Пайда дын цы у, ууыл ахуыр кӕныс?
1 Абон милуангай адӕймӕгты фӕнды зонын, куыд ис зындзинӕдтӕ иуварс кӕнӕн ӕмӕ куыд ис амондджынӕй цӕрӕн. Уыдон зӕрдиагӕй агурынц хӕдахуыргӕнӕн чингуытӕ кӕнӕ та сӕ цард фӕхуыздӕр кӕныны тыххӕй цӕуынц алыхуызон уагдӕттӕм ӕмӕ организацитӕм. Гӕнӕн ис, ӕмӕ сӕ иуӕй-иутӕ зӕгъой, цавӕрдӕр ӕххуыс сӕ кӕй райстой, уый. Фӕлӕ абон дунейы уавӕртӕм кӕсгӕйӕ, цымӕ зӕгъӕн ис, адӕмы бон кӕй сси сӕ ахуырадон программӕты фӕрцы сабыр ӕмӕ амондджын цард скӕнын? Никуыд! (1 Кор. 3:18—20).
2 Иннӕрдыгӕй та, не Сфӕлдисӕг лӕвар дӕтты ӕппӕты хуыздӕр ахуырад, чи йӕм хъусы, уыдонӕй алкӕмӕндӕр. Иегъовӕйы фӕнды, цӕмӕй йӕ ахуырадӕй алы адӕймаг дӕр пайда иса. Уый хӕларзӕрдӕйӕ адӕмӕн радта йӕ Ныхас, цӕмӕй ахуыр кӕной рӕстдзинадыл, ӕмӕ бацархайдта, цӕмӕй йӕ Паддзахады тыххӕй хорз уацхъуыд хъуыстгонд цӕуа ӕппӕт зӕххыл (Пс. 18:8, 9; Мтф. 24:14; 2 Тим. 3:16). Адӕймаг ӕцӕг амондджын уыдзӕн, ӕрмӕстдӕр Иегъовӕйы фӕдзӕхстытӕм куы хъуса, уӕд (Ис. 48:17, 18).
3 Дуне цы хӕдахуыргӕнӕн чингуытӕ ӕмӕ хифӕхуыздӕр кӕныны программӕтӕ хъары, уыдонӕй Иегъовӕйы уынаффӕтӕ бирӕ хуыздӕр сты. Иегъовӕ нӕ йӕ Ныхас ӕмӕ йӕ организацийы уылты цӕуыл ахуыр кӕны, уымӕй ӕххӕстӕй куы пайда кӕнӕм, уӕд нӕ бон суыдзӕн райсын ӕцӕг ӕххуыс ӕмӕ ӕнусон арфӕдзинӕдтӕ (1 Петры 3:10—12).
4 Пайда дын цы у, ууыл ӕмбырды фембӕлдты ахуыр кӕн. Абон Иегъовӕйы зӕрдӕбынӕй фӕнды, цӕмӕй нӕ йӕ фӕндӕгтыл сахуыр кӕна, ӕмӕ арфӕгонд уыдзыстӕм йӕ разамындӕн ын куы аргъ кӕнӕм, уӕд. Къуыри нын цы фондз фембӕлды вӕййы, уыдонӕй бӕрӕг у, Иегъовӕ ныл кӕй ауды, уый. Ӕмбырды фембӕлдтӕм кӕй цӕуӕм, уый фӕрцы Хуыцауы тыххӕй нӕ зонындзинӕдтӕ фылдӕр кӕнынц. Иегъовӕмӕ кӕй хӕстӕг кӕнӕм, уый нын ӕххуыс кӕны нӕхи ӕвзӕр хъуыддӕгтӕй хъахъхъӕнынӕн. Афтӕмӕй нӕ уырнындзинад фидардӕр кӕны.
5 Фӕлӕ ма фембӕлдтӕй ноджы фылдӕр пайда исӕм. Уыдон нын фадат дӕттынц нӕ зӕрдӕтӕ «уӕрӕх кӕнынӕн» (2 Кор. 6:13, НД). Зӕгъӕм ӕмбырды иннӕтимӕ зонгӕ кӕнын. Апостол Павел йӕ фыстӕджы ромӕгтӕм куыд фыста, мах дӕр афтӕ кӕрӕдзи куы фӕфидар кӕнӕм, уӕд нын уый фӕхӕссы циндзинад (Ром. 1:11, 12). Фӕлӕ уый йе ’рвысты дзуттӕгтӕм уайдзӕф кӕны, чырыстон ӕфсымӕрад уадзын «ӕгъдау» кӕмӕн сси, уыдонӕн (Дзут. 10:24, 25).
6 Иннӕтыл куы нӕ тыхсӕм, уӕд ӕцӕг амондджын никуы уыдзыстӕм. Мах хъуамӕ архайӕм, цӕмӕй сын исты ӕхсызгон хъуыддӕгтӕ аразӕм. Уымӕ гӕсгӕ нӕ чырыстон фембӕлдтӕ хӕссынц пайда куыд махӕн, афтӕ ма нын хорз ахастытӕ кӕимӕ ис, уыдонӕн дӕр. Махӕй та домдӕуы, цӕмӕй фембӕлдты зӕрдӕбынӕй хайад исӕм.
7 Ахӕм хъуыды загъта апостол Павел дӕр Тимофейӕн куы уынаффӕ кодта, зӕгъгӕ «дӕхи ахуыр кӕн хорз намысы» (1 Тим. 4:7). Нӕ бон у нӕхимӕ радтын фарстытӕ: «Ӕз мӕхи ахуыр кӕнын? Ӕмбырды фембӕлдтӕй исты пайда райсын?» Разыйы дзуапп ратдзыстӕм, фембӕлдты цы фехъусӕм, уымӕн куы аргъ кӕнӕм ӕмӕ цы базонӕм, уымӕй царды арӕхстджынӕй куы пайда кӕнӕм, уӕд. Мах хъуамӕ кӕсӕм уырнындзинады цӕстытӕй, ӕмӕ ӕмбарӕм, чи нӕ ахуыр кӕны, уыцы ӕфсымӕрты фӕстӕ кӕй лӕууы нӕ ахуыргӕнӕг Иегъовӕ — йӕ адӕмы Номдзыд Зондамонӕг (Ис. 30:20, НД).
8 Теократон лӕггаддзинады скъола ӕмӕ лӕггаддзинады фембӕлд. Ацы дыууӕ фембӕлд нын ӕххуыс кӕнынц, цӕмӕй чырыстон лӕггаддзинады ӕнтыстджын уӕм. Теократон лӕггаддзинады скъолайы нысан у, цӕмӕй йӕ ахуыргӕнинӕгтӕ иудадзыг исой зонындзинӕдтӕ ӕмӕ уынаффӕтӕ. Дӕуӕн ис хорз фадат, цӕмӕй равдисай бонӕй-бонмӕ ныхасы хуыздӕр кӕй рацӕуыс ӕмӕ Хуыцауы Ныхасыл иннӕты хуыздӕр кӕй ахуыр кӕныс. Фӕлӕ Скъолайӕ фылдӕр пайда райсыны тыххӕй хъуамӕ дӕхи уым ныффыссай, хъуамӕ йӕм цӕуай, иудадзыг хӕслӕвӕрдтӕ исай ӕмӕ сӕ зӕрдӕбынӕй ӕххӕст кӕнай. Цы уынаффӕтӕ дзы фӕдӕттынц, уыдонмӕ куы хъусай ӕмӕ сӕ куы пайда кӕнай, уӕд ӕнтыстджын уыдзынӕ.
9 Лӕггаддзинады фембӕлд нын амоны, чырыстон лӕггаддзинадӕн стыр нысаниуӕг кӕй ис, уый, ӕмӕ нын ӕвдисы, куыд у нӕ бон хайад исын ахуыргӕнинӕгтӕ цӕттӕ кӕныны куысты. Ацы дыууӕ фембӕлдӕй ды дӕр ӕмӕ дӕ бинонтӕ дӕр пайда исут? Чырыстон лӕг ӕмӕ ус банысан кодтой: «Иухатт лӕггаддзинады фембӕлды загътой, зӕгъгӕ, бинонтӕ хъуамӕ иумӕ ӕвзарой ӕрвылбоны текст. Раздӕр уый нӕ арӕзтам, фӕлӕ йӕ ныр аразӕм». Уый сын пайда ӕрхаста? Уыдон загътой: «Фынгыл мах ӕхсызгондӕрӕй ныхас кӕнӕм. Хӕрды рӕстӕджы тыхныхас нал фӕкӕнӕм». Гыццыл сывӕллӕттӕн та фембӕлдтӕ исты пайда хӕссынц? О. Мад дзуры: «Бӕрӕг у, нӕ сывӕллӕттыл фембӕлдтӕ тынг кӕй бандӕвтой, уый. Иу бон фӕхатыдыстӕм, нӕ ӕхсӕзаздзыд фырт гӕдыныхӕстӕ кӕй кӕны, уый. Фӕлӕ уыцы къуыри фембӕлды уыди ахуыргӕнӕн раныхас гӕдыныхӕстӕ кӕныны тыххӕй. Нӕ фырт йӕ рӕдыд бамбӕрста ӕмӕ фӕсырх ис, уый фӕстӕ йӕ фыдмӕ скаст ӕмӕ йӕ бандоны аныгъуылд. Уый йын уыд зондзонӕн, ӕмӕ уый фӕстӕ афтӕ никуыуал бакодта».
10 Иу хо, пионер дзуры, тынг ӕхсызгон ын кӕй у, нӕ лӕггаддзинад фӕхуыздӕр кӕныны тыххӕй лӕггаддзинады фембӕлдты уынаффӕтӕ кӕй цӕуы лӕвӕрд, уый. Цӕмӕн? Уый бамбарын кодта: «Куыд сахуыр дӕн, афтӕ хъусын кӕнын. Иуӕй-иу хатт мӕм афтӕ фӕкӕсы, цыма „Нӕ паддзахадон лӕггаддзинад«-ы цы уынаффӕтӕ ис, уыдонӕй нӕй спайдагӕнӕн. Фӕлӕ нӕ лӕггаддзинады фембӕлды куы сразӕнгард кӕнынц, цӕмӕй сӕ спайда кӕнӕм, уӕд мӕ тынг бафӕнды афтӕ саразын. Ӕмӕ уацамынд хуыздӕр ацӕуы!» Нӕ хо цалдӕр куыри пайда кодта, фыццаг бацыдӕн Библи ахуыр кӕнын райдайыны тыххӕй цы уынаффӕ уыд лӕвӕрд, уымӕй, ӕмӕ уый фӕстиуӕгӕн фыццаг бацыдӕй райдыдта Библи ахуыр кӕнын иу чызгимӕ, кӕцы куывта ӕххуысы тыххӕй.
11 Сӕрмагондӕй дӕ уагахастмӕ чи хауы, ахӕм библион уынаффӕтӕ раныхасы куы вӕййы, уӕд ӕй фӕхатыс, Иегъовӕ комкоммӕ дӕумӕ кӕй дзуры? Иу ӕфсымӕр ӕй растдӕр афтӕ бамбӕрста. Уый радзырдта: «Цалдӕр боны размӕ иу фембӕлды уыдис иу раныхас, цыран ӕфсымӕр дзырдта, чырыстон йӕ сӕрибар рӕстӕг куыд хъуамӕ ӕрвита ӕмӕ йӕхи цӕмӕй хъуамӕ хиза, ууыл. Раздӕр мӕ зӕрдӕмӕ цыд телевизоры боксмӕ кӕсын. Фӕлӕ уыцы фембӕлды фӕстӕ ӕз бамбӕрстон, бокс кӕй хауы, чырыстонӕн ӕмбӕлон чи нӕу, ахӕм ирхӕфсӕнтӕм. Уый фӕстӕ йӕм никуыуал бакастӕн». О, ацы ӕфсымӕр кӕд бауарзта тыхми кӕм уыд, ахӕм хъуыддаг, уӕддӕр сӕрныллӕгӕй Иегъовӕйы разамындмӕ байхъуыста (Пс. 10:5).
12 Адӕмы раз раныхас, «Хъахъхъӕнӕг мӕсыджы» ахуыркӕнынад ӕмӕ ӕмбырды чиныгахуыркӕнынад. Алы къуыри дӕр нӕм ӕфсымӕртӕ ныхасы рацӕуынц алыхуызон библион темӕтимӕ. Исты пайда сӕ райсыс? Бинонтӕ кӕмӕн ис, иу ахӕм ӕфсымӕр радзырдта, цы пайда сӕ райста, уый тыххӕй: «Иу раныхасы дзырдӕуыд сыгъдӕг уды дыргъты тыххӕй. Ныхасы рацӕуӕг дзырдта, йӕхӕдӕг сыгъдӕг уды дыргътыл куыд куыста, уый тыххӕй: уый-иу равзӕрста иу миниуӕг ӕмӕ-иу ыл фӕкуыста иу къуыри. Къуырийы фӕуды-иу уый хъуыды кодта, уыцы миниуӕг алы бон дӕр куыд ӕвдыста, ууыл. Уый фӕстӕ-иу, иннӕ къуыри, куыста ӕндӕр миниуӕгыл. Мӕнӕн уый мӕ зӕрдӕмӕ фӕцыд ӕмӕ ӕз дӕр афтӕ кӕнын райдыдтон». Цы фехъуыста, уымӕй куыд хорз спайда кодта!
13 «Хъахъхъӕнӕг мӕсыджы» ахуыркӕнынад нӕ ахуыр кӕны, цӕмӕй Библийы принциптӕй пайда кӕнӕм царды алыхуызон уавӕрты. Уый нын ӕххуыс кӕны, цӕмӕй нӕ исты куы тыхсын кӕна, уӕддӕр нӕ мидзӕрдӕйы сабыр уӕм. «Хъахъхъӕнӕг мӕсыджы» ахуыркӕнынад ма нын ӕххуыс кӕны ӕцӕгадимӕ ӕмдзу кӕнынӕн дӕр. Зӕгъӕм, 1999 азы 1 майы «Хъахъхъӕнӕг мӕсыджы» цы ахуыргӕнӕн статьятӕ уыд, уыдонӕй пайда нӕ райстам: «Уыдон хъуамӕ сӕххӕст уой», «Чи кӕсы, уый ӕмбарӕд» ӕмӕ «Ут цырддзаст ӕмӕ ӕнувыд!»? Уыцы статьятӕ дыл куыд бандӕвтой? Йесойы фӕдзӕхстытӕ фидӕны тыххӕй дӕ зӕрдӕмӕ кӕй айстай, уый дӕ хъуыддӕгтӕй бӕрӕг у? «Гӕныстоны ӕнаккагдзинад сыгъдӕг ран лӕугӕ» куы фенӕм, уӕд фӕлварӕнтӕм цӕттӕ уыдзынӕ? (Мтф. 24:15—22). Дӕ разы цы нысӕнттӕ ӕвӕрыс ӕмӕ куыд цӕрыс, уымӕй бӕрӕг у, царды дын фыццаг бынаты мулк ӕрӕмбырд кӕнын кӕй нӕу, фӕлӕ Иегъовӕйы ном скадджын кӕнын? Абон нын пайда цы у, уый нын «Хъахъхъӕнӕг мӕсыджы» ахуыркӕнынад нӕ амоны?
14 Ахъуыды ма кӕн алы къуыри дӕр ӕмбырды чиныгахуыркӕнынады цас цыдӕртӕ базонӕм. Ныр ахуыр кӕнӕм чиныг «Ӕппӕты номдзыддӕр адӕймаг». Фараст мӕйы дӕргъы мах ахуыр кӕнӕм уыцы чиныг, ӕмӕ къуырийӕ-къуыримӕ нӕ уырнындзинад кӕй фылдӕр кӕны, уый нӕ хатӕм? Иегъовӕйы уарзон фырт Йесо Чырыстийы цард ӕмӕ лӕггаддзинад ахуыргӕнгӕйӕ ноджы тынгдӕр бафидар кӕндзыстӕм нӕ уырнындзинад, ӕмӕ нын уый та ӕххуыс кӕндзӕн зындзинӕдтӕ иуварс кӕнынӕн.
15 Иегъовӕ нӕ ахуыр кӕны амондджынӕй цӕрын. Хуыцауы уынаффӕтӕм куы фӕхъусӕм, уӕд нӕхи бирӕ зындзинӕдтӕй бахизӕм. Уымӕй уӕлдай ма мах бамбарӕм, ӕцӕгдӕр амондджын цард цы у, уый. Иегъовӕйы разамындмӕ хъусгӕйӕ йын йӕ куыстмӕ ӕрмӕст фӕрсырдыгӕй нӕ фӕкӕсӕм, фӕлӕ ма дзы хайад дӕр фӕисӕм. Ӕмӕ Хуыцауы куыст чи кӕны, уыдон та сты амондджын адӕм (1 Кор. 3:9; Иак. 1:25).
16 Ӕмбырды фембӕлдты цы фехъусай, уымӕй куыд спайда кӕндзынӕ, ууыл ӕппынӕдзух хъуыды кӕн (Иоан. 13:17). Хуыцауӕн лӕггад кӕн цингӕнгӕйӕ, зӕрдӕбынӕй. Ды уыдзынӕ тынг амондджын. Дӕ цардӕн стырдӕр нысаниуӕг уыдзӕн. О, уыдон дын иууылдӕр ӕрхӕсдзысты пайда.