Бафӕрсыс, Библи ахуыр кӕнын ма кӕй фӕнды?
Кӕд Библи искӕимӕ ахуыр кӕныс, уӕд хорз нӕ уаид, куы йӕ бафӕрсис, йе ’мбӕлттӕй, йӕ хӕстӕджытӕй кӕнӕ ма йӕ зонгӕтӕй Библи ахуыр кӕнын искӕй фӕнды? Арӕх цалдӕр адӕймаджы дӕр ранымайынц. Дӕ ахуыргӕнинаг кӕд разы у, уӕд сӕм дӕ бон уаид йӕ номӕй бацӕуын ӕмӕ зӕгъын: «[Дӕ ахуыргӕнинаджы ном] ахуыр кӕны Библи ӕмӕ йӕм афтӕ кӕсы, Библи ахуыр кӕнын дӕ зӕрдӕмӕ дӕр кӕй фӕцӕудзӕн. Ӕхца фидын дзы нӕ хъӕуы». Стӕй йын чиныг «Библи цы дзуры»-йӕ цыбыртӕй равдис, куыд фӕахуыр кӕнӕм, уый.
Кӕд дӕ ахуыргӕнинагӕн йӕ ахуыры хорз ӕнтыстытӕ ис, уӕд ын зӕгъ, ӕмӕ, Библи куыд фӕахуыр кӕнынц, уый радзура, йе ’мбӕлттӕй ӕмӕ йӕ бинонтӕй чи бацымыдис кӕнид, уыдонӕн. Йӕ бон сӕ у ӕрбахонын, цӕмӕй феной, Библи куыд фӕахуыр кӕны, уый. Кӕнӕ та хорз уаид, семӕ нӕ куы базонгӕ кӕнид ӕмӕ сын ӕй нӕхӕдӕг куы равдисиккам. Афтӕмӕй ахуыргӕнинаг фӕныфсджындӕр уаид ӕмӕ, Библийӕ цы базыдта, уыдӕтты тыххӕй иннӕтӕн дзурид.
Иудадзыг кӕмӕ фӕцӕуӕм, уыдон дӕр нын, гӕнӕн ис, искӕйты бацамоной, кӕд сӕхӕдӕг Библи ахуыр кӕнын нӕма райдыдтой, уӕддӕр. Чиныг «Библи цы дзуры» сын куы дӕттай, уӕд сӕ бафӕрс: «Никӕй зоныс, ахӕм чиныг ма кӕй хъӕуид?»
Рӕстӕг тынг цыбыр кӕй у, уымӕ гӕсгӕ нӕ фӕнды алы уавӕрӕй дӕр пайда кӕнын, цӕмӕй адӕм хорз хабар фехъусой ӕмӕ йӕ сӕ зӕрдӕмӕ айсой. Бафӕрсыс, Библи ахуыр кӕнын ма кӕй фӕнды?