Брошюрӕ «Цы домы»-йӕ пайда кӕныс искӕимӕ Библийы ахуыр райдайынӕн?
1 Зоныс ӕй, искӕимӕ иудадзыг Хуыцауы тыххӕй куы ныхас кӕнай, кӕнӕ нӕм Библи ахуыр кӕнынӕн цы публикацитӕ ис, уыдонӕй искӕцыйӕ истытӕ куы амонай, ӕгӕрыстӕмӕй цыбыр рӕстӕг дӕр, уӕд йемӕ Библи кӕй ахуыр кӕныс? О, Библийы ахуырыл банымайӕн ис, адӕймагимӕ къӕсӕргӕрон кӕнӕ телефонӕй куы ныхас кӕнай, уый. Хорз нӕ уаид, куы бацархаис май ӕмӕ июны брошюрӕ «Цы домы»-йӕ искӕимӕ Библи ахуыр кӕнын райдайын?
2 Цӕттӕ кӕн, цӕмӕй ӕнтыстджын уай. Брошюрӕ «Цы домы» дӕ искӕмӕн радтын куы фӕнда, уӕд хъуамӕ бӕлвырд зонай, цӕуыл дӕ фӕнды аныхас кӕнын, уый. Адӕймагмӕ дыккаг хатт куы цӕуай, уӕд дӕ зӕрдыл ӕрлӕууын кӕн, фыццаг хатт цӕуыл дзырдтат, уый. Ахъуыды кӕн, дӕ ныхас адарддӕр кӕнынӕн ӕмӕ йемӕ ахуыр кӕнын райдайынӕн дӕ брошюрӕйӕ тынгдӕр цӕмӕ хъӕуы дӕ хъус ӕрдарын? Хӕдзарӕй-хӕдзармӕ куы хъусын кӕнай, уӕд сбӕлвырд кӕн, цӕуыл дзурдзынӕ ӕрыгӕттимӕ, ацӕргӕ адӕймагимӕ, нӕлгоймаг кӕнӕ сылгоймагимӕ. Ӕркӕс брошюрӕйы сӕргӕндтӕм ӕмӕ дзы равзар, адӕймаджы чи бацымыдис кӕндзӕн, ахӕм темӕтӕ. Темӕ куы равзарай, уӕд ӕй цалдӕр хатты сфӕлхат кӕн. Афтӕ куы аразай, уӕд уыдзынӕ ӕнтыстджын.
3 2002 азы январы «Нӕ паддзахадон лӕггаддзинад»-ы уӕлӕмхасӕн сыфы мыхуыр ис аст цӕвиттоны «Куыд ис радтӕн брошюрӕ „Цы домы“». Рамкӕ «Комкоммӕ Библи ахуыр кӕныны тыххӕй цы ис зӕгъӕн»-ы ӕвдыст ис, брошюрӕйӕ Библи ахуыр кӕнын куыд ис райдайӕн, уый. Дӕ бон у спайда кӕнын фыццаг цӕвиттонӕй:
◼ «Зоныс ӕй, ахсджиаг библион фарстӕн дзуапп цалдӕр минутмӕ кӕй ис базонӕн? Зӕгъӕм, сӕхи чырыстон чи хоны, ахӕм динтӕ афтӕ бирӕ цӕмӕн ис? Искуы йыл ахъуыды кодтай?» Адӕймаг йӕ хъуыды куы зӕгъа, уӕд рафӕлдах 13-ӕм урок ӕмӕ ӕрныхас кӕн фыццаг дыууӕ абзацыл. Рӕстӕг дӕ куы амона, уӕд бакӕс ӕмӕ ӕрныхас кӕн иу кӕнӕ дыууӕ стихыл. Уый фӕстӕ, уыцы фарсыл райдианы цы фӕрстытӕ ис, уыдонӕй фӕстаг бакӕс ӕмӕ зӕгъ: «Ацы урочы ис фондз бӕрӕггӕнӕны раст дин базонынӕн. Хорз уаид, иннӕ хатт дӕм куы ӕрбацӕуон, уӕд сыл куы аныхас кӕниккам».
4 Ӕнӕрынцайгӕ архай. Алы уавӕры дӕр архай, цӕмӕй брошюрӕ «Цы домы»-йӕ искӕимӕ Библи ахуыр кӕнын райдайай. Кув Иегъовӕмӕ, цӕмӕй дын баххуыс кӕна (Матф. 21:22). Ӕнӕрынцайгӕ куы архайай, уӕд искӕмӕн баххуыс кӕндзынӕ хорз хабар йӕ зӕрдӕмӕ айсынӕн. Ӕмӕ ма уымӕй ӕхсызгондӕр цы хъуамӕ уа!