«Ӕвӕстиатӕй ныхас хъусын кӕн»
1 Зӕгъӕм, цыдӕр райстай ӕмӕ йыл фыст ис «ӔВӔСТИАТӔЙ», цы бакӕндзынӕ? Дзырд «ӕвӕстиатӕй» нысан кӕны «тагъд сӕххӕст кӕнын кӕй хъӕуы, аргъӕвӕн кӕмӕн нӕй, ахӕм хъуыддаг». Уӕдӕ апостол Павел уымӕн фӕдзӕхсы чырыстӕтты, цӕмӕй «ӕвӕстиатӕй ныхас хъусын кӕной» (2 Тим. 4:2, НД). Уыцы хъуыддаг ӕвӕстиатӕй аразыс?
2 Ӕвӕццӕгӕн, Павелӕн загътой, зӕгъгӕ, йе ’фсымӕртӕй чидӕртӕ «сӕ хъуыддаджы нӕ тагъд кӕнынц» (Ром. 12:11, НД). Уымӕ гӕсгӕ сӕ куыст бирӕ дыргътӕ нал хаста ӕмӕ адӕмӕн ӕххуысгӕнгӕйӕ уыйбӕрц циндзинад нал истой.
3 Цавӕр ахаст уыд Йесойӕн лӕггаддзинадмӕ. Цӕй стыр циндзинад хаста Йесойӕн йӕ лӕггаддзинад! Уый загъта: «Мӕ хӕринаг у Мӕн Рарвитӕджы фӕндон ӕмӕ Уый хъуыддаг сӕххӕст кӕнын». Йесойы цӕвиттон тынг баххуыс кодта йӕ ахуыргӕнинӕгтӕн, ӕмӕ ма сӕ сразӕнгард кодта ахӕм ныхӕстӕй, зӕгъгӕ, «хуымтӕ... фӕурс сты ӕмӕ сцӕттӕ сты кӕрдынмӕ» (Иоан. 4:34, 35). Зӕрдӕбынӕй кӕй лӕггад кодта, уый рабӕрӕг йӕ ныхӕстӕй: «Лӕгъстӕ кӕнут хуымы Хицауӕн, цӕмӕй рарвита кусджытӕ Йӕ хуыммӕ» (Мтф. 9:38). Йесо ӕмбӕрста хъусын кӕнын ӕй кӕй хъуыд, ӕмӕ архайдта, цӕмӕй йӕ мацы бахъыгдӕрдтаид.
4 Махӕй та цы зӕгъӕн ис? Абоны хуызӕн ӕвӕстиатӕй хъусын кӕнын никуы хъӕуы. Дунейы бирӕ рӕтты быдыртӕ цӕттӕ сты кӕрдынмӕ. Ӕгӕрыстӕмӕй ма ӕцӕгад цы бӕстӕты ӕрцыд хъуыстгонд, уым дӕр ӕрвылаз аргъуыд райсынц мингай адӕм. Ацы цардыуагон системӕ йӕ кӕронмӕ кӕй хӕстӕг кӕны, уымӕ гӕсгӕ нын «Хицауы хъуыддаджы» ис бирӕ куыст (1 Кор. 15:58). Адӕмӕн хорз уацхъуыд абоны хуызӕн ӕнӕзивӕгӕй хъусын кӕнын никуы хъӕуы.
5 Цӕй уӕдӕ иудадзыг цӕттӕ уӕм, цӕмӕй адӕмӕн хорз уацхъуыд хъусын кӕнӕм куыд хӕдзарӕй-хӕдзармӕ, афтӕ ма сыл кӕм ӕмбӕлӕм, уым дӕр. Цас фылдӕр хъусын кӕнӕм, уыйбӕрц тынгдӕр ӕвдисдзыстӕм, Паддзахад нӕ царды сӕйрагдӕр бынаты кӕй ис, уый (Мтф. 6:33). Ныхас зӕрдӕбынӕй куы хъусын кӕнӕм, уӕд нын уый ӕрхӕсдзӕн стыр циндзинад.