Бафснай йӕ
Уацамынды ныхас райдайӕн куыд ис
Куыд пайда кӕнын хъӕуы ацы уӕлӕмхасӕн сыфӕй
Дӕлдӕр лӕвӕрд цӕвиттонтӕн сӕ фылдӕр мыхуыр уыдысты «Нӕ паддзахадон лӕггаддзинад»-ы раздӕры номырты. Дӕ зӕрдӕмӕ дзы чи фӕцӕуа, уыдонӕй бафӕлвар уацамынды пайда кӕнын, ӕмӕ хорз уаид, адӕм сӕм куыд хъусдзысты, уымӕ дӕ хъус куы дарис. Ацы уӕлӕмхасӕн сыф бафснай ӕмӕ-иу ӕм ӕркӕс, уацамындмӕ куы цӕттӕ кӕнай, уӕд.
Адӕймаджы дӕ бон у Хуыцауы Ныхасӕй бацымыдис кӕнын, дӕ ныхас цыбыр ӕмӕ хъуыддагыл куы уа, уӕд. Бӕлвырд фарста йӕм ратт, стӕй йын бакӕс Сыгъдӕг Фыстадӕй цыбыр дзуапп. Дӕ бон у ныхас райдайын афтӕ:
«Фидӕны хорзӕй истӕмӕ ӕнхъӕлмӕ кӕсыс ӕви нӕ? (Бауадз ӕй дзуапп радтын.) Библийы рагӕй уыд фыст, абон нӕ мӕты чи ӕфтауы, уыцы цаутӕ кӕй цӕудзысты, ӕмӕ дарддӕр цы уыдзӕн, уый тыххӕй дӕр» —2 Тим. 3:1, 2, 5; Ӕмб. 2:21, 22.
«Абон адӕм тынг тыхсынц се ’нӕниздзинадыл. Искуы фехъуыстай, Хуыцау низтӕ бынтондӕр кӕй фесафдзӕн?» —Ис. 33:24; Рар. 21:3, 4.
«Искуы фехъуыстай, Библийы кӕй дзырдӕуы, зӕгъгӕ, ӕппынфӕстаг ӕгас дунейӕн иу хицауад кӕй уыдзӕн?» —Дан. 2:44; Матф. 6:9, 10.
«Куыд хъуыды кӕныс, Йесо Чырысти зӕххыл куы хицауиуӕг кӕнид, уӕд куыд цӕриккам?» —Пс. 71:7, 8.
«Бирӕтӕ ӕфхӕрд ӕййафынц, сылгоймӕгтӕ кӕй сты, ӕндӕр диныл хӕст кӕй сты кӕнӕ та ӕндӕр адӕмыхаттӕй кӕй сты, уый тыххӕй. Куыд хъуыды кӕныс, уый Хуыцауы зӕрдӕмӕ цӕуы?» —Ап. к. 10:34, 35.
«Ӕвӕццӕгӕн ӕй зоныс, Йесо Чырысти йӕ рӕстӕджы бирӕ диссӕгтӕ кӕй арӕзта. Фадат дын куы уаид, уӕд ын цавӕр диссаг саразын кӕнис?» —Пс. 71:12—14, 16.
«Адӕмӕн сӕ фылдӕр бафӕлладысты зындзинӕдты тыххӕй хъусын. Уыдон фӕнды фехъусын, куыд сӕ ис алыг кӕнӕн, уый. Фӕлӕ кӕм ис ссарӕн хорз уынаффӕтӕ, цӕмӕй нӕ зындзинӕдтӕ ӕцӕгӕй дӕр аиуварс кӕнӕм?» —2 Тим. 3:16, 17.
«Нӕ нын зӕгъдзынӕ, куывд „нӕ Фыд“ куы фӕдзурыс, уӕд дзы цавӕр Паддзахады кой фӕкӕныс?» —Рар. 11:15.
Куыд ис ныхас райдайӕн
Дӕлдӕр лӕвӕрд фарстатӕ ист сты «Темӕтӕ Библийыл ныхас кӕнынӕн»-ӕй, (ссарӕн сӕ ис 2001 азы уагъд Библийы (bi-2), фӕстейӕ, уыр.) ӕмӕ сӕ фарсмӕ къӕлӕтты амындӕуы, фарстӕн дзуапп чи дӕтты, уыцы темӕйы номыр:
Цӕмӕн зӕронд кӕнӕм ӕмӕ цӕмӕн мӕлӕм? (37А)
Мӕрдтӕ цы уавӕры сты? (37Б)
Куыд тынг ӕндавы абоны дунейыл Сайтан? (12Б)
Ӕппӕт хорз адӕм дӕр уӕларвмӕ ацӕудзысты? (26А)
Цӕмӕн у ахсджиаг Хуыцауы ном зонын ӕмӕ йӕм йӕ номӕй кувын? (16А)
Хуыцау кӕй ис, уымӕн исты фидар бӕлвырдгӕнӕнтӕ ис? (16Б)
Йесо Чырысти ӕцӕгдӕр Хуыцау у? (18А)
Хуыцауы Паддзахад цы сараздзӕн? (43А)
Бинонты цард фӕхуыздӕр кӕнынӕн цы баххуыс кӕндзӕн? (4Б)
Куыд ис базонӕн, раст кӕцы дин у, уый? (33А)
Ацы дунейыл чи хицауиуӕг кӕны — Хуыцау ӕви Сайтан? (15А)
Хуыцау хъизӕмӕрттӕ цӕмӕн уадзы? (15В)
Куыд ис радтӕн брошюрӕ «Цы домы»
«Ӕвӕццӕгӕн, ды дӕр сразы уыдзынӕ, Хуыцау бирӕ адӕмы кӕй уырны. Чи йыл ӕууӕнды, уыдон разы сты, Хуыцау нӕ цыдӕр кӕй домы. Ӕрмӕст нӕ Хуыцау цы домы, уый алчидӕр йӕхирдыгонау ӕмбары» Уый фӕстӕ йын равдис брошюрӕ «Цы домы», бакӕн 1-аг урок ӕмӕ йыл ӕрныхас кӕн.
«Абон бинонтӕ арӕх кӕрӕдзи кӕй нӕ фембарынц, уымӕ гӕсгӕ искуы ахъуыды кодтай, бинонты амондджын цардӕн цы хъӕуы?» Адӕймаг йӕ хъуыды куы зӕгъа, уӕд ын зӕгъ, Хуыцау нын Библийы уылты кӕй амоны, бинонты амондджын цардӕн ӕцӕг цы хъӕуы, уый. Бакӕс Исайы 48:17. Стӕй бакӕн брошюрӕ «Цы домы» 8-ӕм урокыл ӕмӕ бакӕс цалдӕр стихы Библийӕ, бинонтӕй алкӕмӕндӕр ахъаз чи фӕуыдзӕн, ахӕмтӕ. Бакӕс, урочы райдианы цы фарстытӕ ис, уыдон. Уый фӕстӕ йӕ бафӕрс, фӕнды йӕ сӕ дзуаппытӕ базонын ӕви нӕ.
«Ацы брошюрӕйы лӕмбынӕг ӕвзӕрст цӕуынц Библийы сӕйраг ахуырӕдтӕ се ’ппӕтдӕр. Алы фарсыл дӕр дзы ис, ӕнусты дӕргъы адӕмы цы фарстатӕ тыхсын кӕнынц, уыдонӕн дзуаппытӕ. Зӕгъӕм, ахӕм фарста: цы у Хуыцауы фӕндон зӕххы тыххӕй?» Бакӕн 5-ӕм урок ӕмӕ бакӕс, урочы райдианы цы фарстытӕ ис, уыдон. Хӕдзары хицауы бафӕрс, тынгдӕр ӕй кӕцы фарста фӕнды базонын ӕмӕ бакӕс, уыцы фарстмӕ цы абзац (абзацтӕ) хауы ӕмӕ дзы Библийӕ цы стихтӕ ис амынд, уыдон. Бамбарын ын кӕн, иннӕ фарстатӕн дӕр афтӕ ӕнцонӕй кӕй ис ссарӕн бӕлвырд дзуаппытӕ. Зӕгъ ын, дӕ бон кӕй у дыккаг хатт ӕрбацӕуын, цӕмӕй ма ӕндӕр фарстайыл дӕр ӕрныхас кӕнат.
«Куыд дӕм кӕсы, скъолаты тыхми цӕмӕн ис? Ныййарджытӕ сӕ сывӕллӕтты хорз кӕй нӕ хъомыл кӕнынц, уый аххосӕй ӕви ӕндӕр цӕйдӕр тыххӕй, зӕгъӕм, Хӕйрӕджы ӕндӕвдады аххосӕй?» Бауадз ӕй йӕ хъуыды зӕгъын. Кӕд зӕгъа, зӕгъгӕ, Хӕйрӕджы ӕндӕвдады аххосӕй, уӕд ын бакӕс Раргомады 12:9, 12. Бамбарын кӕн, зӕххыл цард афтӕ змӕст кӕй у, уым Хӕйрӕг цас аххосджын у, уый. Уый фӕстӕ бакӕн брошюрӕ «Цы домы» 4-ӕм урокыл ӕмӕ йӕ бафӕрс, искуы ахъуыды кодта, Хӕйрӕг кӕцӕй фӕзынд, ууыл. Уый фӕстӕ йын бакӕс фыццаг дыууӕ абзацы ӕмӕ сыл ӕрныхас кӕн. Кӕд адӕймаг зӕгъа, зӕгъгӕ, ныййарджытӕ сӕ сывӕллӕтты хорз кӕй нӕ хъомыл кӕнынц, уый тыххӕй ис скъолаты тыхми, уӕд та йын бакӕс 2 Тимофеймӕ 3:1—3 ӕмӕ дзы бахахх кӕн, адӕмы ахӕм митӕ аразынмӕ цы разӕнгард кӕны, уый. Стӕй байгом кӕн брошюрӕ «Цы домы» 8-ӕм урокыл, бакӕс 5-ӕм абзац ӕмӕ дӕ ныхас адарддӕр кӕн.
«Куыд хъуыды кӕныс, цӕмӕй бинонты царды амондджын уӕм, уый тыххӕй раст уаид не Сфӕлдисӕгыл зӕрдӕ дарын, зондджын уынаффӕтӕ нын кӕй ратдзӕн?» Йӕ хъуыды куы зӕгъа, уӕд ын равдис брошюрӕ «Цы домы». Бакӕн ӕй 8-ӕм урокыл ӕмӕ йын зӕгъ, кӕй дзы ис Библийы уагӕвӕрдтӕ бинонтӕй алкӕмӕндӕр. Зӕгъ ын, дӕ бон кӕй у равдисын, брошюрӕ Библиимӕ куыд кӕсын хъӕуы, цӕмӕй дзы фылдӕр пайда райса.
«Куыд хъуыды кӕныс, абон цы зындзинӕдтӕ ӕвзарӕм, уыдон фӕразынӕн нын Хуыцаумӕ кувын ӕххуыс кӕны ӕви нӕ? [Бауадз ӕй йӕ хъуыды зӕгъын.] Бирӕтӕ дзурынц, зӕгъгӕ сын куывд дӕтты тых. [Бакӕс Филиппӕгтӕм 4:6, 7.] Фӕлӕ уӕддӕр гӕнӕн ис адӕймагмӕ афтӕ кӕса, цыма йын Хуыцау йӕ куывдтытӕ нӕ хъусы. [Бакӕн брошюрӕ «Цы домы» 7-ӕм урокыл.] Ацы брошюрӕ ӕмбарын кӕны, Хуыцаумӕ кувын нын куыд тынг ӕххуыс кӕны, уый».
«Мах ныхас кӕнӕм, афтӕ бирӕ динтӕ цӕмӕн ис, ууыл. Афтӕмӕй та Библи иу у. Куыд хъуыды кӕныс, цӕмӕн ис алыхуызон динтӕ? [Бауадз ӕй йӕ хъуыды зӕгъын. Бакӕн брошюрӕ «Цы домы» 13-ӕм урокыл ӕмӕ йӕ райдианы цы фарстытӕ ис, уыдон бакӕс.] Ацы урок куы бакӕсай, уӕд уыцы фарстытӕн ссардзынӕ бӕлвырд дзуаппытӕ».
Адӕймагӕн журналтӕ «Хъахъхъӕнӕн мӕсыг» ӕмӕ «Райхъал ут!» куы радтай, уӕд ӕй бафӕрс, фӕнды йӕ, цӕмӕй йын иу гыццыл абзац бакӕсай. Кӕд сразы уа, уӕд бакӕн брошюрӕ «Цы домы» 5-ӕм урокыл. Урочы райдианы цы фарстытӕ ис, уыдон ын фенын кӕн, зӕгъ ын, цӕмӕй фыццаг фарсты дзуапмӕ байхъуса, ӕмӕ йын фыццаг абзац бакӕс. Абзац куы бакӕсай, уӕд ӕм фарст радт ӕмӕ йын йӕ дзуапмӕ байхъус. Брошюрӕ йын радт ӕмӕ йӕ кӕд айса, уӕд ын зӕгъ, иннӕ хатт куы ӕрбацӕуай, уӕд дын ӕхсызгон кӕй уыдзӕн йӕ хъуыды базонын иннӕ дыууӕ фарсты тыххӕй дӕр.
Куыд ис радтӕн чиныг «Базонынад»
Библи дӕ къухы куыд уа, афтӕмӕй дӕ ныхас райдай ахӕм ныхӕстӕй: «Абон мах уӕ уынджы алкӕимӕ дӕр ныхас кӕнӕм Библийӕ иу стихыл. Уым фыст ис...». Бакӕс Иоанны 17:3-ӕм стих, стӕй йӕ бафӕрс: «Бафиппайдтай йӕ, раст зонындзинӕдтӕ нын цы ныфс дӕттынц? [Бауадз ӕй дзуапп радтын.] Кӕм ис ахӕм зонындзинӕдтӕ ссарӕн?» Йӕ хъуыды куы зӕгъа, уӕд ын равдис чиныг «Базонынад» ӕмӕ зӕгъ: «Ацы чиныджы дзырдӕуы, ӕнусон цардмӕ чи кӕны, ахӕм зонындзинӕдтыл. Ис дзы ссарӕн, адӕммӕ Библийы тыххӕй арӕхдӕр цы фарстатӕ фӕзыны, уыдонӕн дзуаппытӕ». Адӕймагӕн чиныджы сӕрты номхыгъд равдис ӕмӕ йӕ бафӕрс, искуы уыцы фарстатӕй искӕцыйыл хъуыды кодта.
«Никуы ахъуыды кодтай, нӕ алыварс кӕй уынӕм ӕмӕ, чи зоны, нӕхӕдӕг дӕр кӕй ӕвзарӕм, уыцы ӕнӕрастдзинад ӕмӕ хъизӕмӕрттӕм Хуыцау куыд кӕсы, ууыл? [Бауадз ӕй йӕ хъуыды зӕгъын.] Библи нын фидарӕй дзуры, Хуыцау нӕ кӕй уарзы ӕмӕ нын зын уавӕры кӕй баххуыс кӕндзӕн». Бакӕс Псалмы 71:12—17-ӕм стихтӕй искӕцы, уавӕрмӕ гӕсгӕ. Бакӕн чиныг «Базонынад» 8-ӕм сӕрыл ӕмӕ зӕгъ, кӕй дзы ис дзуапп, бирӕ адӕмы цы фарст тыхсын кӕны, уымӕн: цӕмӕн уадзы Хуыцау фыдӕбӕттӕ? Гӕнӕн уӕвгӕйӕ, ӕрныхас кӕн, 3—5-ӕм абзацты цы библион хъуыдытӕ ӕвзӕрст цӕуынц, уыдоныл, кӕнӕ сӕ равзар, дыккаг хатт ӕм куы бацӕуай, уӕд.
«Зиан кӕуыл не ’рцыд, ахӕм адӕймаг, ӕвӕццӕгӕн, нӕй. Чи нын амард, уыдоны ма цымӕ искуы фендзыстӕм? [Бауадз ӕй йӕ хъуыды зӕгъын.] Йесо равдыста, мӕрдты цардмӕ раздахӕн кӕй ис, уый. [Бакӕс Иоанны 11:11, 25, 44.] Кӕд ӕмӕ ацы цау ӕнустӕ раздӕр ӕрцыд, уӕддӕр нын ӕвдисы, Хуыцау нын зӕрдӕ цӕмӕй бавӕрдта, уый». Бакӕн чиныг «Базонынад» 85-ӕм фарсыл ӕмӕ бакӕс, нывы сӕрмӕ цы фыст ис, уый. Уый фӕстӕ бакӕн 86 фарс ӕмӕ дзы цы ныв ис, ууыл ӕрныхас кӕн. Цӕмӕй дын дыккаг хатт бацӕуыны фадат уа, уый тыххӕй йӕм радт ахӕм фарста: «Нӕ дӕ фӕнды базонын, адӕм цӕмӕн зӕронд кӕнынц ӕмӕ цӕмӕн мӕлынц?» Дыккаг хатт ӕм куы бацӕуай, уӕд равзар 6-ӕм сӕр.
«Искуы ахъуыды кодтай, адӕм цӕмӕн фӕтырнынц, гӕнӕн уӕвгӕйӕ, фылдӕр цардыбонтӕм?» Йӕ хъуыды куы зӕгъа, уӕд бакӕн чиныг «Базонынад» 6-ӕм сӕрыл ӕмӕ бакӕс 3-аг абзац. Библийӕ дзы цы стихтӕ ис, уыдоныл ӕрныхас кӕн. Абзацы кӕрон цы дыууӕ фарстайы ис, уыдон бакӕс ӕмӕ йӕ бафӕрс, фӕнды йӕ уыдонӕн дзуапп базонын ӕви нӕ. Кӕд сразы уа, уӕд ма дзы цалдӕр абзацы равзар.
«Адӕммӕ дӕттӕм ахӕм фарста, уырнынц сӕ ӕви нӕ мӕнӕ ацы ныхӕстӕ. . .» Бакӕс Уӕвынады 1:1-ӕм стих ӕмӕ йӕ стӕй бафӕрс: «Разы дӕ ацы ныхӕстимӕ?» Кӕд адӕймаг сразы уа, уӕд ын зӕгъ: «Ӕз дӕр семӕ разы дӕн. Фӕлӕ дӕм куыд кӕсы, кӕд алцыдӕр Хуыцау сфӕлдыста, уӕд фыддзинады дӕр уый у аххосджын?» Адӕймагӕн йӕ дзуаппы тыххӕй бузныг зӕгъ ӕмӕ йын бакӕс Екклесиасты 7:29-ӕм стих. Бакӕн чиныг «Базонынад» 8-ӕм сӕрыл ӕмӕ бакӕс 2-аг абзац. Кӕд адӕймаг Уӕвынады 1:1-аг стихы ныхӕстимӕ разы нӕ уа, уӕд ӕй сразӕнгард кӕн, цӕмӕй ахъуыды кӕна, Сфӕлдисӕг кӕй ис, уый бӕлвырдгӕнӕнтыл.
«Абон ӕгъдау афтӕ тагъд кӕй сӕфы, уымӕ гӕсгӕ нӕ цардӕн хорз разамынд кӕй хъӕуы, ууыл разы нӕ дӕ? [Бауадз ӕй йӕ хъуыды зӕгъын.] Библи кӕд ӕппӕты рагондӕр чиныг у, уӕддӕр ын йӕ уынаффӕтӕй абон ис пайда кӕнӕн ӕмӕ уыдон тынг ахъаз сты бинонты амондджын цардӕн». Уый фӕстӕ чиныг «Базонынад» бакӕн 2-аг урокыл ӕмӕ бакӕс 10-ӕм абзац ӕмӕ 11-ӕм абзацы фыццаг хъуыдыйад, 2 Тимофеймӕ 3:16, 17-ӕм стихтимӕ иумӕ.
«Фӕнды дӕ базонын, адӕммӕ ӕмӕ Зӕхмӕ фидӕны цы ’нхъӕлмӕ кӕсы, уый? [Бауадз ӕй дзуапп радтын.] Библийы фидӕны тыххӕй цы ис фыст, уый зӕгъӕн ис иу дзырдӕй — Дзӕнӕт! Хуыцау фыццаг дыууӕ адӕймаджы куы сфӕлдыста, уӕд сӕ уым ӕрцӕрын кодта. Дӕ хъус ма ӕрдар, Дзӕнӕт цыхуызӕн уыд, уый тыххӕй ам куыд фыст ис». Бакӕн чиныг «Базонынад» 8-ӕм фарсыл ӕмӕ сӕргондӕй, «Цард Дзӕнӕты», зӕгъгӕ, бакӕс 9-ӕм абзац. Уый фӕстӕ ӕрныхас кӕн, 10-ӕм абзацы цы хъуыдытӕ ис, уыдоныл ӕмӕ бакӕс Исайы 55:10, 11. Сразӕнгард кӕн адӕймаджы, цӕмӕй уӕ ныхас адарддӕр кӕнат ӕмӕ 11—16-ӕм абзацтӕй базонат, ногӕй рацарӕзт Дзӕнӕты цард цыхуызӕн уыдзӕн, уый.
Журналтӕ «Хъахъхъӕнӕн мӕсыг» ӕмӕ «Райхъал ут!» кӕмӕн ныууагътай, уыдонмӕ дыккаг хатт бацӕугӕйӕ, дӕ бон у зӕгъын:
«Амӕй размӕ дын ныууагътон журнал „Хъахъхъӕнӕн мӕсыг“. Ӕвӕццӕгӕн, бафиппайдтай, журналы фыццаг фарсыл кӕй ис фыст: „Хъахъхъӕнӕн мӕсыг хъусын кӕны Иегъовӕйы Паддзахад“. Абон та мӕ фӕнды зӕгъын, уыцы Паддзахад цы у ӕмӕ дӕуӕн ӕмӕ дӕ бинонтӕн цы ӕрхӕсдзӕн, уый тыххӕй». Уый фӕстӕ брошюрӕ «Цы домы» 6-ӕм урокыл байгом кӕн ӕмӕ, адӕймагӕн йӕ рӕстӕг цас амона, уыйбӕрц дзы бакӕс ӕмӕ равзар.
«Ӕрӕджы дӕм уыдтӕн ӕмӕ дын ныууагътон журналтӕ „Хъахъхъӕнӕн мӕсыг“ ӕмӕ „Райхъал ут!“. Ацы журналтӕ адӕмӕн ӕххуыс кӕнынц, цӕмӕй тынгдӕр аргъ кӕной Библийӕн ӕмӕ дзы ӕгъдауы тыххӕй цы уагӕвӕрдтӕ ис, уыдонӕн. Мӕнмӕ гӕсгӕ Хуыцауы Ныхас ӕмбарын алкӕмӕндӕр ахсджиаг у, ӕмӕ дӕм уымӕ гӕсгӕ ногӕй ӕрбацыдтӕн, цӕмӕй дын фенын кӕнон, цы ис саразӕн, цӕмӕй Библи хуыздӕр ӕмбарай». Равдис ын брошюрӕ «Цы домы» кӕнӕ чиныг «Базонынад» ӕмӕ йын зӕгъ хӕдзары Библи ахуыр кӕныны тыххӕй.
192-фарсон чингуытӕй искӕцы куы дӕттай, уӕд дӕ бон у ныхас райдайын афтӕ:
«Абон ахсджиаг хъуыддагыл нымад у хорз ахуырад райсын. Куыд хъуыды кӕныс, адӕймаджы цавӕр ахуырад хъӕуы райсын, цӕмӕй царды амондджындӕр ӕмӕ ӕнтыстджындӕр уа? [Бауадз ӕй йӕ хъуыды зӕгъын. Уый фӕстӕ бакӕс Ӕмбисӕндтӕ 9:10, 11.] Ацы чиныг [цы чиныг дӕттыс, уый ном зӕгъ] бындуриуӕг кӕны Библийыл. Уый цы зонындзинӕдты суадонмӕ амоны, ӕрмӕстдӕр уый руаджы ис ӕнусон цард райсӕн». Чиныгӕй бӕлвырд цӕвиттон ӕрхӕсс ӕмӕ адӕймаджы сразӕнгард кӕн чиныг бакӕсынмӕ.
Ныхас райдайынӕн цы цӕвиттонтӕ ис, уыдонӕй кӕд адӕмы искӕцы тынгдӕр бацымыдис кӕны ӕмӕ уый руаджы зӕрдӕзӕгъгӕ ныхас рауайы, уӕд дзы дарддӕр дӕр пайда кӕн! Ӕрмӕст-иу ӕй, ног мӕйы цы литературӕ парахат кӕнӕм, уымӕ гӕсгӕ гыццыл фӕив.
Ӕндӕр публикацитӕ
Ӕндӕр чингуытӕ ӕмӕ брошюрӕтӕ парахатгӕнгӕйӕ ма куыд ис ныхас райдайӕн, уый фенӕн ис «Хъахъхъӕнӕн мӕсыджы публикациты индексы» (уыр.) ахӕм сӕргонды:
Цӕвиттонтӕ, ныхас куыд ис райдайӕн, уымӕн
Публикациты номхыгъд
Комкоммӕ Библи ахуыр кӕныны тыххӕй цы ис зӕгъӕн
Адӕймагимӕ Библи ахуыр кӕнын райдайынӕн дӕ бон у комкоммӕ зӕгъын:
«Зоныс ӕй, ахсджиаг библион фарстӕн дзуапп цалдӕр минутмӕ кӕй ис базонӕн? Зӕгъӕм...» Стӕй, брошюрӕ «Цы домы»-йы уроктӕ цы фарстатӕй райдайынц ӕмӕ, дӕумӕ гӕсгӕ, адӕймагмӕ цымыдисаг чи фӕкӕсдзӕн, ахӕм фарста йӕм радт.
«Ӕз дӕм ӕрбацыдтӕн, цӕмӕй дын равдисон, адӕмимӕ Библи куыд фӕахуыр кӕнын, ӕмӕ дӕ уый тыххӕй ӕхца фидын нӕ хъӕуы. Уымӕн фондз минутӕй фылдӕр нӕ бахъӕудзӕн. Ӕвдӕлы дӕ фондз минуты?» Адӕймаг куы сразы уа, уӕд брошюрӕ «Цы домы»-йы 1-аг урокӕй равдис, ахуыр куыд фӕцӕуы, уый, Фыстадӕй бакӕс ӕрмӕст иу кӕнӕ дыууӕ стихы. Уый фӕстӕ йӕ бафӕрс: «Кӕд ма дын уыдзӕн иу-15 минуты, цӕмӕй иннӕ урок дӕр афтӕ равзарӕм?»
«Бирӕтӕм ис Библи, фӕлӕ йӕ нӕ зонынц, нӕ фидӕны тыххӕй нӕм алкӕмӕдӕр цы ахсджиаг фарстатӕ сӕвзӕры, уыдонӕн дзы дзуаппытӕ кӕй ис ссарӕн, уый. Ацы публикаци [брошюрӕ «Цы домы» кӕнӕ чиныг «Базонынад»] къуыри сахат кӕнӕ сахаты бӕрц куы ахуыр кӕнай, уӕд цалдӕр мӕймӕ Библийы сӕйраг ахуырӕдтӕ базондзынӕ. Ӕхсызгонӕй дын равдисдзынӕн, куыд ӕй ис ахуыр кӕнӕн, уый».
«Ӕз адӕмимӕ лӕвар ахуыр кӕнын Библи. Кӕд гӕнӕн ис, уӕд дын цалдӕр минутмӕ равдисдзынӕн, абон иу-200 бӕстӕйы бирӕ бинонтӕ хӕдзары Библи куыд ахуыр кӕнынц, уый. Цӕвиттонӕн дӕ бон у равзарын ацы сӕргӕндтӕй искӕцы. [Равдис чиныг «Базонынад»-ы сӕрты номхыгъд.] Кӕцы дӕм дзы кӕсы цымыдисагдӕр?» Банхъӕлмӕ кӕс, цалынмӕ адӕймаг искӕцы сӕр равзара. Стӕй уыцы сӕр рафӕлдах ӕмӕ фыццаг абзацӕй райдай.
«Ӕз адӕмимӕ Библи лӕвар ахуыр кӕнын ӕмӕ ма мын цалдӕр адӕймагимӕ ахуыр кӕнынӕн фӕзынд рӕстӕг. Библи ахуыр кӕнынӕн пайда кӕнӕм мӕнӕ ацы чиныгӕй. [Равдис ын чиныг «Базонынад».] Ахуырӕн цалдӕр мӕй йедтӕмӕ нӕ бахъӕудзӕн ӕмӕ уыцы ахуыры рӕстӕджы дзуапп ссардзынӕ ахӕм фарстатӕн, зӕгъӕм: Цӕмӕн уадзы Хуыцау фыдӕбӕттӕ? Цӕмӕн зӕронд кӕнӕм ӕмӕ цӕмӕн мӕлӕм? Цы ’рцӕуы нӕ зӕрдиаг амӕлджытыл? Нӕ бон куыд у Хуыцаумӕ баввахс уын? Равдисон дын, Библи куыд фӕахуыр кӕнӕм, уый?»