Фарстыты асыкк

◼ Адӕмимӕ Библи ахуыр кӕнынӕн цавӕр дыууӕ чиныгӕй хъуамӕ пайда кӕнӕм?

Сӕйраджыдӕр чиныг «Библи цы дзуры»-йӕ. Ахуыр кӕнӕн ис ӕндӕр чиныг кӕнӕ брошюрӕйы фӕрцы дӕр, фӕлӕ цас тагъддӕр, уыйас хуыздӕр уаид рахизын чиныг «Библи цы дзуры»-мӕ. Адӕмимӕ ацы чиныгӕй Библи чи ахуыр кодта, уыдонӕн сӕ къухы тынг бирӕ бафтыд.

Адӕймагимӕ чиныг «Библи цы дзуры» ахуыр куы фӕуай ӕмӕ бӕрӕг куы уа, йӕ уырнындзинад кӕй фидар кӕны, уӕд рахизын хъӕуы чиныгмӕ «Кувут Хуыцауӕн» (Кол. 2:7). Уыцы чиныгӕн йӕ 2 фарсыл фыст ис, чиныг цӕмӕн рауагътой, уый тыххӕй: «Хуыцауы чи уарзы, уыдонӕй алкӕмӕдӕр Библи сиды, цӕмӕй йӕ диссаджы хъуыдытӕ куыд „арф ӕмӕ бӕрзонд“ сты, уый „бамбарынхъом суой“ (Ефесӕгтӕм 3:18, НФ). Ӕмӕ ацы чиныгӕн йӕ нысан растдӕр уый у. Ныфс нӕ ис, кӕй дын баххуыс кӕндзӕн Хуыцауы хъуыдытӕ арфдӕр ӕмбарынӕн ӕмӕ Хуыцауы рӕстаг ног дунемӕ кӕнӕг нарӕг фӕндагыл рӕвдздӕр цӕуынӕн».

Чи зоны, Библи кӕимӕ ахуыр кӕныс, уый цӕттӕ уа донаргъуыд райсынмӕ, цалынмӕ дыууӕ чиныджы нӕ фӕуат, уӕдмӕ дӕр. Фӕлӕ уӕддӕр дыууӕ чиныджы дӕр хъӕудзӕни кӕронмӕ фӕуын. Кӕимӕ ахуыр кӕныс, уый кӕд аргъуыд у, уӕддӕр дӕ бон у рӕстӕг фыссын, ногӕй йӕм цал хатты бацыдтӕ ӕмӕ Библийы ахуыр дӕр фыссын. Демӕ ма кӕд ӕндӕр хъусынгӕнджытӕй исчи уа ӕмӕ дын ахуыры рӕстӕджы ӕххуыс кӕна, уӕд уымӕн дӕр йӕ бон у рӕстӕг фыссын.