Уацамынды пайда кӕнӕм буклеттӕй «Адӕмимӕ Библи ахуыр кӕнӕм»
1. Буклеттӕ «Адӕмимӕ Библи ахуыр кӕнӕм» куыд конд сты?
1 Июлы «Нӕ хъусын кӕныны хъуыддаджы» дзырд куыд цыди, афтӕмӕй нӕм иннӕты ахуыр кӕнынӕн ис алыхуызон кусӕнгӕрзтӕ. Уыдонӕй иутӕ сты буклеттӕ «Адӕмимӕ Библи ахуыр кӕнӕм». Цы стихтӕ дзы амынд вӕййы, уыдон ӕнӕхъӕнӕй хаст нӕ вӕййынц, ӕмӕ сӕ уымӕ гӕсгӕ фӕхъӕуы Библийӕ кӕсын. Адӕмимӕ Библи кӕй фӕрцы фӕахуыр кӕнӕм, уыцы публикацитӕй бирӕтӕ афтӕ конд сты, ӕмӕ адӕймагӕн йӕ бон у ӕнӕ искӕй ӕххуысӕй рӕстдзинад бамбарын. Фӕлӕ ацы буклеттӕ та афтӕ конд сты, цӕмӕй адӕймагимӕ Библи хъусынгӕнӕг ахуыр кӕна. Уымӕ гӕсгӕ, буклеттӕй искӕцы адӕймагӕн куы раттӕм, уӕд ын хъӕуы равдисын, иннӕтимӕ Библи куыд фӕахуыр кӕнӕм, уый, цӕмӕй фена, Библи ахуыр кӕнын ӕхсызгон хъуыддаг кӕй у (Матф. 13:44).
2. Адӕймагмӕ фыццаг хатт куы бацӕуӕм, уӕд нӕ бон куыд у буклеттӕй спайда кӕнын?
2 Адӕймагмӕ фыццаг хатт куы бацӕуӕм. Адӕймагӕн ис зӕгъӕн: «Абон адӕм тыхсынц, ацы дуне цы бауыдзӕн, ууыл. Куыд дӕм кӕсы, искуы уавӕртӕ фӕхуыздӕр уыдзысты? [Бауадз ӕй йӕ хъуыды зӕгъын.] Библийы фыст ис, ныфс нӕ чи уадзы, ахӕм хабар». Уый фӕстӕ йын, уыцы темӕйыл дзырд кӕм цӕуы, уыцы буклеты фӕрцы равдис, адӕмимӕ Библи куыд фӕахуыр кӕнӕм, уый. Кӕнӕ та йӕм, дӕхӕдӕг кӕй равзарай, уыцы буклетӕй фарста ратт ӕмӕ йын равдис, йӕ бон куыд у уыцы фарстайӕн дзуапп Библийы ссарын. Иуӕй-иу хъусынгӕнджытӕ адӕймагӕн равдисынц, буклетӕй цы фарстайыл фӕныхас кӕнынц, уыимӕ баст видеоролик.
3. Буклетты фӕрцы куыд ис иннӕтимӕ Библи ахуыр кӕнӕн?
3 Адӕймагимӕ Библи куыд ис ахуыр кӕнӕн. 1) Адӕймагмӕ ахӕм фарста ратт, цӕмӕй, йемӕ цӕуыл дзуринаг дӕ, уый йӕ бацымыдис кӕна. 2) Библийӕ йын стихтӕ бакӕс ӕмӕ йӕм фарстатӕ ӕмбаргӕйӕ дӕтт, ӕмӕ йын афтӕмӕй баххуыс кӕн, цӕмӕй фена, стихтӕ сӕйраг хъуыды куыд ӕмбарын кӕнынц, уый. 3) Цӕуыл ныхас кодтат, уый адӕймаг бамбӕрста ӕви нӕ, уый базоныны тыххӕй йӕм ратт, райдианы йӕм кӕй радтай кӕнӕ, бынӕй ставд фыстӕй чи у, уыцы фарста. Кӕд уыцы фарстайыл искӕцы видеороликы дзырд цӕуы, уӕд-иу ын ӕй равдис.
4. Буклеттӕй пайда кӕнын цӕй фӕрцы сахуыр уыдзыстӕм?
4 Ацы замманай кусӕнгарзмӕ бӕстон ӕркӕс. Гӕнӕн уӕвгӕйӕ-иу дзы алы хатт дӕр спайда кӕн. Рагацау-иу ахъуыды кӕн, Библи кӕимӕ ахуыр кӕныс, уыцы адӕймагыл ӕмӕ, буклетты амынд стихтыл хуыздӕр куыд ис ныхас кӕнӕн, ууыл (Ӕмб. 15:28; Хъуыд. 17:2, 3). Иннӕтӕн рӕстдзинад амонгӕйӕ ацы буклеттӕй арӕхстджынӕй пайда кӕнын куы сахуыр уай, уӕд сӕ иннӕ кусӕнгӕрзтау ӕхсызгонӕй пайда кӕндзынӕ.