Фарстаты асыкк

◼ Библи зӕрдиагӕй чи ахуыр кӕны, уыдонимӕ цас рӕстӕг хъуамӕ ахуыр кӕнӕм?

Хуыздӕр уаид, Библи зӕрдиагӕй чи ахуыр кӕны, уыцы адӕймагимӕ дыууӕ чиныджы ахуыр кӕронмӕ куы фӕуиккам. Адӕймаг донаргъуыд дӕр куы райса, уӕддӕр дыууӕ чиныджы дӕр хъӕуы кӕронмӕ фӕуын. Фыссӕн ис рӕстӕг, цал хатты йӕм ӕрбацыдтӕ, уый ӕмӕ Библийы ахуыр. Демӕ ма кӕд хъусынгӕнджытӕй ӕндӕр исчи уа ӕмӕ дын ахуыры рӕстӕг ӕххуыс кӕна, уӕд уымӕн дӕр йӕ бон у рӕстӕг фыссын.

Тынг ахсджиаг у, цӕмӕй ногтӕн сӕ уырнындзинад сфидар уа, цалынмӕ семӕ Библи фӕахуыр кӕнӕм, уӕдмӕ. Уыдон хъуамӕ Чырыстийы мидӕг «уидӕгтӕ ауадзой» ӕмӕ «уырнындзинады ӕрфидар уой», ӕмӕ, фидӕны зындзинӕдтыл куы ӕмбӕлой, уӕд сӕ сӕрты хизой (Кол. 2:6, 7; 2 Тим. 3:12; 1 Пет. 5:8, 9). Цӕмӕй сӕхӕдӕг дӕр иннӕты ӕнтыстджынӕй ахуыр кӕной, уый тыххӕй ма хъуамӕ, «рӕстдзинад цы у, уый бӕлвырдӕй базоной» (1 Тим. 2:4). Нӕ ахуыргӕнинӕгтимӕ дыууӕ чиныджы дӕр ахуыр кӕнын куы фӕуӕм, уӕд сын баххуыс кӕндзыстӕм, «цардмӕ цы фӕндаг кӕны», ууыл фидарӕй цӕуынӕн (Матф. 7:14).

Цалынмӕ адӕймаг донаргъуыд нӕ райса, уӕдмӕ хистӕр нӕлгоймӕгтӕ хъуамӕ сбӕрӕг кӕной, Библийы сӕйраг ахуырӕдтӕ раст ӕмбары ӕмӕ уыдонмӕ гӕсгӕ цӕры ӕви нӕ, уый. Уӕлдай тынгдӕр та сӕ хъус хъуамӕ ӕрдарой, фыццаг чиныг ахуыр кӕронмӕ чи нӕ фӕцис, уымӕ. Ӕмӕ кӕд адӕймаг донаргъуыд райсынмӕ нӕма у цӕттӕ, уӕд хистӕр нӕлгоймӕгтӕ бацархайдзысты, цӕмӕй уыцы адӕймагӕн баххуыс кӕной, ӕмӕ уыцы нысан йӕ къухы бафта. (Кӕс чиныг «Организованы», 217, 218 фф.)

[Хицӕнгонд текст 2 фарсыл]

Тынг ахсджиаг у, цӕмӕй ногтӕн сӕ уырнындзинад фидар уа