«Библи цы дзуры» – адӕмимӕ Библи ахуыр кӕнынӕн сӕйраг чиныг
1 Куыд фӕцин кодтам облӕстон конгрессы, «Хуыцаумӕ хъусут», зӕгъгӕ, чиныг «Библи бӕлвырдӕй цы дзуры?» мыхуыры кӕй рацыд, ууыл! Сабаты программӕйы кӕрон дзы конгрессдзаутӕй алчидӕр райста. Куыд пайда кӕндзыстӕм нӕ ног чиныгӕй? Ацы чиныг уымӕн арӕзт у, цӕмӕй сӕйраджыдӕр уый руаджы ахуыр кӕнӕм Библи адӕмимӕ. Ног чиныг фыццаг хатт мартъийы парахат кӕндзыстӕм, фӕлӕ хорз уаид, хъусынгӕнджытӕ дзы ныридӕгӕн дӕр куы райдаиккой пайда кӕнын.
2 Ныридӕгӕн нын цы ахуыртӕ ис, уыдон. Чиныг «Базонынад» кӕнӕ брошюрӕ «Цы домы»-йы руаджы искӕимӕ Библи чи ахуыр кӕны, уыцы хъусынгӕнджытӕ хъуамӕ лӕмбынӕг ахъуыды кӕной, ног чиныгмӕ рахизын куыд ӕмӕ кӕд хуыздӕр уыдзӕн. Кӕд адӕймагимӕ Библи ахуыр кӕнын ӕрӕджы райдыдтай, уӕд дӕ бон у, ӕмӕ ног чиныг ахуыр кӕнын райдайат. Кӕд чиныг «Базонынад»-ӕй цасдӕр сахуыр кодтат, уӕд та уӕ бон у, цы сӕрыл ӕрлӕууыдыстут, уый чиныг «Библи цы дзуры»-йӕ равзарат ӕмӕ дарддӕр уымӕ гӕсгӕ ахуыр кӕнат. Кӕд «Базонынад» фӕуд кӕнут, уӕд та гӕнӕн ис, ӕмӕ йӕ ӕххӕст кӕронмӕ фӕуат.
3 Ӕнӕдызӕрдыгӕй, махӕй алчидӕр зоны, чиныг «Библи цы дзуры» ахуыр кӕнын кӕмӕн фӕахъаз уаид, бирӕ ахӕм адӕмы. Ӕмӕ хорз уаид, алкӕмӕн дӕр куы дзуриккам ацы чиныджы руаджы Библи ахуыр кӕныны тыххӕй. Зӕгъӕм, брошюрӕ «Цы домы» кӕнӕ чиныг «Базонынад» чи сахуыр кодта, фӕлӕ, Иегъовӕйӕн нывонддзырд ратта ӕмӕ донаргъуыд райса, уымӕ чи нӕ тырны, уыдоны, чи зоны, бафӕнда Библийы ахуыр ног чиныгмӕ гӕсгӕ адарддӕр кӕнын. Ацы чиныджы руаджы ма ныййарджытӕн дӕр сӕ бон у, ӕмӕ сӕ сывӕллӕттӕн ӕмбарын кӕной Хуыцауы фӕндон (Колоссӕгтӕм 1:9, 10).
4 Дыккаг чиныг ахуыр кӕнын. Чиныг «Библи бӕлвырдӕй цы дзуры» чи фӕуа, уыдонимӕ ма уый фӕстӕ ӕндӕр исты ахуыр кӕнӕн ис? О. Кӕд бӕрӕг у, ӕмӕ ахуыргӕнинаг рӕзы, фӕлӕ сындӕггай, ӕмӕ цы базоны, уымӕн аргъ кӕны, уӕд дарддӕр йемӕ Библи ахуыр кӕнӕн ис чиныгӕй, «Кувут Иунӕг Ӕцӕг Хуыцауӕн», зӕгъгӕ. Фидарӕй нӕ уырны, чиныг «Библи цы дзуры» нын стыр ӕххуыс кӕй уыдзӕн ахуыргӕнинӕгтӕ цӕттӕ кӕныны фӕдзӕхст ӕххӕст кӕнынӕн (Матфейы 28:19, 20).