«Абон зӕххыл Йегъовӕйы фӕндон чи ӕххӕст кӕны?»
1. Кӕд райдайдзыстӕм ахуыр кӕнын брошюрӕ «Абон зӕххыл Йегъовӕйы фӕндон чи ӕххӕст кӕны?» ӕмӕ нын уый цы пайда ӕрхӕсдзӕн?
1 28 октябрӕй райдайгӕ къуыри ӕмбырдимӕ Библийы ахуыры рӕстӕг райдайдзыстӕм ахуыр кӕнын брошюрӕ «Абон зӕххыл Йегъовӕйы фӕндон чи ӕххӕст кӕны?». Ацы ног брошюрӕ райстам облӕстон конгрессы «Хъахъхъӕн дӕ зӕрдӕ!». Брошюрӕ афтӕ конд у, цӕмӕй нӕ бон уа, Библи кӕимӕ ахуыр кӕнӕм, уыдоны нӕ организациимӕ зонгӕ кӕнын. Кӕй йӕ ахуыр кӕндзыстӕм, уый фӕрцы тынгдӕр аргъ кӕндзыстӕм, Йегъовӕйы организацийы кӕй стӕм, уымӕн. Стӕй ма уый фӕрцы нӕ бон уыдзӕн ацы диссаджы кусӕнгарзӕй уацамынды арӕхстджындӕрӕй пайда кӕнын (Пс. 48:13).
2. Ацы брошюрӕ ӕмбырды куыд ахуыр кӕндзыстӕм?
2 Куыд ӕй ахуыр кӕндзыстӕм. Ӕмбырды фембӕлд чи уадза, уыцы ӕфсымӕр хъуамӕ рӕстӕгмӕ йӕ хъус дара, цӕмӕй алы сӕргонд дӕр хорз равзара. Ис дзы 28 сӕргонды ӕмӕ сты фарстаты хуызӕн. Цалынмӕ-иу сӕргонд ахуыр кӕнын нӕ райдайӕм, уӕдмӕ-иу ӕфсымӕр хъуамӕ сӕргонды ном бакӕса. Уый фӕстӕ-иу зӕгъдзӕн, ӕрмӕг чи кӕса, уыцы ӕфсымӕрӕн, цӕмӕй бакӕса сӕргонды фыццаг абзац. Стӕй-иу хъусджытӕм ратдзӕн, фыццаг абзацмӕ йӕхӕдӕг кӕй бацӕттӕ кодта, уыцы фарста. Уый фӕстӕ-иу, ставд фыстӕй чи райдайы, уыцы хӕйттӕ иууылдӕр хъӕудзӕн хицӕнтӕй бакӕсын ӕмӕ сыл аныхас кӕнын. Иу хай-иу куы бакӕсат, уӕд-иу ӕфсымӕр хъусджыты бафӕрсдзӕн, сӕргонды фарстайӕн дзы цавӕр дзуапп ис, уымӕй. Брошюрӕйы ма ис бирӕ нывтӕ, ӕмӕ уыдоныл дӕр уыдзӕн аныхас кӕнӕн. Сӕйраг стихтӕ бакӕсын хъӕудзӕн, рӕстӕг куыд амона, уымӕ гӕсгӕ. Иннӕ сӕргондмӕ ахизыны размӕ-иу ӕфсымӕр хъусджытӕм ратдзӕн, бынӕй цы фарстатӕ ис, уыдон, цӕмӕй-иу ӕрмӕг нӕ зӕрдыл ӕрлӕууын кӕнӕм. Рамкӕ «Фылдӕр базон» дзы куы уа, уӕд ӕй хъӕудзӕн бакӕсын ӕмӕ хъусджыты бафӕрсын, цы уынаффӕ дзы ис, уый куыд баххуыс кӕндзӕн, Библи кӕимӕ ахуыр кӕнӕм, уыдонӕн. Рӕстӕг куы амона, уӕд ахуыры кӕрон ӕфсымӕрӕн йӕ бон уыдзӕн сӕргонды фарста ногӕй раттын, цӕмӕй ӕрмӕг нӕ зӕрдыл ӕрлӕууын кӕнӕм. Уӕ зӕрдыл дарут, ӕнӕмӕнг кӕй нӕу, цӕмӕй ацы брошюрӕ адӕмимӕ дӕр афтӕ ахуыр кӕнӕм.
3. Ацы брошюрӕ нын фылдӕр пайда кӕд ӕрхӕсдзӕн?
3 Нӕхи-иу хорз куы бацӕттӕ кӕнӕм, уӕд нын ацы фембӕлд фылдӕр пайда хӕсдзӕн. Зӕрдиагӕй архайдзыстӕм, цӕмӕй-иу дзуапп дӕттӕм. Ахуыры рӕстӕг-иу ахъуыды кӕндзыстӕм, Библи кӕимӕ ахуыр кӕнӕм, уыдонӕн ацы брошюрӕ куыд баххуыс кӕндзӕн, ууыл. Уӕдӕ ацы брошюрӕ ӕмбырды кӕй ахуыр кӕндзыстӕм, уый фӕрцы иннӕтӕн ӕххуыс кӕнӕм, цӕмӕй уыдон дӕр Хуыцауы фӕндон ӕххӕст кӕнын райдайой ӕмӕ сын ӕнустӕм цӕрыны ныфс уа (1 Иоан. 2:17).