Фарстыты асыкк

◼ Ӕмбырды ног чиныгахуыркӕнынады къорд кӕд ис саразӕн?

Ног къорд аразыныл дзурӕн ис, чиныгахуыркӕнынады къорды фынддӕс адӕймагӕй фылдӕр куы уа, уӕд, цӕмӕй алы къорды дӕр уа иу-фынддӕс адӕймаджы кӕнӕ уымӕй къаддӕр, суанг Паддзахады залы куы ӕмбӕлой, уӕддӕр. Уый хорз цӕмӕй у?

Ӕмбырды чиныгахуыркӕнынады къордтӕ гыццыл куы вӕййынц, уӕд разамонӕгӕн ӕнцондӕр вӕййы, чи ӕрбацӕуы, уыдонӕй алкӕмӕн дӕр фаг рӕстӕг хицӕн кӕнын. Уымӕй уӕлдай ма алкӕмӕн дӕр вӕййы бирӕ фадӕттӕ, сӕхи хорз кӕм хатынц, ахӕм ран сӕ уырнындзинады тыххӕй дзурынӕн (Дзут. 10:23; 13:15). Ӕмбырды территорийы гыццыл къордтӕ алы рӕтты куы уой, уӕд ӕнцондӕр уыдзӕн ӕмбырды чиныгахуыркӕнынадмӕ ӕмӕ уацамындон фембӕлдтӕм цӕуын. Чиныгахуыркӕнынады къордтӕ кӕм ӕмбӕлынц, уыцы бынӕттӕ цы ӕмбырдты фӕфылдӕр сты, уым чиныгахуыркӕнынадмӕ дӕр фылдӕр адӕм цӕуын райдыдта.

Иуӕй-иу хатт ног къорд саразын фӕхъӕуы, адӕм дзы бирӕ куы нӕ уа, уӕддӕр. Уый саразӕн ис, дард куы цӕрой, йе та ныр кӕм ӕмбырд кӕнынц, уым бынат куы нӕ фаг кӕна кӕнӕ дзы сӕрибарӕй бадынӕн фаг бынат куы нӕ уа, уӕд. Куы хъӕуа, уӕд ис саразӕн, боныгон чи ӕмбӕла, ахӕм къорд, цӕмӕй йӕм цӕуой зӕрӕдтӕ, ӕхсӕвыгон чи кусы, уыдон, кӕнӕ, сӕ лӕгтӕ Ӕвдисӕнтӕ кӕмӕн не сты, уыцы хотӕ.

Алы чиныгахуыркӕнынады къордӕн дӕр хъуамӕ снысан кӕной, йӕ уырнындзинад фидар кӕмӕн у ӕмӕ хорз уацхъуыд зӕрдиагӕй чи хъусын кӕны, цалдӕр ахӕм хъусынгӕнӕджы, афтӕ ма фӕлтӕрдджын разамонӕг ӕмӕ чи кӕса, уый дӕр. Ӕфсымӕртӕ хъуамӕ бацархайой, цӕмӕй ӕмбырды алы чиныгахуыркӕнынады къорды дӕр афтӕ уа.

Хистӕр нӕлгоймӕгтӕ куы архайой, цӕмӕй чиныгахуыркӕнынады къордтӕ тынг стыр ма уой, цӕмӕй алцыдӕр арӕзт цӕуа сӕ уырнындзинад фидар кӕнынӕн ӕмӕ кӕм ӕмбырд кӕнынц, уырдӕм сын ӕнцон цӕуӕн уа, уӕд баххуыс кӕндзысты ӕмбырдӕн ӕнтыстджын уӕвынӕн. Куы хъӕуа, уӕд хъуамӕ арӕзт цӕуой чиныгахуыркӕнынады ног къордтӕ, цӕмӕй алчидӕр уыцы ахсджиаг фембӕлды йӕ уырнындзинад фидар кӕна. Гӕнӕн ис, цӕмӕй дӕ хӕдзары чиныгахуыркӕнынад цӕуа? Ууыл чи сразы, уыдонӕн Хуыцау раарфӕ кодта.