Библи кӕимӕ ахуыр кӕныс, уымӕн йӕ зӕрдӕ ссар
1 Йесо уӕларвмӕ ацӕуыны хӕдразмӕ йӕ ахуыргӕнинӕгтӕн загъта, цӕмӕй иннӕты ахуыр кодтаиккой йӕ фӕдзӕхстытӕ иууылдӕр «ӕххӕст кӕнын» (Матф. 28:19, 20). Цӕмӕй адӕймаг Чырыстийы фӕдзӕхстытӕ «ӕххӕст кӕна», уый тыххӕй хъуамӕ зонындзинӕдтӕ йӕ зӕрдӕмӕ айса (Пс. 118:112). Куыд у дӕ бон, Библи кӕимӕ ахуыр кӕныс, уымӕн йӕ зӕрдӕ ссарын?
2 Кув Иегъовӕмӕ разамынды тыххӕй. Ахуыргӕнинӕгтӕ цӕттӕ кӕнын у Хуыцауӕй баргонд куыст. Цас ӕнтыстджын уыдзыстӕм, уый баст у нӕ курдиӕттыл нӕ, фӕлӕ Хуыцауы арфӕдзинадыл (Ап. к. 16:14; 1 Кор. 3:7). Уымӕ гӕсгӕ адӕмӕн ӕцӕгад куы амонӕм, уӕд ахсджиаг у Иегъовӕмӕ ӕххуысы тыххӕй кувын (Ис. 50:4).
3 Базон, ахуыргӕнинаг цӕуыл ӕууӕнды, уый. Адӕм цӕуыл ӕууӕндынц ӕмӕ йыл цӕмӕн ӕууӕндынц, уый куы базонӕм, уӕд сын нӕ бон суыдзӕн зӕгъын, сӕ зӕрдӕтӕ ссарынӕн нын чи баххуыс кӕна, ахӕм ныхӕстӕ. Ахуыргӕнинагӕн уыцы ахуырад йӕ зӕрдӕмӕ цӕмӕн цӕуы? Раст кӕй у, ууыл цӕмӕн баууӕндыд? Уыдӕттӕ куы базонӕм, уӕд ӕй зондзыстӕм, цы дзурын нӕ хъӕуа, уый (Ап. к. 17:22, 23).
4 Ӕрхӕсс Фыстадыл бындуриуӕггӕнӕг ӕууӕнчы аккаг бӕлвырдгӕнӕнтӕ. Ахуыргӕнинаг хъуамӕ ӕмбара ӕцӕгад (Ап. к. 17:24—31). Нӕ ныфс цӕуыл бындуриуӕг кӕны, уымӕн ын хъуамӕ ӕрхӕссӕм ӕууӕнчы аккаг бӕлвырдгӕнӕн (1 Петры 3:15). Фӕлӕ алкӕддӕр хъуамӕ уӕм хӕларзӕрдӕ ӕмӕ фӕразон.
5 Дӕ ныхӕстӕ ӕмбарын кӕн цӕстуынгӕ цӕвиттонтӕй. Цӕстуынгӕ цӕвиттонтӕ ахуыргӕнинагӕн ӕрмӕст ӕрмӕг ӕмбарынӕн не ’ххуыс кӕнынц, фӕлӕ ма йын агайынц йӕ зӕрдӕ дӕр. Уыдон ын ӕнцон ӕмбарӕн сты ӕмӕ йӕ зӕрдӕмӕ дӕр хъарынц. Йесо сӕ арӕх пайда кодта (Маркы 4:33, 34). Кӕй зӕгъын ӕй хъӕуы, цӕмӕй уыцы хъуыддаджы ӕнтыстджын уӕм, уый тыххӕй хъуамӕ цӕстуынгӕ цӕвиттон баст уа, цӕуыл дзурӕм, уыимӕ ӕмӕ ахуыргӕнинаджы цардимӕ.
6 Равдис, ӕцӕгады фӕндаг цы арфӕдзинӕдтӕ дӕтты, уый. Адӕмы фӕнды зонын, цы ахуыр кӕнынц, уымӕй царды куы пайда кӕной, уӕд сын хорзӕй цы ӕрхӕсдзӕн, уый. Дӕ ахуыргӕнинагӕн баххуыс кӕн, цӕмӕй бамбара 2 Тимофеймӕ 3:14—17-ӕм стихты Павелы ныхӕсты ахадындзинад.
7 Ма-иу стыхс, дӕ ахуыргӕнинӕгтӕй искӕмӕн йӕ уырнындзинад фидардӕр куы нӕ кӕна, уӕд. Алкӕй зӕрдӕ ссарӕн нӕй (Матф. 13:15). Фӕлӕ уӕддӕр иуӕй-иутӕ свӕййынц уырнджытӕ (Ап. к. 17:32—34). Уӕдӕ архай, Библи кӕимӕ ахуыр кӕныс, уыдоны зӕрдӕтӕ хорз уацхъуыдӕй ссарыныл, ӕмӕ уый фӕрцы, гӕнӕн ис, нырма бирӕтӕ Йесойы фӕдзӕхстытӕ базоной ӕмӕ сӕ стӕй «ӕххӕст кӕной».