Ӕххуыс сын кӕнӕм, цӕмӕй «уырнындзинады ӕрфидар уой»
Тынг ӕхсызгон нын у, Йегъовӕ хуымгӕрдӕны куыстӕн кӕй арфӕ кӕны ӕмӕ алы аз дӕр 250 мин адӕймагӕй фылдӕр донаргъуыд кӕй райсы (Дык. з. 28:2). Арӕх афтӕ вӕййы, ӕмӕ ахуыргӕнинаг донаргъуыд куы райсы, уӕд хъусынгӕнӕг йемӕ Библи нал фӕахуыр кӕны, цӕмӕй иннӕтӕн дӕр ӕххуыс кӕна. Кӕнӕ ахуыргӕнинаг йӕхӕдӕг нал фӕахуыр кӕны, цӕмӕй йын фылдӕр рӕстӕг уа хъусын кӕнынӕн. Фӕлӕ ахсджиаг у, цӕмӕй ахуыргӕнинӕгтӕн сӕ уырнындзинад арӕзт уа фидар бындурыл. Уыдон хъуамӕ Чырыстийы «уидӕгтӕ ауадзой» ӕмӕ «уырнындзинады ӕрфидар уой» (Кол. 2:6, 7; 2 Тим. 3:12). Уымӕ гӕсгӕ, ахуыргӕнинаг донаргъуыд куы райса, уӕддӕр хъуамӕ фӕуа, Библи цы публикацийы фӕрцы фӕахуыр кӕнӕм, уый, стӕй та чиныг «Хуыцауы уарзт». (Кӕс 2011 азы апрелы «Нӕ хъусын кӕныны хъуыддаг», 2 ф.)