Ӕмбырды чиныгахуыр. Цӕмӕн хъӕуы?
1. Куыд фӕзынд ӕмбырды чиныгахуыр?
1 1895 азы Библииртасджытӕн (абон Иегъовӕйы Ӕвдисӕнтӕ) сӕ ахуыры къордтӕ райстой ахӕм ном — Библи ахуыр кӕныны къордтӕ «Бонивайӕн». Ахуыр та кодтой чиныг «Миназы бонивайӕн». Фӕстӕдӕр ахӕм фембӕлдтӕ схуыдтой верийаг къордтӕ Библи ахуыр кӕнынӕн (Ап. к. 17:11). Гыццыл къордтӕй хӕдзӕртты ӕмбырд кодтой, алкӕй бон дӕр ӕрбацӕуын кӕд уыд, уыцы изӕр. Ацы фембӕлдтӕ уыдысты развӕдгӕнӕг абоны ӕмбырды чиныгахуырӕн.
2. Чиныгахуыры нӕ бон куыд у кӕрӕдзийы ныфсыл ныфс ӕфтауын?
2 Ныфсы хос ӕмӕ ӕххуыс. Чиныгахуыры къордтӕ афтӕ кӕй скӕнынц, цӕмӕй дзы бирӕ адӕм ма уа, уымӕ гӕсгӕ ӕрбацӕуджытӕн сӕ бон вӕййы арӕхдӕр дзуапп дӕттын. Уый фӕрцы кӕрӕдзийы уырнындзинадӕй «рӕвдыд вӕййӕм», кӕрӕдзийы ныфсыл ныфс ӕфтауӕм (Ром. 1:12).
3, 4. Ӕмбырды чиныгахуыр нын нӕ хъусын кӕныны хъуыддаджы куыд ӕххуыс кӕны?
3 Чиныгахуыры цӕстдарӕг фембӕлд куыд уадзы, уымӕ нӕ хъус куы дарӕм, уӕд нын уый баххуыс кӕндзӕн «ӕцӕгады дзырд раст» амонын (2 Тим. 2:15). Лӕмбынӕг кӕс, ӕрмӕг Библийыл куыд бӕтты. Ахуыры кӕрон (кӕд цы ахуыр кӕнӕм, уый уыцы фадат дӕтты, уӕд) цӕстдарӕг къордимӕ иумӕ, гӕнӕн ис, ӕрмӕджы сӕйраг хъуыдытӕ сфӕлхат кӕна Библийы руаджы. Мах дӕр уыйау куы кӕнӕм, уӕд хуыздӕр ахуыргӕнджытӕ суыдзыстӕм (1 Кор. 11:1).
4 Цӕстдарӕг канд чиныгахуыр нӕ уадзы, фӕлӕ ма йӕхимӕ разамынд исы хорз хабар хъусын кӕныны хъуыддаджы дӕр. Уацамындӕн дзуапдӕттӕг цӕстдарӕгимӕ иумӕ архайы, цӕмӕй къордӕн фадӕттӕ уа хъусын кӕнынӕн. Уый къордӕй алкӕмӕндӕр ӕххуыс кӕны йӕ чырыстон хӕс ӕххӕст кӕнынӕн — хорз хабар хъусын кӕнын ӕмӕ адӕмы ахуыр кӕнынӕн (Матф. 28:19, 20; 1 Кор. 9:16).
5. Алы хъусынгӕнӕгӕн дӕр чиныгахуыры йӕ бон цавӕр ӕххуыс у райсын?
5 Чиныгахуыры цӕстдарӕг йӕ къордӕй алкӕй уырнындзинадыл дӕр тыхсы. Ӕнувыд сыл кӕй у, уый ӕвдисы ӕмбырды фембӕлдты рӕстӕджы ӕмӕ, семӕ кӕй фӕхъусын кӕны, уымӕй дӕр. Ӕфсымӕрты сӕ хӕдзӕртты бӕрӕггӕнгӕйӕ дӕр фӕархайы, цӕмӕй сӕ бафидар кӕна. Хъусынгӕнджытӕй алчидӕр хъуамӕ чиныгахуыры цӕстдарӕгӕй ӕххуыс курын макуы ӕфсӕрмы кӕна (Ис. 32:1, 2).
6. а) Иуӕй-иу бӕстӕты не ’фсымӕртӕ гыццыл къордтӕй кӕй ӕмбӕлдысты, уый сӕ куыд фидар кодта? ӕ) Ӕмбырды чиныгахуырӕй ды цы пайда исыс?
6 Кӕрӕдзи фидар кӕнӕм. Хуыцауы адӕмӕн сӕрибарӕй хъусын кӕныны бар цы бӕстӕты нӕй, уым ӕфсымӕртӕ арӕхдӕр ӕмбӕлынц гыццыл къордтӕй. Мӕнӕ цы зӕгъы иу ӕфсымӕр: «Кӕд нӕ архайдӕн бар нӕ лӕвӕрдтой, уӕддӕр гӕнӕн уӕвгӕйӕ алы къуыри дӕр уагътам нӕ фембӕлдтӕ, 10—15 адӕймаджы кӕм уыд, ахӕм къордтӕй. Библи кӕй ахуыр кодтам ӕмӕ ма-иу кӕрӕдзиимӕ фембӕлды фӕстӕ дӕр кӕй фӕныхас кодтам, уый нын нӕ уырнындзинад фидар кодта, нӕ тыхыл нын тых ӕфтыдта. Кӕрӕдзийӕн-иу нӕ хабӕрттӕ, нӕ сагъӕстӕ радзырдтам, ӕмӕ-иу уый фӕрцы бамбӕрстам, нӕ тохы иунӕг кӕй не стӕм» (1 Пет. 5:9). Цӕй ӕмӕ мах дӕр ӕмбырды чиныгахуыры хъуыддӕгты зӕрдиагӕй архайӕм, ӕмӕ афтӕмӕй кӕрӕдзийы фидар кӕнӕм! (Еф. 4:16).