Уацамындон фембӕлдтӕ дын пайда кӕд хӕсдзысты
1. Чиныгахуыры фембӕлдтау нын уацамындон фембӕлдтӕ дӕр удӕнцойы хос куыд сты?
1 Хъуыды-ма кӕныс, не ’мбырдты чиныгахуыртӕ куы уыди? Иу бинонтау-иу гыццыл къордтӕй ӕрӕмбырд стӕм. Уый руаджы кӕрӕдзиимӕ балымӕн стӕм ӕмӕ афтӕмӕй нӕ уырнындзинад цудын нӕ уагътам (Ӕмб. 18:24). Нӕ чиныгахуыры цӕстдарӕг не ’ппӕтӕн дӕр хорз зыдта йӕ уавӕртӕ ӕмӕ йӕ бон уыди нӕ ныфсыл ныфс ӕфтауын (Ӕмб. 27:23; 1 Пет. 5:2, 3). Абон нын ахӕм удӕнцойы хос сты нӕ уацамындон фембӕлдтӕ.
2. Дӕ бон цы у аразын, цӕмӕй дын дӕ уацамындон къорды фӕзына, дӕ уырнындзинад кӕй фӕрцы фидар кӕндзӕн, ахӕм хӕлӕрттӕ?
2 Дӕхӕдӕг-иу фӕраздӕр у. Чиныгахуыры-иу цал хъусынгӕнӕджы уыди, уацамындон фембӕлдты дӕр уыйбӕрц хъусынгӕнӕджы вӕййы. Хуыцауӕн «фӕрсӕй-фӕрстӕм» куы лӕггад кӕнӕм, уӕд кӕрӕдзийӕн уыдзыстӕм хорз ӕмбӕлттӕ (Фил. 1:27). Дӕ къорды цал адӕймагимӕ хъусын кодтай? Мыййаг, дӕ бон у ацы хъуыддаджы «дӕ зӕрдӕ уӕрӕх байгом кӕнын»? (2 Кор. 6:13). Хорз ма уаид дӕ къордӕй искӕй куы фӕхонис дӕ бинонты ахуырмӕ кӕнӕ ӕхсӕвӕр бахӕрынмӕ. Иуӕй-иу ӕмбырдты уацамындон къордтӕм ис ахӕм ӕгъдау, ӕмӕ сӕм раныхасимӕ чи ӕрбацӕуы, уыцы ӕфсымӕры уазӕгуаты фӕхонынц. Фӕлӕ уыцы ӕфсымӕрӕн сихормӕ ӕрлӕууыны фадат куы нӕ вӕййы, уӕд дӕр, уыцы къуыри кӕй рад вӕййы, уыцы къорд иумӕ ӕрӕмбырд вӕййынц ӕмӕ кӕрӕдзийы ныфсыл ныфс бафтауынц.
3. Уацамындон къордтыл дих кӕй стӕм, уый фӕрцы нӕм ӕфсымӕртӕ сӕ хъус куыд дарынц?
3 Кӕд нын ныр къуыри дыууӕ фембӕлды йеддӕмӕ нӕ вӕййы, уӕддӕр уый ууыл дзурӕг нӕу, ӕмӕ нӕм ӕфсымӕртӕ сӕ хъус нӕ дарынц. Алы къорды дӕр ис къорды цӕстдарӕг, цӕмӕй ӕфсымӕртӕ ӕмӕ хоты фидар кӕна ӕмӕ сын хъусын кӕныны хъуыддаджы ӕххуыс кӕна. Кӕд дӕ къорды цӕстдарӕгимӕ никуыма лӕггад кодтай, уӕд ын зӕгъ, цӕмӕй иумӕ уацамынды ацӕуат. Уымӕй уӕлдай-ма, уацамындӕн дзуапдӕттӕг цӕстдарӕг мӕй иу хатт улӕфгӕ бонты фӕлӕггад кӕны искӕцы къордимӕ. Цалдӕр уацамындон къорды йеддӕмӕ кӕм нӕй, ахӕм гыццыл ӕмбырдты уацамындӕн дзуапдӕттӕг цӕстдарӕгӕн йӕ бон у алы къорд дӕр афӕдз дыууӕ хатты бӕрӕг кӕнын. Дӕ график афтӕ спълан кӕныс, цӕмӕй уыцы ӕфсымӕримӕ балӕггад кӕнай?
4. а) Уацамындон фембӕлдтӕ куыд фӕцӕуынц? ӕ) Цӕмӕн хъӕуы ахъуыды кӕнын, цӕмӕй уацамындон фембӕлдтӕ нӕ хӕдзары цӕуой?
4 Хуыздӕр вӕййы, алы къордӕн дӕр улӕфгӕ бонты йӕхицӕн уацамындон фембӕлдтӕ куы вӕййы, уӕд. Уацамындон фембӕлдтӕ цалдӕр ран куы уой ӕмӕ се ’хсӕн бирӕ рӕстӕг куы нӕ уа, уӕд хъусынгӕнджытӕн ӕнцондӕр уыдзӕн уацамындон фембӕлдмӕ ӕмӕ участокмӕ цӕуын. Афтӕмӕй хъусынгӕнджытӕ ӕнӕ ракӕ-бакӕйӕ сӕхицӕн ӕмбӕлттӕ ссардзысты ӕмӕ сӕ участоктӕм ацӕудзысты. Стӕй къорды цӕстдарӕгӕн дӕр йӕ къордмӕ йӕ хъус дарын ӕнцондӕр уыдзӕн. Фӕлӕ иуӕй-иу хатт хуыздӕр вӕййы, дыууӕ кӕнӕ фылдӕр къорды иумӕ куы фембырд кӕнынц. Ӕнӕхъӕн ӕмбырд дӕр уацамындон фембӕлдмӕ мӕйы фыццаг сабат куы ӕрбацӕуы кӕнӕ, ахуыргӕнӕн брошюрӕйӕ статья куы равзарынц, уый фӕстӕ куы ӕрлӕууы, уӕд хорз уаид, алы къорд дӕр-иу хицӕнтӕй куы сбадиккой ӕмӕ, цалынмӕ фембӕлд куывдӕй нӕ фӕуа, уӕдмӕ къордты цӕстдарджытӕ куы снысан кӕниккой, уацамынды чи кӕимӕ ацӕудзӕн, уый. (Кӕс рамкӕ «Фӕнды дӕ, цӕмӕй фембӕлд дӕ хӕдзары цӕуа?»)
5. Кӕд нын чиныгахуыр нал вӕййы, уӕддӕр нӕ фидар ныфс цӕмӕй ис?
5 Кӕд нын чиныгахуыр нал вӕййы, уӕддӕр нын Йегъовӕ дӕтты, йӕ фӕндон ӕххӕст кӕнынӕн нӕ цыдӕриддӕр хъӕуы, уый (Дзут. 13:20, 21). Йегъовӕ ныл кӕй тыхсы, уымӕ гӕсгӕ цух ницӕмӕй стӕм (Пс. 23:1). Уацамындон фембӕлдты руаджы хайджын стӕм бирӕ арфӕдзинӕдтӕй. Хорздзинад аразынмӕ-иу нӕхӕдӕг куы фӕраздӕр уӕм ӕмӕ «рӕдау тауджытӕ» куы уӕм, уӕд «сисдзыстӕм стыр тыллӕг» (2 Кор. 9:6).
[Рамкӕ 6 фарсыл]
Фӕнды дӕ, цӕмӕй фембӕлд дӕ хӕдзары цӕуа?
Иуӕй-иу ӕмбырдтӕ сабат-хуыцаубоны уацамындон фембӕлд цалдӕр къордӕн фӕуадзынц иумӕ, уымӕн ӕмӕ сын бынӕттӕ нӕ фӕфаг кӕны. Уацамындон фембӕлдтӕ хауынц Хуыцауӕн лӕггад кӕнынмӕ, ӕмӕ уымӕ гӕсгӕ ахӕм фембӕлдтӕ нӕ хӕдзары цӕуой, уый стыр кад у. Уый фадат дын ис, цӕмӕй уацамындон фембӕлд дӕ хӕдзары цӕуа? Афтӕ ма хъуыды кӕн, зӕгъгӕ, мӕгуыр цӕрын. Хистӕр нӕлгоймӕгтӕ ахъуыды кӕндзысты, раздӕр-иу чиныгахуыр уадзынӕн бынат ӕвзаргӕйӕ цӕмӕ кастысты, уыдӕттыл, зӕгъӕм, дӕ хӕдзар цы бынаты ис, ууыл ӕмӕ ӕндӕр ахӕм хъуыддӕгтыл. Кӕд дӕ фӕнды, цӕмӕй уацамындон фембӕлдтӕ дӕ хӕдзары цӕуой, уӕд уый тыххӕй зӕгъ дӕ уацамындон къорды цӕстдарӕгӕн.