Чиныг «Хъус ӕппӕты хуыздӕр Ахуыргӕнӕгмӕ» ахуыр кӕнын райдайдзыстӕм 6 январӕй райдайгӕ къуырийӕ
1. 6 январӕй райдайгӕ къуырийӕ нын цавӕр фадат уыдзӕн, цӕмӕй Йесойӕ ахуыр кӕнӕм?
1 Йегъовӕйы фӕнды, цӕмӕй ныййарджытӕ сӕ сывӕллӕттыл тыхсой ӕмӕ сӕ хъомыл кӕной (Дык. з. 6:6, 7). 6 январӕй райдайгӕ къуырийӕ ӕмбырды ахуыр кӕндзыстӕм чиныг «Хъус ӕппӕты хуыздӕр Ахуыргӕнӕгмӕ», ахуыр ӕй кӕндзыстӕм 49 къуырийы. Ацы чиныгӕй базондзыстӕм, Йесо цӕуыл ахуыр кодта, уыдонӕй зондӕн райсӕн цы ис, уыдӕттӕ. Зӕгъӕм, хӕларзӕрдӕ куыд уӕм, бузныг дзурын куыд зонӕм, иннӕтӕн куыд лӕггад кӕнӕм, рӕдау куыд уӕм, нӕ хотӕ ӕмӕ не ’фсымӕрты куыд уарзӕм ӕмӕ ӕндӕр адӕмыхӕттытӕм хорз цӕстӕй куыд кӕсӕм. Стӕй ма чиныджы цы рӕсугъд нывтӕ ис, уыдоны фӕрцы ныййарджытӕн дӕр ӕмӕ сывӕллӕттӕн дӕр ӕнцондӕр уыдзӕн Йесойы ахуырӕдтӕм гӕсгӕ цӕрын.
2. Чиныг «Хъус ӕппӕты хуыздӕр Ахуыргӕнӕгмӕ» куыд ахуыр кӕндзыстӕм?
2 Куыд ӕй ахуыр кӕндзыстӕм. Чиныг куыд ахуыр кӕндзыстӕм, уый тыххӕй амындтӕ уыди 2013 азы октябры «Нӕ хъусын кӕныны хъуыддаджы» уӕлӕмхасӕны. Ӕфсымӕр-иу райдианы зӕгъдзӕн цыбыр разныхас, иу-дыууӕ хъуыдыйады. Алы хайы дӕр цы абзацтӕ ис, уыдон хъӕудзӕн кӕсын иумӕ. Ахуыры рӕстӕг-иу ӕфсымӕр йӕхӕдӕг равзардзӕн, кӕуыл аныхас кӕндзысты, уыцы стихтӕ абзацтӕй ӕмӕ сӕры кӕрон цы стихтӕ ис, уыдонӕй. Ахуыры кӕрон-иу ӕфсымӕр иу-дыууӕ фарстайы ратдзӕн, цӕмӕй ӕрмӕг сӕ зӕрдыл ӕрлӕууын кӕной. Кӕд рӕстӕг уа, уӕд ма-иу ӕфсымӕр аныхас кӕндзӕн нывтыл дӕр ӕмӕ-иу хъусджытӕм ратдзӕн уӕлӕмхасӕн фарстатӕ, цӕмӕй сӕ хъуыдытӕ дзурой.
3. Ахуыры рӕстӕг цы хъуамӕ аразӕм ӕмӕ цӕмӕн?
3 Пайда нын кӕд уыдзӕн. Кӕд ацы чиныг раздӕр ахуыр кодтай, уӕддӕр-иу дӕхи алы ахуырмӕ дӕр бацӕттӕ кӕн. Дзуапп-иу дӕтт, уымӕн ӕмӕ афтӕмӕй Йегъовӕйы кадджын кӕндзынӕ, стӕй ӕрмӕг дӕр бахъуыды кӕндзынӕ ӕмӕ дӕ дзуаппытӕ иннӕтӕн дӕр пайда уыдзысты (Пс. 35:18; Дзут. 10:24, 25). Йесо цӕуыл ахуыр кодта, ууыл куы хъуыды кӕнай, уӕд Хуыцаумӕ баввахс уыдзынӕ (Иоан. 17:3). Уый фӕрцы дӕ тынгдӕр фӕнддзӕн йӕ уынаффӕтӕ ӕххӕст кӕнын ӕмӕ иннӕтӕн Хуыцауы тыххӕй дзурын (Пс. 150:1–6).