Чиныг «Кувут Хуыцауӕн»-ы ахуыр
«Кувут иунӕг ӕцӕг Хуыцауӕн» уагъд ӕрцыд, чиныг «Базонынад» кӕимӕ фесты ахуыр, уыдонимӕ ахуыр кӕнынӕн. Ацы чиныг ӕмбырды чиныгахуыры куы равзарӕм, уӕд дзы хуыздӕр пайда кӕндзыстӕм уацамынды, стӕй ма нын баххуыс кӕндзӕн Иегъовӕйы ӕмӕ йын йӕ организаци тынгдӕр уарзынӕн ӕмӕ сын аргъ кӕнынӕн. Чиныг «Кувут Хуыцауӕн»-ы ахуыр нын иууыл стырдӕр ахъаз кӕд фӕуыдзӕн?
Ахуыр куыд уадзын хъӕуы. Алы къуыри дӕр иу сӕр кӕй ахуыр кӕндзыстӕм, уымӕ гӕсгӕ чиныгахуырты цӕстдарджыты хъӕудзӕн рӕстӕг раст спълан кӕнын. Фыццаг абзацтыл-иу цыбыртӕй куы ӕрныхас кӕнат, уӕд уын-иу фылдӕр рӕстӕг баззайдзӕн ахсджиагдӕр ӕрмӕгӕн — уый та вӕййы райдианы нӕ, фӕлӕ дарддӕр. Фӕлгӕты цыбыр афӕлгӕстӕн цы фарстытӕ ис, уыдоныл-иу алы ахуыры фӕстӕ дӕр куы ӕрныхас кӕнат, уӕд уын баххуыс кӕндзысты сӕйраг хъуыдытӕ бахъуыды кӕнынӕн.
Чиныг «Кувут Хуыцауӕн»-ы сӕртӕй се ’рдӕджы, иннӕ абзацтӕй рахизырдӕмдӕр, ис хъуыдыйаг ӕмӕ ӕрдзуринаг фарстытӕ. Зӕгъӕм, 48 ӕмӕ 49 фӕрстыл. Чиныгахуыры рӕстӕджы абзацтӕ кӕсгӕйӕ ӕнӕмӕнг нӕу уыцы фарстытӕ дӕр кӕсын. Иумӕ сыл куы ныхас кӕнат, уӕд — рӕстӕг куыд амона, уымӕ гӕсгӕ — чиныгахуыры цӕстдарӕг искӕмӕн бакӕсын кӕндзӕн, Библийӕ сӕм цы стихтӕ хаст ис, уыдон, ӕмӕ сыл ӕрныхас кӕндзыстут.
Рагацау цӕттӕ кӕнын. Цӕмӕй чиныгахуырмӕ хорз бацӕттӕ кӕнӕм, уый тыххӕй ӕрмӕст дзуаппытӕ бахахх кӕнын фаг нӕу. Чиныгахуырмӕ цӕттӕгӕнгӕйӕ-иу куы скувӕм ӕмӕ-иу афтӕмӕй Библийы стихтыл куы ахъуыды кӕнӕм, уӕд-иу уый фӕрцы канд дзуаппытӕ нӕ бацӕттӕ кӕндзыстӕм, фӕлӕ ма иууыл ахсджиагдӕр цы у, уый дӕр — нӕ зӕрдӕтӕ дӕр уымӕ сараздзыстӕм (Езд. 7:10). Алчидӕр нӕ зӕрдиагӕй дзуаппытӕ куы дӕтта, уыимӕ-иу иннӕтӕн дӕр дзурыны бар куы раттӕм, уӕд кӕрӕдзи фидар кӕндзыстӕм (Ром. 1:11, 12).
Чиныг «Кувут Хуыцауӕн» ахуыр кӕнгӕйӕ баввахсдӕр уыдзыстӕм Иегъовӕмӕ ӕмӕ ма сыгъдӕгзӕрдӕ адӕмӕн дӕр баххуыс кӕндзыстӕм, цӕмӕй нӕм ӕрбаиу уой ӕмӕ немӕ Хуыцауӕн кувой (Пс. 94:6; Иак. 4:8). Цӕй уӕдӕ нӕ алкӕмӕн дӕр стыр ахъаз фӕуӕд ацы монон хӕринаг.