Дӕ разы ӕвӕр уырнындзинадӕн ахъаз нысӕнттӕ
1 Цӕй стыр кад нын уыдзӕн Иегъовӕйы ӕнустӕм кадджын кӕнын! Уый тыххӕй ныр хъуамӕ нӕ разы ӕвӕрӕм уырнындзинадӕн ахъаз нысӕнттӕ ӕмӕ архайӕм, цӕмӕй нӕ къухы бафтой. Афтӕмӕй ахсджиагдӕр хъуыддӕгтӕ зӕрдӕргъӕвдӕй ӕххӕст кӕндзыстӕм (1 Кор. 9:26). Цавӕр нысӕнттӕ ис ӕвӕрӕн?
2 Библи ахуыр кӕнын. Ӕмбырды фембӕлдтӕй алкӕцымӕ дӕр цӕттӕ кӕныс? Кӕд о, уӕд рӕстӕг арыс, цӕмӕй ӕрмӕг лӕмбынӕг иртасай ӕмӕ йыл хъуыды кӕнай? Зӕгъӕм, алы къуыри дӕр «Хъахъхъӕнӕн мӕсыг»-мӕ ӕмӕ ӕмбырды чиныгахуыркӕнынадмӕ цӕттӕгӕнгӕйӕ дзуаппыты бын ӕрмӕст хахх бакӕныс ӕви ма амынд стихтӕ дӕр бакӕсыс ӕмӕ ма хъуыды дӕр акӕныс, ӕрмӕг куыд ӕмбарын кӕнынц, ууыл? Дӕ разы сӕвӕрдтай нысан, цӕмӕй Хуыцауы Ныхас хъусынгӕнджыты скъолайы Библийӕ ӕрвылкъуыри цы фӕкӕсӕм, уымӕй цалдӕр хъуыдыйы раиртасай? Афтӕ аразынӕн хъӕуы рӕстӕг ӕмӕ хъарутӕ, фӕлӕ уый тынг арфӕйаг хъуыддаг у (Ӕмб. 2:4, 5).
3 Ӕмбырды фембӕлдтӕ. Иннӕ нысан та у ӕмбырды фондз фембӕлдмӕ дӕр иудадзыг цӕуын. Фембӕлдтӕм рагацау куы цӕуай, уӕд дын фаг рӕстӕг уыдзӕн де ’мчырыстӕттимӕ ныхас кӕнынӕн, уыимӕ ма фыццаг зарӕг азарынӕн ӕмӕ фыццаг куывды иумӕ скувынӕн, уый та ӕххуыс кӕндзӕн ӕмбырды иудзинадӕн. Мах ма хъуамӕ архайӕм алы фембӕлды дӕр дзуапп радтыныл ӕмӕ бонӕй-бонмӕ нӕ дзуаппытӕ хуыздӕр кӕныныл. Дӕ бон у бамбарын кӕнын, абзацы амынд стих ӕрмӕгимӕ куыд баст у кӕнӕ та ӕрмӕгӕй царды куыд ис спайда кӕнӕн (Дзут. 10:24, 25).
4 Уацамынд. Нӕ разы нысӕнттӕ куы ӕвӕрӕм, уӕд нӕ уацамынд хуыздӕр кӕндзӕн. Алы мӕй дӕр, цал сахаты хъусын кӕндзынӕ, уый аскъуыддзаг кӕныс? Бирӕтӕн уый баххуыс кодта. Кӕнӕ дӕ, чи зоны, фӕнды дӕ хъусын кӕныны хъуыддаджы исты фӕхуыздӕр кӕнын, зӕгъӕм, хӕдзарӕй-хӕдзармӕ хъусынгӕнгӕйӕ Библийӕ пайда кӕнын, дыккаг бацыдтӕм хуыздӕр цӕттӕ кӕнын, искӕимӕ Библи ахуыр кӕнын райдайын кӕнӕ та ахуыргӕнинагӕн Библи хуыздӕр амонын?
5 Ныййарджытӕ, уӕ сывӕллӕтты разӕнгард кӕнут, Иегъовӕйӕн лӕггадгӕнгӕйӕ, сӕ разы нысӕнттӕ ӕвӕрын? Бамбарын сын кӕнут, пионерӕй, миссионерӕй кӕнӕ Вефилы лӕггад кӕнын диссаджы фадат кӕй у, Иегъовӕйӕ зӕрдӕбынӕй бузныг кӕй сты, уый равдисынӕн (Екк. 12:1).
6 Нӕ хъуыддӕгтыл хъуыдыгӕнгӕйӕ, уырнындзинадӕн ахъаз нысӕнттӕ ӕвӕргӕйӕ ӕмӕ уыдоныл кусгӕйӕ, нӕ лӕггаддзинадӕй нӕ зӕрдӕ тынгдӕр райдзӕн ӕмӕ иннӕтӕн дӕр ныфсы хос уыдзыстӕм (Ром. 1:12).