Бафснай йӕ

Ацы брошюрӕтӕй пайда кӕныс?

Библи. Цавӕр ахсджиаг хабар дзы ис?

Ацы брошюрӕ у, Библи хорз чи нӕ зоны, уӕлдайдӕр та чырыстон диныл хӕст чи нӕу, уыдонӕн

Цы зӕгъӕн ис. «Фӕнды мӕ базонын, Фыстадӕй (кӕнӕ Хуыцауы Ныхасӕй) ацы ныхӕсты тыххӕй цы хъуыды кӕныс, уый. [Бакӕс Псалом 37:11.] Дӕумӕ гӕсгӕ, ацы ныхӕстӕ куы сӕххӕст уой, уӕд зӕхх цыхуызӕн уыдзӕн? [Бауадз ӕй йӕ хъуыды зӕгъын.] Ацы ныхӕстӕй уӕлдай ма Библи ныфс ӕмӕ удӕнцой хӕссы алыхуызон адӕмыхӕттытӕн ӕмӕ алыхуызон динтыл хӕст адӕмӕн». 3 фарсыл сӕргонды бынмӕ рамкӕ бакӕс ӕмӕ адӕймагӕн брошюрӕ ратт.

Дӕ бон у афтӕ зӕгъын. Кӕд, чырыстон диныл хӕст чи нӕу, ахӕм адӕймагимӕ Библи ахуыр кӕныс, уӕд-иу ахуыры размӕ кӕнӕ йӕ фӕстӕ цалдӕр минуты рахицӕн кӕн, цӕмӕй ацы брошюрӕйӕ иу хайыл аныхас кӕнат, ӕмӕ афтӕмӕй Библи хуыздӕр базона.

Цымӕ ныл Хуыцау ӕцӕг ӕнувыд у?

Ацы брошюрӕ у, Сфӕлдисӕг ныл кӕй тыхсы, ууыл чи не ’ууӕнды, уыдонӕн ӕмӕ агностиктӕн

Цы зӕгъӕн ис. «Искуы хъуыды кодтай, кӕд ныл Хуыцау ӕцӕгдӕр тыхсы, уӕд адӕмы зындзинӕдтӕм ӕнцад цӕмӕн кӕсы? [Бауадз ӕй йӕ хъуыды зӕгъын.] Ацы брошюрӕйы йын ис дзуапп. Стӕй ма дзы фыст ис, Хуыцау кӕрон кӕй скӕндзӕн, адӕймаг йӕхицӕн дӕр ӕмӕ зӕххӕн дӕр цы зиан ӕрхаста, уымӕн». 27 фарсыл 23 абзац бакӕс. Уыцы абзацы бынмӕ йын ныв равдис ӕмӕ 22 абзацы бакӕс Псалом 144:16. Уый фӕстӕ йын ратт брошюрӕ.

Дӕ бон у афтӕ зӕгъын. Адӕймагмӕ дыккаг хатт куы бацӕуай, уӕд ын зӕгъ: «Айразмӕ ныхас кодтам ахӕм фарстайыл, Хуыцау ныл тыхсы ӕви нӕ, зӕгъгӕ. Куыд хъуыды кӕныс, Хуыцау нӕ уыйбӕрц уарзы, цӕмӕй зындзинӕдтӕн ӕмӕ тыхмийӕн кӕрон скӕна? [Дзуапп дын куы ратта, уӕд ын йӕ хъус ӕрдар 26, 27 фӕрстыл 19–22 абзацтӕм ӕмӕ стӕй зӕгъ.] Хуыцау зӕрдӕ бавӕрдта, ацы фыддуне ног дунейӕ кӕй раивдзӕн ӕмӕ дзы хорз адӕм хӕларӕй кӕй цӕрдзысты. [Бакӕс Псалом 36:11.] Махӕн дӕр нӕ бон уыдзӕн уыцы ног дунейы цӕрын, кӕд Библийыл ӕууӕндӕм ӕмӕ уымӕ гӕсгӕ цӕрӕм, уӕд». Бамбарын ын кӕн, адӕмимӕ Библи куыд фӕахуыр кӕнӕм, уый.

Хуыцауы ном уыдзӕн ӕнустӕм

Ацы брошюрӕ у, иунӕг ӕцӕг Хуыцау кӕй ис, ууыл чи ӕууӕнды, уыдонӕн

Цы зӕгъӕн ис. «Бирӕтӕ Дунесфӕлдисӕджы хонынц Хуыцау. Зыдтай йӕ, Библийы йӕ ном фыст кӕй ис? [Бауадз ӕй йӕ хъуыды зӕгъын. Стӕй йын бакӕс Исайы 42:8а.] Ацы брошюрӕ ӕмбарын кӕны, Библийы иуӕй-иу тӕлмацты Хуыцауы ном цӕуылнӕ ныффыстой ӕмӕ куыд ӕмбаргӕ у, Хуыцауы йӕ номӕй зонай, уый».

Дӕ бон у афтӕ зӕгъын. Иннӕ хатт ын зӕгъ: «Айразмӕ дын Библийы равдыстон Хуыцауы ном. Йегъовӕйы ном зонын ӕмӕ йӕ дзурын тынг ахсджиаг у, цӕмӕй йын йӕ хорзӕх ссарӕм». Брошюрӕ бакӕн 31 фарсыл ӕмӕ аныхас кӕн, фӕстаг цыппар абзацы цы фыст ис, ууыл. Уый фӕстӕ йын бакӕс Иоанны 17:3 ӕмӕ Михейы 4:5. Бамбарын кӕн, нӕ бон кӕй у йемӕ Библи ахуыр кӕнын, цӕмӕй базона, Хуыцауы ном куыд скадджын уыдзӕн ӕмӕ зӕххыл дзӕнӕт куы уа, уӕд цавӕр арфӕдзинӕдтӕй хайджын уыдзыстӕм, уый.

Куы амӕлы дӕ зӕрдиаг адӕймаг

Ацы брошюрӕ у, зиан кӕуыл ӕрцыд кӕнӕ зианджын адӕймагӕн ныфсытӕ бавӕрын кӕй фӕнды, уыдонӕн

Цы зӕгъӕн ис. «Искуы хъуыды кодтай, зиан кӕуыл ӕрцыд, уыцы адӕймагӕн ныфсытӕ бавӕрӕн куыд ис, ууыл?» Бауадз ӕй йӕ хъуыды зӕгъын. Стӕй йын бакӕс Ӕмбисӕндтӕ 17:17 ӕмӕ 20 фарсыл 1 абзацыл аныхас кӕн.

Дӕ бон у афтӕ зӕгъын. Адӕймаг брошюрӕ куы айса, уӕд ын зӕгъӕн ис: «Иннӕ хатт мӕ фӕнды аныхас кӕнын, Хуыцауы Ныхас ма нын царды цавӕр ӕндӕр хъуыддӕгты ӕххуыс кӕны, ууыл».

Мӕлӕты фӕстӕ цы ’рцӕуы?

Ацы брошюрӕ у, афтӕ чи зӕгъы, уд нӕ мӕлы, зӕгъгӕ, кӕнӕ, реинкарнацийыл чи ӕууӕнды, уыдонӕн

Цы зӕгъӕн ис. «Куыд хъуыды кӕныс, цымӕ мӕрдтӕ зонынц, удӕгӕстӕ цы аразынц, уый?» Бауадз ӕй йӕ хъуыды зӕгъын. Стӕй йын бакӕс Екклесиаст 9:5 ӕмӕ аныхас кӕн 22 фарсыл дӕлсӕргондыл «Мӕрдтӕ сты ӕнӕмбаргӕ уавӕры».

Дӕ бон у афтӕ зӕгъын. Адӕймагмӕ дыккаг хатт куы бацӕуай, уӕд аныхас кӕн ахӕм фарстайыл: «Кӕд мӕлӕты фӕстӕ ницы ис, уӕд цӕмӕн цӕрӕм?», цӕмӕй йемӕ Библи ахуыр кӕнын райдайай.