Чиныг «Кувут Хуыцауӕн»-ӕй адӕмимӕ Библи ахуыр кӕн
Чиныг «Кувут Иунӕг Ӕцӕг Хуыцауӕн» уагъд ӕрцыд, цӕмӕй ногтӕ ӕцӕгады сфидар уой ӕмӕ тынгдӕр аргъ кӕной Иегъовӕ ӕмӕ йӕ организацийӕн. Адӕймагимӕ Библи куы ахуыр кӕнай, уӕд дзы пайдагӕнӕн ис, куыд дыккаг ахуыргӕнӕн чиныг. 2000 азы «Нӕ паддзахадон лӕггаддзинад»-ы июны номыры 8-ӕм фарсыл дзырдӕуы: «Адӕймаджы уырнындзинад куы фидардӕр кӕна, кӕд сабыргай, уӕддӕр, ӕмӕ цы ахуыр кӕны, уымӕн куы аргъ кӕна, уӕд брошюрӕ „Цы домы“-йы ӕмӕ чиныг „Базонынад“-ы фӕстӕ ахуыр кӕнын райдайӕн ис ӕндӕр чиныг. [...] Куыдфӕнды ма уа, уӕддӕр иууыл фыццаг ахуыр кӕнын хъӕуы брошюрӕ „Цы домы“ ӕмӕ чиныг „Базонынад“. Адӕймаг дыккаг чиныг куы нӕ фӕуа ӕмӕ афтӕмӕй донаргъуыд куы райса, уӕддӕр цалынмӕ чиныг нӕ сахуыр кӕнат, уӕдмӕ Библи ахуыр кӕныны ӕмӕ дыккаг бацыды рӕстӕг хъӕуы хынцын ӕмӕ йӕ хыгъдмӕ хӕссын».
Чиныг «Кувут Хуыцауӕн»-ӕй ма Библи ахуыр кӕнын пайда кӕмӕн уыдзӕн? Уыцы статьяйы ма дарддӕр дзырдӕуы: «Фӕлӕ раздӕр [брошюрӕ „Цы домы“ ӕмӕ] „Базонынад“ чи ахуыр кодта ӕмӕ нывонддзырд радтынмӕ цӕттӕ чи нӕ уыд, ахӕм искӕй куы зонай, уӕд ӕй дӕ бон у бафӕрсын, Библи ахуыр кӕнын ӕй ногӕй фӕнды ӕви нӕ». Цӕй уӕдӕ мартъи ӕмӕ апрелы уӕлдай тынгдӕр бацархайӕм, цӕмӕй ахӕм адӕмимӕ чиныг «Кувут Хуыцауӕн»-ӕй ахуыр кӕнын райдайӕм.