Ахуыр кӕнӕм чиныг «Баввахс у Иегъовӕмӕ»
1 Облӕстон конгресс «Хуыцауы Паддзахады зынгзӕрдӕ хъусынгӕнджытӕ»-йы чиныг «Баввахс у Иегъовӕмӕ» куы райстам, уӕд бирӕ фӕцин кодтам. Бирӕтӕ йӕ уайтагъд бакастысты. Бирӕты та баразӕнгард кодта йӕ бакӕсынмӕ 2003 азы стих: «Ӕрбаввахс ут Хуыцаумӕ, ӕмӕ Уый ӕрбаввахс уыдзӕн сымахмӕ» (Иаковы 4:8, НФ).
2 Мартъийы мӕйӕ чиныгахуыры цӕудзыстӕм чиныг «Баввахс у Иегъовӕмӕ». Цӕмӕй нын чиныг тынгдӕр ахъаз фӕуа, уый тыххӕй цы хъӕуы? Цӕттӕ кӕнын. Алы сӕр дӕр дзы ахуыр кӕндзыстӕм дыууӕ къуыри ӕмӕ нӕ бирӕ абзацтӕ кӕсын нӕ хъӕудзӕн. Уымӕ гӕсгӕ нын уыдзӕн фаг рӕстӕг, ӕрмӕг иртасгӕйӕ нӕм цы хъуыдытӕ сӕвзӕрд, уыдон дзурынӕн. Уымӕй уӕлдай ма, алы сӕры дыккаг хай цы къуыри ӕвзардзыстӕм, уыцы къуыри къаддӕр абзацтӕ кӕсдзыстӕм.
3 Чиныджы алы сӕры кӕрон дӕр, дыккаг сӕрӕй фӕстӕмӕ, ис фӕлгӕт «Фарстытӕ ахъуыды кӕнынӕн». Фӕстаг абзац равзарыны фӕстӕ чиныгахуыры цӕстдарӕг къордимӕ ӕрныхас кӕндзӕн уыцы фӕлгӕтыл. Уый чиныгахуыры къорд разӕнгард кӕндзӕн, Фыстадӕй дзы цы бынӕттӕ ис, уыдон тыххӕй сӕ хъуыдытӕ дзурынмӕ (Ӕмбисӕндтӕ 20:5). Фӕлгӕты цы фарстытӕ ис, уыдонӕй уӕлдай ма цӕстдарӕджы бон у раттын ахӕм фарстытӕ, зӕгъӕм: цы фыст дзы ис, уый Иегъовӕйы тыххӕй цы дзуры? Алкӕмӕдӕр нӕ куыд хауы? Иннӕтӕн цӕмӕй фӕахъаз уыдзӕн? Чиныгахуыры цӕстдарӕг лыстӕг хабӕрттӕй нӕ фӕрсдзӕн, фӕлӕ архайдзӕн, цӕмӕй алчидӕр зӕрдӕбынӕй йӕ хъуыды зӕгъа.
4 Чиныг «Баввахс у Иегъовӕмӕ» никӕцы чиныгимӕ ис абарӕн. «Ӕууӕнкджын ӕмӕ зондджын цагъар» цы литературӕ уадзы, уыдон иууылдӕр Иегъовӕйы бӕрзонд кӕнынц. Ацы чиныджы та ныхас ӕрмӕстдӕр Иегъовӕйы миниуджытыл цӕуы (Матфейы 24:45—47). Цас диссӕгтӕ нӕм ӕнхъӕлмӕ кӕсы, ӕвӕдза! Ис нын замманай фадат Иегъовӕйы ноджы хуыздӕр базонынӕн. Цӕй уӕдӕ ацы чиныг ахуыргӕнгӕйӕ нӕ уӕларвон Фыдмӕ тынгдӕр баввахс уӕм ӕмӕ иннӕтӕн дӕр баххуыс кӕнӕм.