Куыд пайда кӕнӕм брошюрӕйӕ «Абон зӕххыл Йегъовӕйы фӕндон чи ӕххӕст кӕны?»
Ног брошюрӕ, цӕмӕй ахуыргӕнинӕгты Хуыцауы организациимӕ зонгӕ кӕнӕм
1. Цӕмӕн рауагътой брошюрӕ «Йегъовӕйы фӕндон»?
1 Ног брошюрӕйӕ «Абон зӕххыл Йегъовӕйы фӕндон чи ӕххӕст кӕны?» пайда кӕнын райдыдтай? Ацы брошюрӕ рауагътой, цӕмӕй 1) Библи чи ахуыр кӕны, уый хуыздӕр базона, Йегъовӕйы Ӕвдисӕнтӕ чи сты, 2) базона, цы аразӕм, ӕмӕ 3) фена, нӕ организаци куыд архайы, уый. Алы фарсыл дӕр дзы ис иу сӕргонд ӕмӕ йыл алы ахуыры фӕстӕ дӕр ныхас кӕнӕн уыдзӕн 5–10 минуты бӕрц.
2. Радзур, ацы брошюрӕ куыд конд у, уый.
2 Куыд конд у. Брошюрӕйы ис ӕртӕ хайы, алы хайы дӕр ныхас цӕуы, уӕлдӕр цы хъуыддӕгты кой кодтам, уыдоныл. Ис дзы 28 сӕргонды, алы сӕргонд дӕр у фарстайы хуызӕн ӕмӕ дзы ставдӕй фыст цы дӕлсӕргӕндтӕ ис, уыдон ын дзуапп дӕттынц. Брошюрӕйы ис къамтӕ 50 бӕстӕйӕ фылдӕрӕй, цӕмӕй адӕймаг фена, нӕ организаци бирӕ бӕстӕты кӕй архайы, уый. Иуӕй-иу сӕргӕндты кӕрон ис рамкӕ «Фылдӕр базон» ӕмӕ ахуыргӕнинаджы сразӕнгард кӕнӕн ис, цӕмӕй уыцы уынаффӕтӕй пайда кӕна.
3. Куыд ис пайда кӕнӕн брошюрӕйӕ «Йегъовӕйы фӕндон»?
3 Куыд дзы ис пайда кӕнӕн. Фыццаг уал-иу адӕймагӕн сӕргонд равдис. Уый фӕстӕ ӕрмӕг иумӕ бакӕсут ӕмӕ-иу ын йӕ хъус ӕрдар ставдӕй фыст дӕлсӕргӕндтӕм. Фӕстагмӕ-иу аныхас кӕнут, сӕргонды кӕрон цы фарстатӕ ис, уыдоныл. Уӕ бон у сӕргонд ӕнӕхъӕнӕй кӕнӕ хайгай кӕсын ӕмӕ йыл ныхас кӕнын. Ахъуыды-иу кӕн, цы стихтӕ бакӕсдзыстут, ууыл. Ма дӕ ферох уӕд аныхас кӕнын къамтыл ӕмӕ рамкӕтыл «Фылдӕр базон». Сӕргӕндтыл ныхас кӕнын хъӕудзӕн фӕд-фӕдыл. Фӕлӕ куы хъӕуа, уӕд аныхас кӕнӕн уыдзӕн, адӕймаджы тынгдӕр чи цымыдис кӕна, уыцы сӕргондыл. Зӕгъӕм, тагъд рӕстӕджы уын конгресс куы уа, уӕд аныхас кӕнӕн уыдзӕн 11 сӕргондыл.
4. Ног кусӕнгарз нын кӕй фӕзынд, уый нын ӕхсызгон цӕмӕн у?
4 Адӕймагимӕ Библи куы фӕахуыр кӕнӕм, уӕд ӕй базонгӕ кӕнӕм нӕ уӕларвон Фыдимӕ. Фӕлӕ ма йӕ хъуамӕ базонгӕ кӕнӕм Йегъовӕйы организациимӕ дӕр (Ӕмб. 6:20). Куыд ӕхсызгон нын у, ӕнцон архайӕн кусӕнгарз нын кӕй фӕзынд, уый!