кӕнӕд дарддӕр дӕр Иегъовӕйы стауынмӕ. (Абар Псалом 110:1.)
5 Уацамындон фембӕлдтӕ чиныгахуыркӕнынады къордтӕй сӕ фылдӕрӕн вӕййынц ахӕм афон, цӕмӕй сӕм хъусынгӕнджытӕн сӕ бон цӕуын уа. Гӕнӕн ис, уой къуырийы астӕу, сабат-хуыцаубоны кӕнӕ изӕрыгӕтты. Чиныгахуыркӕнынады разамонӕг хъуамӕ бацархайа, цӕмӕй алы хъусынгӕнӕгӕн дӕр уа участок ӕмӕ хъусынгӕнджыты къордӕй искӕй хистӕрӕй снысан кӕна. Уацамындон фембӕлдтӕ хъуамӕ 10—15 минутӕй фылдӕр ма уой. Разамонӕгӕн йӕ бон у цыбыртӕй ӕрвылбоны стихыл ӕрдзурын, уацамындмӕ куы хауа, уӕд, ӕмӕ уӕ территорийы цы хъуыдытӕй ис спайда кӕнӕн, уыдонӕй иу-дыууӕ хъуыдыйы ӕрхӕссын кӕнӕ та уыцы мӕй цы литературӕ парахат кӕнӕм, уый дӕттӕн куыд ис, уый цыбыртӕй равдисын.
6 Чиныгахуыркӕнынады разамонӕг хъуамӕ рӕстӕг хицӕн кӕна, цӕмӕй йӕ къордӕй алкӕимӕдӕр хъусын кӕнынмӕ цӕуа, ӕмӕ куы хъӕуа, уӕд сӕ фидар кӕна ӕмӕ сӕ ахуыр кӕна. (Абар Маркы 3:14; Лукайы 8:1.)