Парахат кӕн, ӕцӕгдзинады тыххӕй чи дзуры, уыцы журналтӕ
1. Куыд нын ӕххуыс кӕнынц журналтӕ «Хъахъхъӕнӕн мӕсыг» ӕмӕ «Райхъал ут!»?
1 Журналтӕ «Хъахъхъӕнӕн мӕсыг хъусын кӕны Йегъовӕйы Паддзахад» ӕмӕ «Райхъал ут!» абон дӕр ахсджиаг сты Паддзахады тыххӕй хъусын кӕныны ӕмӕ ахуыргӕнинӕгтӕ цӕттӕ кӕныны хъуыддаджы (Матф. 24:14; 28:19, 20). Ӕмӕ уый тыххӕй алы мӕй дӕр уацамынды ӕхсызгонӕй дӕттӕм ацы дыууӕ журналы.
2. «Хъахъхъӕнӕн мӕсыг» ӕмӕ «Райхъал ут!»-ы цы фӕивта ӕмӕ цӕмӕн?
2 Бирӕ азты дӕргъы уынӕм, ацы журналтӕ куыд ивынц, уый: цыхуызӕн сты ӕмӕ дзы дзырд цӕуыл цӕуы, стӕй сӕ куыд парахат кӕнӕм, уый дӕр. Уыцы ивындзинӕдтӕ уый тыххӕй цыдысты, цӕмӕй журналтӕ рӕсугъддӕр уой ӕмӕ адӕмы зӕрдӕмӕ цӕуой, хорз хабар алыхуызон адӕмы зӕрдӕмӕ бахъара ӕмӕ, ӕцӕгдзинад цы у, уый бӕлвырдӕй базоной ӕмӕ фервӕзой (1 Тим. 2:4).
3. Журналтӕй уацамынды куыд пайда кӕнӕм?
3 2006 азы январӕй пайда кӕнын райдыдтам алыхуызон цӕвиттонтӕй, цӕмӕй дӕттӕм «Райхъал ут!» (цӕуы мӕй иу хатт уырыссагау). Ныр та ма алы мӕй дӕр афтӕ дӕтдзыстӕм «Хъахъхъӕнӕн мӕсыг»-ӕн йӕ иу номыр, кӕд дыууӕ уыдзысты, уӕддӕр. Куыд дӕттӕн ӕй уыдзӕн, уый фыст уыдзӕн «Нӕ хъусын кӕныны хъуыддаджы» фӕстаг фарсыл. Уыцы цӕвиттонтӕ арӕхдӕр ӕргом здахдзысты фыццаг статьятӕм, фӕлӕ-иу иуӕй-иу хатт иннӕ статьятӕм дӕр уыдзӕнис цӕвиттонтӕ лӕвӕрд. Цӕттӕ цӕвиттонтӕ стырдӕр пайда ӕрхӕсдзысты, статьямӕ-иу рагацау куы ’ркӕсӕм ӕмӕ-иу цӕвиттон нӕхи ныхӕстӕй куы радзурӕм, кӕм цӕрӕм, уым хуыздӕр куыд уыдзӕн, афтӕ.
4. «Нӕ хъусын кӕныны хъуыддаджы» цы цӕвиттонтӕ ис, уыдонӕй уӕлдай ма ӕндӕр цӕвиттонтӕй пайда кӕнын хорз цӕмӕн уыдзӕн?
4 Кӕд «Нӕ хъусын кӕныны хъуыддаджы» алы журналмӕ дӕр дыууӕ цӕвиттоны вӕййы, уӕддӕр нӕ бон у нӕ ныхас ӕндӕрхуызон райдайын. Уый хорз уымӕн у, ӕмӕ кӕм хъусын кӕнӕм, уым, чи зоны, адӕмы зӕрдӕмӕ ӕндӕр статья фӕцӕуа. Кӕнӕ нӕм, чи зоны, хуыздӕр кӕса, нӕхи зӕрдӕмӕ тынгдӕр цы статья фӕцыд, нӕ ныхас ууыл саразын.
5. Журнал куыд дӕтдзыстӕм, уый бацӕттӕ кӕныны размӕ уал цы хъуамӕ саразӕм?
5 Нӕхи куыд цӕттӕ кӕнӕм. Фыццаг уал хъуамӕ бакӕсӕм, журналӕй цы статья равзӕрстам, уый. Чи зоны нын алы хатт нӕ бантысы журнал ӕнӕхъӕнӕй бакӕсын, цалынмӕ йӕ парахат кӕнын нӕ райдайӕм, уӕдмӕ. Фӕлӕ хъуамӕ зӕрдиагӕй дзурӕм, цы статья равзӕрстам, ууыл. Ӕмӕ афтӕ дзурын нӕ бон ӕрмӕст уӕд уыдзӕн, цӕуыл дзурӕм, уый хорз куы зонӕм.
6. Нӕ ныхас цӕмӕй райдайдзыстӕм, уый нӕ бон куыд у цӕттӕ кӕнын?
6 Дыккаг, нӕ ныхас цӕмӕй райдайдзыстӕм, уый афтӕ цӕттӕ кӕнӕм, уавӕртӕм гӕсгӕ йӕ фӕивӕн куыд уа. Нӕ ныхасы райдиан ахӕм фарстӕй спайда кӕнӕм, статьяимӕ баст куыд уа ӕмӕ адӕймаджы куыд бацымыдис кӕна. Алы хатт дӕр нӕ ныфс дарӕм, Хуыцауы Ныхасы цы тых ис, ууыл, цӕмӕй адӕймаджы зӕрдӕмӕ фӕндаг ссарӕм (Дзут. 4:12). Цӕуыл дзурдзыстӕм, уымӕ гӕсгӕ-иу стих равзарӕм, фӕлӕ хуыздӕр уыдзӕн, цы статьяйыл дзурдзыстӕм, уырдыгӕй куы уа, уӕд. Стӕй-иу ахъуыды кӕнӕм, стих статьяимӕ куыд баст у, ууыл.
7. Цы цӕвиттонӕй пайда кӕнӕм, уый фӕхуыздӕр кӕнӕн куыд ис?
7 Алы фадатӕй дӕр пайда кӕнӕм. Цӕмӕй адӕмимӕ ӕнтыстджынӕй ныхас кӕнӕм, уый тыххӕй хъуамӕ пайда кӕнӕм, цы цӕвиттон бацӕттӕ кӕнӕм, уымӕй. Сабаты-иу ӕмбырдимӕ журналтимӕ хъусын кӕнӕм. Журналтӕ дӕттӕм, раздӕр ӕндӕр литературӕ чи райста, Библи кӕимӕ ахуыр кӕнӕм ӕмӕ ногӕй кӕмӕ бацӕуӕм, уыдонӕн. Нӕ бон у журналтӕ дӕттын, дуканийы истытӕ ӕлхӕнгӕйӕ, фӕндагыл цӕугӕйӕ кӕнӕ дохтырмӕ ӕнхъӕлмӕ кӕсгӕйӕ. Мӕйы дӕргъы цы цӕвиттонӕй пайда кӕнӕм, уый фӕхуыздӕр кӕныныл архайӕм.
8. «Хъахъхъӕнӕн мӕсыг» ӕмӕ «Райхъал ут!» диссаг цӕмӕй сты?
8 «Хъахъхъӕнӕн мӕсыг» ӕмӕ «Райхъал ут!» диссаджы журналтӕ сты – кад кӕнынц Йегъовӕйӕн, Дунедарӕгӕн (Ап. хъ. 4:24). Адӕмӕн Хуыцауы Паддзахады тыххӕй хорз хабар хӕссынц ӕмӕ сӕ разӕнгард кӕнынц, цӕмӕй Йесо Чырыстийыл баууӕндой (Матф. 24:14; Ап. хъ. 10:43). Уымӕй уӕлдай ма, дунейы хабӕрттӕм сӕ хъус дарынц, Библийы пехуымпарӕдтӕ куыд ӕххӕст кӕнынц, уый равдисынӕн (Матф. 25:13). Уӕдӕ адӕмӕн ӕххуыс кӕнӕм, цӕмӕй сын ацы журналтӕ фӕпайда уой, ӕмӕ афтӕ цӕттӕ кӕнӕм, цӕмӕй сӕ нӕ бон дӕттын уа, фадат нын куы фӕзына, уӕд!
9. Цӕмӕй адӕймагмӕ ногӕй бацӕуӕм, уый тыххӕй нӕ бон цы у аразын?
9 Кӕд адӕймагӕн журнал ныууагътай кӕнӕ йемӕ Хуыцауы тыххӕй хорз аныхас кодтай, уӕд бацархай, цӕмӕй йӕм иннӕ хатт дӕр бацӕуай. Уый тыххӕй та йӕм уӕ ныхасы кӕрон ратт, рагацау кӕй бацӕттӕ кодтай, иу ахӕм фарст кӕнӕ та йын зӕгъ, чи йӕ бацымыдис кӕна, исты ахӕм хъуыды. Ӕцӕгдзинады мыггаг зӕрдиагӕй куы тауӕм, уӕд нӕ фидар ныфс уӕд, Йегъовӕйы зонын ӕмӕ йын лӕггад кӕнын цы адӕмы фӕнды, уыдонӕн сӕ зӕрдӕтӕ кӕй байгом кӕндзӕн (1 Кор. 3:6).