Архайӕм арӕхстджындӕрӕй хъусын кӕныныл. Адӕймагимӕ къӕсӕргӕрон Библи ахуыр кӕнын райдайӕн куыд ис
Уый ахсджиаг цӕмӕн у. Цӕмӕй ахуыргӕнинӕгтӕ цӕттӕ кӕнӕм, уый тыххӕй хъуамӕ Хуыцауы Ныхас хорз амонынмӕ арӕхсӕм (Матф. 28:19, 20). Не ’ппӕтӕн дӕр нӕ бон у рӕстдзинад арӕхстджынӕй амонын, зӕгъӕм, «Адӕмимӕ Библи ахуыр кӕнӕм», зӕгъгӕ, чи хуыйны, уыцы буклетты фӕрцы. Нӕ бон сӕ пайда кӕнын у, адӕймагмӕ фыццаг хатт куы бацӕуӕм, уӕд дӕр, кӕд уавӕр амона, уӕд.
Бафӕлвар мӕйы дӕргъы:
Йегъовӕмӕ кув, цӕмӕй дӕ фӕнда адӕмимӕ Библи ахуыр кӕнын. Стӕй дзы ӕххуыс кур, цӕмӕй искӕимӕ Библи ахуыр кӕнын райдайай ӕмӕ йын рӕстдзинад арӕхстджынӕй амонай (Фил. 2:13).
Дӕ бинонтимӕ кӕнӕ дӕхӕдӕг Библи куы фӕахуыр кӕныс, уӕд-иу бафӕлвар, уацамынды дӕ ныхас куыд райдайдзынӕ, уый, цӕмӕй йӕ бахъуыды кӕнай. Афтӕмӕй уацамынды фидарӕй дзурдзынӕ ӕмӕ дӕ бон уыдзӕн къӕсӕргӕрон адӕймагимӕ Библи ахуыр кӕнын райдайын.