Лӕмбынӕг ахъуыды кӕнын кӕуыл хъӕуы, ахӕм киноныв
«Ацы кино адӕймаджы хъуыдытыл бафтауы!»
«Мӕ зӕрдӕмӕ арф бахъардта!»
«Мӕ бон зӕгъын дӕр ницыуал уыд!»
1 Дӕумӕ та цы хъуыдытӕ фӕзынд, киноныв «Фӕсивӕды фарстытӕ. Куыд ис ссарӕн ӕцӕг хӕлӕрттӕ?», зӕгъгӕ, фыццаг хатт куы бакастӕ, уӕд? Цалдӕр азы размӕ иу ӕрыгон ӕфсымӕрӕн йӕ царды зындзинӕдтӕ фӕзынд, йӕхицӕн хорз хӕлӕрттӕ кӕй нӕ равзӕрста, уый тыххӕй. Уыдоны аххосӕй ӕцӕгад йӕ зӕрдӕйы бамынӕг ӕмӕ йын Иегъовӕимӕ цы хӕлардзинад уыд, уый дӕр фехӕлд. Фӕстӕдӕр рацыд киноныв «Фӕсивӕды фарстытӕ». Уыцы ’фсымӕр загъта: «Цал хатты йӕм кастӕн, уал хатты-иу мӕ цӕссыгтӕ ӕркалдысты. Ӕз бузныг дӕн Иегъовӕйӕ, афоныл мын кӕй баххуыс кодта, уый тыххӕй». Ацы кинонывы руаджы йӕ цард цӕхгӕр фӕивта ӕмӕ йӕхицӕн хорз ӕмбӕлттӕ ссардта. Ноджы ма загъта: «Ацы кино хорз афон рацыд, цӕмӕй ӕрыгӕттӕн баххуыс кӕна». Ныййарджытӕ ӕмӕ ӕрыгӕттӕ, хорз нӕ уаид, иннӕ хатт бинонтӕй Библи куы ахуыр кӕнат, уӕд та ацы кинонывмӕ куы бакӕсиккат? Алы хайы кӕрон дӕр-иу кино ӕрлӕууын кӕнут ӕмӕ-иу, дӕлдӕр абзацты цы фарстытӕ ис, уыдоныл иумӕ зӕрдиагӕй ӕрныхас кӕнут.
2 Разныхас. Ӕцӕг ӕмбал чи у? (Ӕмб. 18:24).
3 Хӕлардзинадӕн къуылымпыйы хос цы вӕййы. Цӕмӕй дӕхимӕ ма ныхъхъусай, ӕмбӕлттӕ мын нӕй, зӕгъгӕ, уый тыххӕй цы саразӕн ис? (Фил. 2:4). Дӕ удыхъӕд фӕхуыздӕр кӕнын дӕ цӕмӕн хъӕуы ӕмӕ дын чи баххуыс кӕндзӕн? Цы саразӕн ис, цӕмӕй дын фылдӕр ӕмбӕлттӕ уа, ӕмӕ сӕ кӕм ссарӕн ис? (2 Кор. 6:13).
4 Хуыцауимӕ хӕлардзинад. Дӕ бон куыд у Иегъовӕмӕ ’ввахс кӕнын ӕмӕ уый цы арфӕдзинӕдтӕ хӕссы? (Пс. 33:9). Цӕмӕй Хуыцауимӕ дӕ хӕлардзинад сфидар уа, уымӕн дын хуыздӕр чи баххуыс кӕндзӕн?
5 Ӕвзӕр ӕмбӕлттӕ. Ӕвзӕр ӕмбӕлттӕ чи сты? (1 Кор. 15:33). Ӕвзӕр ӕмбӕлттӕн сӕ бон куыд у нӕ уырнындзинадӕн зиан ӕрхӕссын? Динӕйы хабар дӕ цӕуыл ахуыр кӕны? (Райд. 34:1, 2, 7, 19).
6 Нӕ рӕстӕджы хабар. Тарӕйӕн ӕмбӕлттӕ кӕй нӕ уыд, уый йыл куыд фӕзынд? йӕ рӕстӕг ӕнӕуырнӕг ӕмгӕрттимӕ кӕй ӕрвыста, уымӕй йӕхи куыд раст кодта? Цы бӕллӕхтӕ йӕм ӕнхъӕлмӕ каст? Тарӕ цы уавӕры уыд, уый йӕ ныййарджытӕ цӕуылнӕ уыдтой? Фӕлӕ сӕ зондахаст куы фӕивтой, уӕд ын куыд баххуыс кодтой ногӕй йӕ къахыл слӕууынӕн? Иу хо, пионер, куыд равдыста, Тарӕйы ӕцӕг ӕмбал кӕй у, уый? Ӕмбисӕндты 13:20 ӕмӕ Иеремийы 17:9 цы фыст ис, уымӕ чырыстӕттӕ сӕ хъус лӕмбынӕг цӕмӕн хъуамӕ ӕрдарой? Цавӕр ахсджиаг хъуыддаг бамбӕрста Тарӕ?
7 Кӕронбӕттӕн. Ацы кинонывӕй цӕуыл ахуыр кӕныс? Дӕ бон дзы куыд у иннӕтӕн дӕр баххуыс кӕнын? (Пс. 70:17).