Журнал дӕтгӕйӕ цы ис зӕгъӕн, уымӕ куыд цӕттӕ кӕнын хъӕуы
1. Журнал дӕтгӕйӕ цы ис зӕгъӕн, уый фӕдыл «Нӕ хъусын кӕныны хъуыддаджы» цы цӕвиттон вӕййы, уый комкоммӕ куыд фыст у, афтӕ дзурыны бӕсты хуыздӕр цӕмӕн у, цӕмӕй алчи дӕр йӕхӕдӕг цӕттӕ кӕна, цы зӕгъдзӕн, уый?
1 Чи зоны бафӕрсай: «Журнал дӕтгӕйӕ цы зӕгъдзыстӕм, уымӕ нӕ нӕхи цӕттӕ кӕнын цӕмӕн хъӕуы, кӕд ӕмӕ, цы зӕгъӕм, уый „Нӕ хъусын кӕныны хъуыддаджы“ алы номыры дӕр вӕййы?». Мыхуыр цӕвиттонтӕ бирӕтӕн стыр ӕххуыс сты. Фӕлӕ-иу уӕддӕр алчи дӕр хъуамӕ йӕхӕдӕг бацӕттӕ кӕна, журнал дӕтгӕйӕ цы зӕгъдзӕн, уый. Иу бынаты цы цӕвиттонмӕ байхъусой, уымӕ ӕндӕр ран, гӕнӕн ис, ӕмӕ ма байхъусой. Уӕдӕ, ӕнӕмӕнг нӕу, растдӕр мыхуыр цӕвиттонмӕ гӕсгӕ дзурын. Фӕлӕ уыцы цӕвиттонӕй куы пайда кӕнӕм, уӕддӕр хуыздӕр уаид, хи ныхӕстӕй йӕ куы дзуриккам.
2. Цавӕр статьяйыл ныхас кӕндзынӕ, уый ӕвзаргӕйӕ зӕрдыл дарын цы хъӕуы?
2 Равзар статья. Фыццаг бакӕс журнал, уый фӕстӕ равзар, уӕ территорийы чи сбӕздзӕн ӕмӕ дӕ зӕрдӕмӕ тынгдӕр чи фӕцыд, ахӕм статья. Уыцы статьяйы тыххӕй ӕнӕгуырысхойӕ ӕмӕ зӕрдиагӕй куы дзурай, уӕд кӕимӕ ныхас кӕнай, уый дӕр бафӕнддзӕн уыцы статья бакӕсын. Кӕд, уӕ территорийы фылдӕр адӕмӕн сӕ зӕрдӕмӕ чи фӕцӕудзӕн, ахӕм статья равзӕрстай, уӕддӕр, уыцы журналы иннӕ статьяты цы фыст ис, уый дӕр хъӕуы хорз зонын. Афтӕмӕй дын ӕнцондӕр уыдзӕн дӕ ныхас фӕивын, адӕймаджы ӕндӕр темӕ куы цымыдис кӕна, уӕд.
3. Цӕмӕй дӕм адӕм хуыздӕр байхъусой, уый тыххӕй дӕ ныхас куыд райдайыс?
3 Ратт фарст. Уый фӕстӕ, дӕ ныхас куыд райдайдзынӕ, ууыл хорз ахъуыды кӕн. Уый у тынг ахсджиаг. Цӕмӕй, цы статья равзӕрстай, уый адӕймаджы бацымыдис кӕна, уый тыххӕй хорз уаид, куы йӕм раттис ахӕм фарст, хъуыдытыл ӕй чи бафтауа. Арӕхдӕр уыдон вӕййынц, адӕймаджы хъуыды базоныны тыххӕй кӕй раттынц, ахӕм фарстытӕ. Архай, цӕмӕй дӕ фарстӕй адӕймаг ма фефсӕрмы уа кӕнӕ йӕхи ныхасыл цӕхгӕр ма ныллӕууа.
4. Адӕймаджы куы ӕвдӕла, уӕд ын стих бакӕсын хорз цӕмӕй у?
4 Бакӕс стих. Фӕстагмӕ равзар, адӕймаджы куы ӕвдӕла, уӕд ын кӕй бакӕсдзынӕ, ахӕм стих. Сисӕн ӕй ис, цы статья равзӕрстай, уырдыгӕй. Стих ын куы бакӕсай, уӕд адӕймаг фендзӕн, нӕ хабар Хуыцауы Ныхасӕй кӕй у. Журнал куы нӕ айса, уӕддӕр фехъусдзӕн, Хуыцауы Ныхасы цы фыст ис, уый (1 Фес. 2:13). Иуӕй-иутӕ-иу адӕймаджы бацымыдис кодтой, фарст раттыны размӕ-иу ын стих кӕй бакасты, уымӕй. Цалынмӕ стих нӕ бакастӕ, уӕдмӕ дӕ бон у зӕгъын: «Ацы стихы цы фыст ис, уый тыххӕй мӕ фӕнды дӕ хъуыды базонын». Уый фӕстӕ йын йӕ хъус ӕрдар, стихы чи ис, уый ӕнгӕс хъуыдымӕ статьяйӕ ӕмӕ йын ӕй бамбарын кӕн, цӕмӕй йӕ тынгдӕр бацымыдис кӕнай. Стӕй йын журнал ратт.
5. Журнал дӕтгӕйӕ цы зӕгъдзынӕ, уый куы цӕттӕ кӕнай, уӕд сӕйраджыдӕр дӕ зӕрдыл цы хъуамӕ дарай?
5 Журнал дӕтгӕйӕ цы зӕгъын фӕхъӕуы, уый тыххӕй карз фӕткӕвӕрдтӕ нӕй. Хуыздӕр у, ныхас хуымӕтӕг ӕмӕ цыбыр куы уа. Пайда кӕн, Ӕхсӕнады уынаффӕтӕй дӕ зӕрдӕмӕ чи цӕуы ӕмӕ дын хорз аныхас кӕнын кӕй фӕрцы бантысы, уыдонӕй. Адӕмы ӕргом здах, журналты цы фыст ис, уый куыд ахсджиаг у, уымӕ, ӕмӕ зӕрдиагӕй дзур. Хорз куы цӕттӕ кӕнай, уӕд дын хуыздӕр уайдзӕн дӕттын журналтӕ «Хъахъхъӕнӕн мӕсыг» ӕмӕ «Райхъал ут!», «йӕ зӕрдӕ ӕнусон цардмӕ здӕхт кӕмӕн у», уыдонӕн (Ап. хъ. 13:48).