Облӕстон ӕмӕ нӕ ӕхсӕнадӕмон конгресстӕ разӕнгард кӕнынц Хуыцауы кадджын кӕнынмӕ!
«Кадджын кӕнут Хуыцауы» — ацы облӕстон ӕмӕ ӕхсӕнадӕмон конгресстӕ зынгӕ фӕд ныууагътой адӕмы зӕрдӕты. Уыцы ахсджиаг чырыстон цаутӕ сбӕрзонд кодтой Иегъовӕйы ном ӕмӕ нӕ баразӕнгард кодтой, Иегъовӕйы номӕн цы кад ӕмбӕлы, уый йын ноджы зӕрдиагдӕрӕй кӕнынмӕ (Пс. 95:8). Ӕцӕгдӕр, Иегъовӕ уый аккаг у, ӕмӕ йӕ кадджын кӕнӕм, йӕ ӕвӕджиауы миниуджытӕ кӕм зынынц, уыцы диссаг хъуыддӕгты тыххӕй (Иов 37:14; Рарг. 4:11).
Дӕлдӕр цы фарстытӕ ис ӕмӕ конгрессы дӕхӕдӕг цы ныффыстай, уыдон руаджы дӕхи бацӕттӕ кӕн, цӕмӕй, 20 октябрӕй райдайгӕ къуырийӕ конгрессы программӕйыл афӕлгӕст куы уа, уӕд дзуаппытӕ дӕттай.
1. Ӕдзард сфӕлдисондтӕ куыд хъусын кӕнынц Хуыцауы кад ӕмӕ уый, адӕм ӕй куыд кадджын кӕнынц, уымӕй цӕмӕй хицӕн кӕны? (Пс. 18:2—4; «Хуыцауы кад хъусын кӕны йе сконд дуне»).
2. Йесо йӕ хуыз кӕй фӕивта, уый ныртӕккӕ ӕцӕг куыд у ӕмӕ уый абон чырыстӕтты зӕрдӕты зынг цы хуызы судзы? (сӕйраг раныхас «Кады пехуымпарадон цӕстылуайӕнтӕ нын судзынц нӕ зӕрдӕты зынг!»).
3. Пехуымпар Данелмӕ цы сӕрныллӕгдзинад уыд, ахӕм сӕрныллӕгдзинад нӕ бон куыд у нӕ удыхъӕды сфидар кӕнын ӕмӕ нын уый куыд фӕахъаз уыдзӕн? (Дан. 9:2, 5; 10:11, 12; «Иегъовӕйы кад ӕргом кӕны сӕрныллӕг адӕмӕн»).
4. а) Амосы пехуымпарадӕй Хуыцауы тӕрхоны фӕдыл цавӕр ӕртӕ хъуыддаджы тыххӕй у нӕ бон базонын? (Амос 1:3, 11, 13; 9:2—4, 8, 14). ӕ) Амосы 2:12 цы ӕвирхъау хабары кой цӕуы, уый абон Иегъовӕйы Ӕвдисӕнтӕн зондзонӕн цы хуызы у? («Амосы пехуымпарад абон махӕн цӕуыл дзурӕг у»).
5. а) Адӕймаг кӕд нӕ барасыг вӕййы, уӕддӕр карз нозтӕй бӕрц куы нӕ зона, уӕд тӕссаг цӕмӕй у? ӕ) Адӕймаг карз нозтӕй бӕрц куы нӕ зона, уӕд ын куыд кӕнгӕ у? (Маркы 9:43; Еф. 5:18; «Уӕхи хизут фыднозт кӕнынӕй»).
6. Куыд дын фӕахъаз ног къаннӕг чиныг «Дӕ цӕст ахӕсс „арфӕгонд зӕххыл“»? («„Арфӕгонд зӕхх“ — ӕрцӕуинаг Дзӕнӕты фӕлгонц»).
7. Цавӕр ӕртӕ хъуыддаджы у нӕ бон архайын, цӕмӕй нӕ Иегъовӕйы кад айдӕнау ноджы ирддӕрӕй тӕмӕн кӕна? (2 Кор. 3:18; «Иегъовӕйы кад нӕ айдӕнау тӕмӕн кӕны»).
8. Цы у ӕнӕбындур ӕнӕуынондзинадӕн йӕ ратӕдзӕн ӕмӕ нӕм кӕд исчи знаджы цӕстӕй кӕсы, уӕддӕр нын Хуыцауыл ӕнувыдӕй баззайынӕн цы баххуыс кӕндзӕн? (Пс. 108:1—3; «Дзӕгъӕлы сынӕуынон сты»).
9. Стыр адӕймаг чи у, уый тыххӕй Чырысти цы хъуыды кодта ӕмӕ йӕ уыцы хъуыддаджы ноджы тынгдӕр бафӕзмын кӕй хъӕуы, уый нӕ бон базонын куыд у? (Матф. 20:20—26; «Стыр адӕймаг чи у, уый тыххӕй Чырысти цы хъуыды кодта, ды дӕр афтӕ хъуыды кӕн»).
10. Кӕд бафӕллайӕм, уӕддӕр нын цы баххуыс кӕндзӕн, цӕмӕй уырнындзинады фидар уӕм? («Фӕллад, фӕлӕ фидар»).
11. Сайтан кӕй фӕрцы тауы йӕ мӕнг ахуырӕдтӕ ӕмӕ нын цӕмӕй нӕ уырнындзинад ма фӕцудын кӕна, уый тыххӕй нын Сыгъдӕг Фыстад цавӕр уынаффӕ дӕтты? (Иоан. 10:5; раныхасӕй «Уӕхи хизут „ӕцӕгӕлӕтты хъӕлӕсӕй“»).
12. а) Маркы 10:14, 16 куыд фыст ис, афтӕ ныййарджытӕн сӕ бон куыд у Йесойы фӕзмын? ӕ) Дӕ зӕрдӕмӕ цы фӕцыд ног чиныджы «Ахуыр кӕн Номдзыд Ахуыргӕнӕгӕй»? («Нӕ сывӕллӕттӕ — зынаргъ бын»).
13. Куыд кадджын кӕнынц фӕсивӕд Иегъовӕйы? (1 Тим. 4:12; «Фӕсивӕд Иегъовӕйы куыд кадджын кӕнынц»).
14. Драмӕ «Уӕндонӕй хъусын кодтой, кӕд сӕ ныхмӕ цыдысты, уӕддӕр»-ӕй дӕ зӕрдыл цы бадардтай?
15. Куыд у нӕ бон фӕзмын а) Петр ӕмӕ Иоанны? (Ап. к. 4:10). ӕ) Стефаны? (Ап. к. 7:2, 52, 53). б) Фыццаг ӕнусы чырыстон ӕмбырд? (Ап. к. 9:31; драмӕ ӕмӕ раныхас «Хъусын кӕнут хорз хабар „ӕнӕнцойӕ“»).
16. а) Цавӕр хъуыддӕгты кадджын кӕндзыстӕм Хуыцауы? ӕ) Конгрессы, «Кадджын кӕнут Хуыцауы», зӕгъгӕ, цы базыдтам, уый нӕ царды куы ӕххӕст кӕнӕм, уӕд нӕм цы ӕнхъӕлмӕ кӕсы? (Иоан. 15:9, 10, 16; «Иегъовӕйы кадӕн „бирӕ дыргъ хӕссут“»).
Ацы конгрессы нын Хуыцау цы диссаджы амындтӕ радта, уыдоныл куы хъуыды кӕнӕм, уӕд нӕ уый разӕнгард кӕндзӕн, цы хабӕрттӕ базыдтам, уыдон ӕххӕст кӕнынмӕ (Фил. 4:8, 9). Уый фӕрцы дарддӕр дӕр фӕндфидарӕй «алцыдӕр кӕндзыстӕм Хуыцауы кадӕн» (1 Кор. 10:31).